Colosenses 4:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧ta̧nö̧ Jesús te'äu ucuturu. Ja̧u̧mä̧ koro i̧mi̧mä̧ Justo pä'ö mi̧cua̧. Pitötä judíos ttö̧ja̧ttö̧ ji̧nä̧ yo̧mȩtȩ aditinätö ttöcu, Dios Ttu̧ru̧hua̧ päi'önä ö̧jä̧cuȩ huȩnȩ ji'äu. Iso päi'önä adiu ppä'ädinätö ttörö.

Nuevo Testamento Uwotjüja

¹¹ Ja̧'wa̧ta̧nü̧ Jesú, surojü jui̧'a̧ pättä'ijäku'i̧nä̧ teäwä̧u̧jä̧. Judío wotüttü, Dio i̧wȩnȩnä̧ chaditomȩnä̧ chesewuönä̧ ppä̧'ä̧dä̧rü̧ aditä'ijätümä̧ juätütä ja̧'a̧.

Colosenses 4:11 ပူးပေါင်းရင်းမြစ်များ

Hechos 10:45

Jesucristorö esetätömä judíos ttö̧ja̧ttö̧ Pedrocu ichäjätömä ttä̧ju̧cuo̧cö̧ jä̧'i̧jö̧ ä̧ju̧cui̧nä̧tö̧do, Diosmä judíos huocotörö'inä iya'attö Espíritu Santorö.

Hechos 11:2

Pedro Jerusalén ötahuiyära̧'a̧ i̧'chi̧'o̧mȩnä̧, korotömä, o'ca toi'önä Jesucristorö esetätörö'inä circuncisión jȩttö̧'a̧nö̧ ja̧'a̧ amöcuädätömä, ja̧u̧ru̧ huopäcuähuinätödo.

Romanos 16:3

Te'ähuätucui Priscilarö'inä, Aquilarö'inä. Cristo Jesús aditähuänä ttöcu ppä'ädätö jahuätö.

Romanos 4:12

Ja̧'hua̧ta̧nö̧ circuncisión jȩpä̧tö̧'i̧nä̧ ttä'o päi'önä kö̧ Abrahammä. Ja̧'hua̧nö̧ ja̧'a̧nä̧ circuncisión jȩtti̧nö̧tä̧ amöcuädätö ttä'omäcö̧. Chutä Abraham circuncisión jȩö̧ juiyäi esetinö ta'anö esetätö ttä'o jä̧cua̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Efesios 2:11

Ja̧'hua̧nö̧ ja̧'a̧ttö̧ pä'äji cu̧ja̧cui̧nä̧tu̧cu̧ ta'anö amöcuädätucui. Ucutu judíos huocotö pi̧nä̧tö̧jä̧. Judíos huotö u̧mä̧tö̧mä̧, circuncisión jȩpä̧tö̧ ttöäre jättäpäyotö. Ja̧'hua̧nö̧ ja̧'a̧ttö̧ jahuätö: “Circuncidados huotöjä ujutumä” pä'ätö. Ucuturu: “Circuncidados huocotöjä” pä'ätö.

Filipenses 4:3

Ucuru'inä chu̧mö̧huä̧ya̧ adiu jȩpi̧nö̧rö̧, ji'äusä jahuätörö, tö̧jä̧hua̧tö̧rö̧, ppäcuhuäda pä'ö. Jahuätö adiu aditinätö ttöcu, ttö̧ja̧ suronä jȩttö̧ jȩpö̧ icu huȩnȩ ji'äu. Ja̧'hua̧ta̧nö̧ Clementecu, korotöcu ji̧nä̧ yo̧mȩtȩ aditinätöjä. Jahuätö tti̧mi̧mä̧ huȩyu̧cua̧'a̧ ka̧'a̧ kä̧cuä̧huä̧ i'co cuyäru'tänä.

Colosenses 4:7

Adihuä ta̧hua̧ru̧hua̧ Tíquico o'ca juiyönä ji̧ä̧huä̧cua̧ ucuturu, ttörö 'cuäopäjimä. Iso päi'önä ja̧u̧ ppä'ädö adiu aditinö ttöcu Tu̧ru̧hua̧ aditähuä.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

1 Tesalonicenses 3:7

Ja̧'hua̧nö̧ ja̧'a̧ttö̧ tö̧jä̧hua̧tö̧, ujuturu rö̧ȩnä̧ suronä 'cuäopa'anä, Diosrö adiu cuesetätucua'a ä̧ju̧cu̧, rö̧ȩnä̧ esehuätöjä.

Tito 1:10

Iso päi'önä recuätö jarode'ätömä ka̧cuä̧tö̧. Judíos ttö̧ja̧ ttö̧'quȩtȩnä̧'i̧nä̧ recuätö ja̧'hua̧nö̧ jȩpä̧tö̧ ka̧cuä̧tö̧. Jahuätömä amönä huȩnȩ ucuocu yapareu ji'ähuätö ttö̧ja̧rö̧.

Filemón 1:1

Ttö Pablo, Cristo Jesúsru cheseta'attö cärenä pä̧nö̧, tö̧jä̧hua̧ Timoteocu pi̧yȩ cuyäru huȩyu̧tu̧ hue'ätöjä ucu Filemónrö, ucuru repetäcuru, ujutucu adiu aditörö.

Filemón 1:24

Ja̧'hua̧ta̧nö̧ Marcos'inä, Aristarco'inä, Demas'inä, Lucas'inä ttöcu aditätömä te'ähuätö ucuru.