Colosenses 3:5 - TÄ̧DO Ä̧CUÄ̧ I̧HUȨNȨ

⁵ Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

Nuevo Testamento Uwotjüja

⁵ Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

Colosenses 3:5 ပူးပေါင်းရင်းမြစ်များ

San Mateo 15:19

Suronä amöcuädäcuähuä'inä, ttö̧ja̧rö̧ cuä'ö icuähuä'inä, nä̧tö̧rö̧ suronä usähuä'inä, ka̧ra̧ irecuarö suronä jȩä̧cuä̧huä̧'i̧nä̧, nä̧u̧cuä̧cuä̧huä̧'i̧nä̧, yapareu ucuocuäcuähuä'inä, korotörö suronä ucuocuäcuähuä'inä räopa'a ttö̧ja̧ ttami iso'qui jacuättö.

Romanos 1:26

Ja̧'hua̧nö̧ ja̧'a̧ttö̧ Dios jaroi'inä̧u̧ jitörötä, surojö pä̧huä̧ rö̧jö̧ jȩtta̧'a̧ttö̧. Nä̧tö̧'i̧nä̧, u̧mä̧tö̧cu̧ jȩa̧cuä̧hua̧ jaropi'ö, jȩä̧cuä̧huo̧cö̧'i̧nä̧ nä̧tö̧ nä̧tö̧cu̧ suronä jȩpä̧tö̧.

Romanos 1:29

O'ca juiyönä suronä jȩä̧cuä̧huä̧ su'pejä̧u̧. Ka̧ra̧ irecuarö usätö. Suronätä jȩpä̧tö̧. Rö̧ȩnä̧ ttu̧ju̧nä̧ra̧ pä'ätö. Korotörö suronä jȩpä̧tö̧. Korotö ttu̧ju̧nä̧rö̧'a̧nö̧, ttu̧ju̧nä̧ra̧ pä'ätö. Korotörö cuä'ö icuätö. Ja̧'hua̧ta̧nö̧ sȩ'ȩpä̧rö̧ rohuähuätö. Yapareu ucuocuätö. Korotörö yapareu amöcuädö ucuocuätö. Korotörö huȩnȩtö̧ ji'ähuätö.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Romanos 6:6

Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧.

Romanos 7:23

Ja̧'hua̧nö̧ ja̧'a̧nä̧ cha̧'cua̧nä̧ adiu chamöcuäda päda'anä, chidepätä i̧mi̧cu̧nä̧ rohuähua'a. Chidepä rohuäumä surojötä ja̧'a̧. Ja̧'hua̧ta̧nö̧ cärenä ttö̧'a̧'a̧ jä̧'i̧nö̧'a̧nö̧ jä̧cu̧sä̧.

Romanos 7:5

Äcuomenä ujututä tidepä pä̧huä̧ rö̧jö̧ jȩpö̧ tö̧ja̧cuo̧mȩnä̧, hueähuä huȩnȩ hueina'a ujuturu, suronä amöcuädö jȩta̧ pä'ö. Ja̧u̧ juäi hua'aretä i'cächinö ujuturu.

Romanos 8:13

Cuidepä hueönä cu̧ja̧cuä̧tu̧cu̧ttu̧mä̧, hua'ö cuicuäcuotöjä. Ja̧'hua̧nö̧ ja̧'a̧nä̧ Espíritu Santo ujurunä, cuidepä hueö jȩcu̧'ä̧tu̧cu̧ juiyöttömä, adiu cu̧ja̧cuä̧cuo̧tö̧jä̧.

1 Corintios 5:1

Ja̧'hua̧ta̧nö̧ koro'inä pä'ö ucuocuätö ucuturu. Ucututtu ya̧tȩ jä'o irecuarö kö̧. Ja̧u̧mä̧ yoröiso surojö. Diosrö esetocotö'inä yoröiso jȩpo̧co̧tö̧ ja̧u̧ surojö.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

1 Corintios 6:18

Ja̧'hua̧ ja̧'a̧ttö̧ jaropi'ätucui nä̧tö̧rö̧ usu jȩä̧cuä̧huä̧mä̧. Ya̧tȩ irecuarö u̧ju̧nä̧ro̧mȩnä̧, karajuru jȩä̧'cho̧mȩnä̧, chutä jä̧ttä̧pä̧ya̧nä̧ suronä jȩpö̧. Juhuorö'inä koro juäi suronä jȩo̧mȩnä̧, chutä jä̧ttä̧pä̧ya̧nä̧ suronämä jȩpo̧cö̧.

2 Corintios 12:21

Pä'äji ta'anö ucuturu do'ächö chi̧'cho̧mȩnä̧, Dios ä'ca jo̧mȩttö̧ ucuturu chö̧dä̧pȩcuä̧cua̧sä̧ a̧'cua̧ra̧'a̧ pä'ö ye'ecu amöcuädösä. Ja̧'hua̧ta̧nö̧ ucututtu recuätö täbocö päi'önä suronä jȩtti̧na̧'a̧ amöcuädö, cha̧juä̧huä̧cua̧sä̧ a̧'cua̧ra̧'a̧. Jahuätö suronä jȩpö̧, nä̧tö̧rö̧ jȩpä̧'chö̧'i̧nä̧, koro juäi'inä jȩtto̧mȩnä̧'i̧nä̧ yoröiso ji'äu icuocotö pi̧nä̧tö̧do.

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

Efesios 4:19

Ja̧'hua̧nö̧ huotömä yoröiso dä'äcuocotö. Jahuätörö pä̧huä̧ rö̧jo̧mȩnä̧ o'ca juiyönä suronä jȩpä̧tö̧.

Colosenses 2:11

Ucutu'inä iso päi'önä ttö̧ja̧ jȩttö̧'a̧nö̧mä̧ circuncidados huocotöjä. Ucutumä Cristorö cuesetätucua'attö, circuncidados huotöjä. Ja̧u̧mä̧ ucutu suronä jȩcu̧'ä̧tu̧cu̧ jȩpö̧ icuinö. Ja̧'hua̧nö̧ huotöjä ucutumä, Cristorö cuesetätucua'attö.

1 Tesalonicenses 4:3

Dios pä̧huä̧ rö̧jä̧cu̧ surojö juiyönä, adiu jȩpö̧ cu̧ja̧cuä̧tu̧cua̧ pä'ö. Cuirecua pocojucu suronä jȩcu̧'ä̧tu̧cuä̧'.

1 Tesalonicenses 4:5

Diosrö esetocotö jȩttö̧'a̧nö̧mä̧, suronä amöcuädö, ucuturu pä̧huä̧ rö̧jo̧mȩnä̧tä̧ jȩpö̧, cuȩmä̧tu̧cuä̧' cuirecuarö.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

Hebreos 12:16

Ja̧'hua̧ta̧nö̧ cuirecuarö cu̧ju̧nä̧rä̧tu̧cuo̧mȩnä̧, karajuru suronä jȩcu̧'ä̧tu̧cuä̧'. Ja̧'hua̧ta̧nö̧ Dios ä'ca jo̧mȩttö̧ adihuä juäinä suronä cujö'cätucuä'. Esaú ja̧'hua̧nö̧ jȩpi̧nö̧do. Chutä ä'canä i̧tti̧ ja̧'a̧nä̧, jä'o hueipinömä iyinödo ö̧jä̧hua̧rö̧ ya'utenätä u̧cuȩ ucua'a micuä päi'önä.

Hebreos 13:4

O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

Hebreos 13:5

Pärätä'inä repecuhuätucuä'. Cu̧ju̧nä̧rä̧tu̧cu̧ amöcuädö, esehuätucui. Dios pa̧'a̧nö̧ pä'inödo: “Yoröiso jarochi'ococujä. Yoröiso chicuipococujä.”

Santiago 4:1

¿Tottö icha'attö suräjuä huȩnȩ'i̧nä̧, rohuäcuähuä huȩnȩmä̧? Ja̧'hua̧nö̧ ja̧'a̧ pi̧jä̧ jähuä pä̧huä̧ rö̧jö̧ cuamöcuädätucua'attö, ucututtu rohuähua'a surojö.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.