Colosenses 3:23 - TÄ̧DO Ä̧CUÄ̧ I̧HUȨNȨ

²³ O'ca juiyönä jȩcu̧'ä̧tu̧cumä̧, eseunu jȩpä̧tu̧cui̧, Tu̧ru̧hua̧ Cristorö amöcuädö, pi̧jä̧ ttö̧ja̧rö̧ cuamöcuädätucuoca'a.

Nuevo Testamento Uwotjüja

²³ Ja̧'wa̧ta̧nü̧ o'kajuiyünä̧ jȩ'kuä̧tu̧ku̧mä̧, eseunu̧ jȩpä̧tu̧kui̧. Crito weü ukuotü jȩtta̧'a̧ 'kua̧rü̧nä̧, pi̧jä̧ ttü̧ja̧rü̧ ukuotü jȩtta̧'a̧ 'kua̧rü̧nä̧mä̧ jȩ'kuä̧tu̧kuä̧.

Colosenses 3:23 ပူးပေါင်းရင်းမြစ်များ

San Mateo 6:16

Juhua'a yabonö huo̧juȩti̧nö̧do Jesús: —Ucutumä cu̧cuȩ cucuätucuoca'a a̧do̧chö̧ jȩcu̧'ä̧tu̧cuo̧mȩnä̧, korotömä tta̧'cua̧ tta̧'ȩcu̧ amönä jȩttö̧'a̧nö̧ jȩcu̧'ä̧tu̧cuä̧'. Jahuätömä amönä jȩpä̧tö̧do korotö totta pä'ö ttu̧cuȩ ttucuoca'a tta̧do̧cha̧'a̧. Iso päi'önä pä'ösä ucuturu, ja̧'hua̧nö̧ jȩpö̧ ttö̧ja̧ jahuätörö tottomenä, täcö tta̧do̧chö̧ micuä ȩmä̧tö̧do.

Romanos 14:6

Korotö ttu̧ȩcuä̧nä̧ ka̧cuä̧tö̧ ja̧u̧ juäi mo̧ro̧, koro juäi'inä aditocotö, Ttu̧ru̧hua̧rö̧ ucuotö. Ja̧'hua̧ta̧nö̧ korotö o'ca juiyönä mo̧ro̧ yorätehua'a amöcuädätö'inä, Ttu̧ru̧hua̧rö̧ ucuotätö. O'ca juiyönä cuätömä, Ttu̧ru̧hua̧rö̧ tta̧'cua̧ huȩnä̧rö̧nö̧ cuätö, Diosrö eseunu ucuocu. Ja̧'hua̧ta̧nö̧ o'ca juiyönä cuocotö'inä, Ttu̧ru̧hua̧rö̧ tta̧'cua̧ huȩnä̧rö̧nö̧ cuocotö, Diosrö eseunu ucuocu.

Romanos 14:8

Tö̧jö̧'i̧nä̧, Tu̧ru̧hua̧nä̧ ka̧cuä̧tö̧jä̧. Hua'ö icu'inä, Tu̧ru̧hua̧nä̧ hua'ö icuätöjä. Ja̧'hua̧ ja̧'a̧ttö̧ ji̧nä̧ tö̧jä̧i̧'i̧nä̧, hua'ö ticuomenä'inä Tu̧ru̧hua̧ umöhuäyotöjä.

Efesios 5:22

Nä̧tö̧ Tu̧ru̧hua̧ Jesucristorö ttä̧ju̧cu̧'a̧nö̧, ttä̧ju̧cuä̧cua̧'a̧nö̧ ttirecuorö'inä.

Colosenses 3:17

O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

1 Pedro 2:13

Tu̧ru̧hua̧rö̧ esetö kä̧nö̧, pi̧jä̧ ttö̧jä̧ hueähuä huȩnȩ hueö'a̧nö̧ jȩpä̧tu̧cui̧. Ji̧nä̧ isocu ru̧hua̧ hueö'a̧nö̧ jȩpä̧tu̧cui̧.

1 Pedro 2:15

Adiunä cu̧ja̧cuä̧tu̧cua̧ pä'ödo Diosmä, jerupö ucuocuätö juhua'a yabonö ttucuocu juiya pä'ö.