Colosenses 3:16 - TÄ̧DO Ä̧CUÄ̧ I̧HUȨNȨ

¹⁶ Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

Nuevo Testamento Uwotjüja

¹⁶ Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

Colosenses 3:16 ပူးပေါင်းရင်းမြစ်များ

San Mateo 26:30

Ya'ute ra̧huä̧huä̧ ra̧ttä̧ji̧ o'ca'a rä'opächö, Olivos inähuära̧'a̧ 'chi̧nä̧tö̧do.

San Lucas 2:51

Ja̧'hua̧ ja̧'a̧ttö̧ jahuätöcu ppa̧'ä̧chi̧nö̧do Nazaret ötahuiyära̧'a̧. Ja̧'hua̧ta̧nö̧ jahuätö huettö yabocutä jȩpö̧ ki̧nö̧do. Ja̧'hua̧ ja̧'a̧ ja̧ju̧ kami iso'quinä ja̧u̧ o'ca juiyönä a̧mö̧cuä̧ri̧nä̧ju̧do.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

Romanos 10:17

Ja̧'hua̧ ja̧'a̧ttö̧ jittäu ttä̧ju̧cuo̧mȩnä̧, esetätö. Ja̧'hua̧ta̧nö̧ ttä̧ju̧cu̧mä̧, Cristo i̧huȩnȩ ja̧'a̧.

Romanos 15:14

Ttö chö̧jä̧hua̧tö̧, ttötä iso päi'önä huo̧jua̧sä̧ ucutu yoröiso adiu jȩpä̧tö̧jä̧. Ja̧'hua̧ta̧nö̧ o'ca juiyönä huo̧juä̧tö̧jä̧. Ja̧'hua̧ta̧nö̧ ucutu huo̧juä̧tö̧jä̧ cu̧huo̧juȩtä̧tu̧cua̧ pä'ö korotö korotönörö.

1 Corintios 14:15

Ja̧'hua̧nö̧ ja̧'a̧ttö̧ ¿tta̧'a̧nö̧ jȩchä̧tto̧? Cha̧'cua̧ru̧hua̧nä̧'i̧nä̧, chu̧huo̧jua̧'a̧nä̧'i̧nä̧ Diosrö chucuocuomenä, adihua'a. Ja̧'hua̧ta̧nö̧ cha̧'cua̧ru̧hua̧nä̧'i̧nä̧ chu̧huo̧jua̧'a̧nä̧'i̧nä̧ ra̧do̧mȩnä̧, adihua'a.

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

Efesios 1:17

Tu̧ru̧hua̧ Jesucristo adihuä Jä'o Diosrö jä'epösä mo̧ro̧jä̧ttö̧ huo̧juä̧huä̧ iyatö pä'ö, adiu cu̧huo̧juä̧tu̧cua̧ pä'ö chutä u̧huo̧juȩtö̧mä̧. Ja̧'hua̧ta̧nö̧ Diosrö'inä rö̧ä̧chö̧nä̧ cu̧huo̧juä̧tu̧cua̧rö̧ pä'ö jä'epösä.

Efesios 5:17

Ja̧'a̧tä̧ra̧'a̧ cuecuhuächätucuä'. Tu̧ru̧hua̧rö̧ pä̧huä̧ rö̧jö̧ amöcuädö huo̧jui̧pä̧tu̧cui̧.

Efesios 5:19

Ka̧ra̧ ka̧ra̧nö̧ ucuocu ka̧cuä̧tu̧cui̧ adihuä huȩnȩtä̧. Dios i̧huȩnȩ ra̧huä̧huä̧ ra̧'ö̧ ka̧cuä̧tu̧cui̧. Ja̧'hua̧ta̧nö̧ cuami iso'quitucunä o'ca juiyönä eseunu ra̧'ö̧ eseäcuähuätucui Tu̧ru̧hua̧rö̧.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

Colosenses 1:28

Ujutumä Cristo i̧huȩnȩ ji'ähuätöjä. Ujutumä tä̧bo̧tö̧ huo̧juȩtä̧tö̧jä̧ o'ca toi'önärö, adiu ttu̧huo̧jui̧'ä̧cua̧'a̧nö̧. Ja̧'hua̧nö̧ huo̧juȩtä̧tö̧jä̧ o'ca toi'önä Dios ä'ca jo̧mȩttö̧ adiu ttesetäcua'a̧nö̧ Cristorö.

Colosenses 1:9

Ja̧'hua̧nö̧ ja̧'a̧ttö̧ ucuturu tä̧ju̧cui̧no̧mȩttö̧ kä̧mä̧dö̧, 'cuäopönä Diosrö ucuocuätöjä ucuturu. Ujutu jä'epätöjä Diosrö, churutä pä̧huä̧ rö̧jö̧tä̧ u̧huo̧juȩtä̧tu̧cua̧cu̧ pä'ö ucuturu. Ja̧'hua̧ta̧nö̧ jä'epätöjä Diosrö, Espíritu Santo huo̧juȩcuä̧nä̧ o'ca juiyönä huo̧ju̧nä̧ cu̧huo̧juä̧tu̧cuä̧cua̧'a̧nö̧.

Colosenses 4:6

Cucuocuätucuomenä, 'corujuäinä ucuocuätucui huo̧ju̧nä̧, korotö ttö̧ra̧huä̧rö̧ juiyäcua'a̧nö̧. Ja̧'hua̧ta̧nö̧ ädätäcuähuänä'inä huo̧ju̧nä̧ ädätätucui o'ca toi'önärö.

1 Tesalonicenses 1:8

Ucutucu äcuomenä kä̧mä̧dö̧ Macedonia rȩjȩttö̧tä̧mä̧cö̧, Acaya rȩjȩttö̧tä̧mä̧cö̧ ä̧ju̧cui̧nä̧tö̧ Tu̧ru̧hua̧ i̧huȩnȩ. O'ca toi'önä pa̧ja̧cu̧nä̧ ä̧ju̧cui̧nä̧tö̧ Tu̧ru̧hua̧ i̧huȩnȩ. Ujutu jitähuoca'anä, o'ca toi'önä huo̧juä̧tö̧ ucutu Diosrö cuesetätucua'a.

1 Tesalonicenses 4:18

Ja̧'hua̧nö̧ ja̧'a̧ttö̧ korotö korotönö ppä'ädö ji'ähuätucui pi̧yȩ huȩnȩ.

2 Tesalonicenses 3:15

Ja̧'hua̧nö̧ ja̧'a̧nä̧ cua̧bo̧i̧ya̧tu̧cu̧ päi'önä jȩcu̧'ä̧tu̧cuä̧rö̧. Cu̧jä̧hua̧tu̧cu̧ru̧ cucuocuätucu'a̧nö̧, ucuocu ppä'ädätucuirö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

2 Timoteo 3:15

Ucu ji̧nä̧ ji̧'qui̧cha̧huä̧ya̧ huo̧jui̧pi̧nö̧jä̧ adihuä Huȩyu̧cuä̧ Huȩnȩ. Ja̧u̧ Huȩyu̧cuä̧ Huȩnȩ ucuru huo̧juȩta̧'a̧. Ja̧'hua̧ta̧nö̧ ja̧u̧ Huȩyu̧cuä̧ Huȩnȩ cuesetomenä, Cristo Jesús suronä jȩcu̧'u̧ jȩpö̧ icu.

Tito 3:6

Tu̧ru̧hua̧ Jesucristorö tesetomenä, Dios repeähuä juiyönä iyinä̧u̧jä̧ Espíritu Santorö.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

Santiago 5:13

Ucututtu ya̧tȩrö̧ barauttumä, Diosrö ucuocu'a̧nö̧ ja̧'a̧. Ucututtu ya̧tȩ eseunu ö̧jö̧ttö̧mä̧, Diosrö eseunu ra̧huä̧huä̧ ra̧u̧'a̧nö̧ ja̧'a̧.

1 Juan 2:14

Ucuturu huȩyu̧tu̧sä̧ tä̧mö̧ pi̧jä̧ aditäcua'a ä'canä ki̧nö̧rö̧ cu̧huo̧juä̧tu̧cua̧'a̧ttö̧. Ucuturu huȩyu̧tu̧sä̧ möäyotö, cujuruhuätucua'attö. Dios i̧huȩnȩ cuami iso'quitucunä ka̧'a̧. Ähuettä suronä jȩo̧mȩnä̧, cuami 'qui'ächi'ö ka̧cuä̧tö̧jä̧.

1 Juan 2:24

Ja̧'hua̧nö̧ ja̧'a̧ ucutu äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧, esetö ka̧cuä̧tu̧cui̧. Äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧ esetö cu̧ja̧cuä̧tu̧cu̧ttu̧mä̧, ucutu Tä'o Dioscu, Tä'o Dios I̧tti̧ Jesucristocu cu̧ja̧cuä̧cuo̧tö̧jä̧.

1 Juan 2:27

Espíritu Santo, Jesucristo iyinäcumä, ucutucu kö̧. Ja̧'hua̧nö̧ ja̧'a̧ttö̧ “Ka̧ra̧ ujuturu u̧huo̧juȩtö̧'a̧nö̧ ja̧'a̧” pä'ocotöjä ucutumä. Espíritu Santomä, Jesucristo iyinäcu, o'ca juiyönä ucuturu huo̧juȩtö̧. Ja̧u̧ u̧huo̧juȩtö̧mä̧, iso päi'önä huȩnȩ ja̧'a̧. Yapareu huȩnȩmä̧cö̧. Ja̧u̧ u̧huo̧juȩti̧nö̧ ta'anö jȩpä̧tu̧cui̧. Jesucristocutä ka̧cuä̧tu̧cui̧.

2 Juan 1:2

Iso päi'önä huȩnȩ o'ca toi'önä tami iso'quinä kö̧. Ja̧u̧ 'cuäopönä kä̧cua̧'a̧ ujutucutä. Ja̧u̧ iso päi'önä huȩnȩ chu̧ju̧nä̧ra̧'a̧ttö̧, ucuturu repe'ösä.

Apocalipsis 14:3

Chutä i̧dȩä̧cä̧ ä'ca jo̧mȩttö̧'i̧nä̧, jahuätöttö pa̧ja̧cuä̧nö̧ isotö a̧'cua̧rä̧tö̧ ttä'ca jo̧mȩttö̧'i̧nä̧, ancianos huotö ttä'ca jo̧mȩttö̧'i̧nä̧ jareö ra̧huä̧huä̧ ra̧'i̧nä̧tö̧. Korotömä yoröiso huo̧jui̧po̧co̧tö̧ pi̧nä̧tö̧ ja̧u̧ ra̧huä̧huä̧. Jitötä ciento cuarenta y cuatro mil jo̧mȩnä̧ ttö̧ja̧, pi̧jä̧ttö̧ ka̧cui̧pi̧nä̧tö̧, huo̧jui̧pi̧nä̧tö̧ ja̧u̧ ra̧huä̧huä̧.

Apocalipsis 15:3

Moisés, Dios u̧mö̧huä̧ya̧, ra̧hui̧nö̧'i̧nä̧, Cordero ra̧hui̧nö̧'i̧nä̧ ra̧'i̧nä̧tö̧. Pa̧'a̧nö̧ ra̧'i̧nä̧tö̧: Tu̧ru̧hua̧, Dios o'ca juiyönä ju̧ru̧hua̧mä̧, o'ca juiyönä jȩcu̧'u̧mä̧ yoröiso adihua'a. O'ca toi'önä Ttu̧ru̧hua̧, ucu cu̧mä̧nä̧ jueönätä 'chä̧mä̧mä̧. Iso päi'önä 'chä̧mä̧mä̧.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.