Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Colosenses 3:15 - TÄ̧DO Ä̧CUÄ̧ I̧HUȨNȨ

15 Dios iyinö cuami iso'quitucunä eseäcuähuä. Ja̧u̧ eseäcuähuä hueäcua'a̧nö̧ cuami iso'quitucunä, ji̧nä̧ ji̧yȩtȩ huotö päcuhui'ätucua pä'ö Diosrö esetö, chutä hueinö ta'anö. Ja̧'hua̧nö̧ ja̧'a̧ttö̧ esehuätucui ja̧u̧ru̧.

အခန်းကိုကြည့်ပါ။ ကော်ပီ

Nuevo Testamento Uwotjüja

15 Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.

အခန်းကိုကြည့်ပါ။ ကော်ပီ




Colosenses 3:15
35 ပူးပေါင်းရင်းမြစ်များ  

“Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.


Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.


Diosrömä ttu̧huo̧jua̧'a̧nä̧, adiunämä ucuotocotö Diosrö. Ja̧'hua̧ta̧nö̧ Dios jahuätörö ppädomenä, esehuocotö Diosrö. Ttamöcuädömä, micuähuocötä amöcuädätö. Ttamönä tta̧'cua̧rö̧ yo̧i̧pä̧chi̧nä̧u̧.


Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.


Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.


Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.


Ujutumä tirecua'anä, o'ca toi'önä ji̧nä̧ ji̧si̧tȩttö̧ cuätöjä. Ja̧'hua̧nö̧ ja̧'a̧ttö̧ ujutumä o'ca toi'önä ji̧nä̧ ji̧yȩtȩ huotö pä'i'ätöjä.


Ja̧'hua̧nö̧ ja̧'a̧nä̧ ya̧tȩ Diosrö esetocömä, irecuarö jaroi'a päöttömä, huäinä jaropi'ö. Ja̧'hua̧ta̧nö̧ yajute Diosrö esetocojumä, kirecuorö jaroji'a päjöttömä, huäinä jaropi'äju. Ja̧u̧nu̧ Diosrö esetäjimä adiunä ö̧jä̧cua̧. Isaju'inä Diosrö esetäjäjumä adiunä kö̧jä̧cua̧ju̧. Iso päi'önä Dios huoinä̧u̧jä̧ ujutu adiu eseunu tö̧ja̧cua̧ pä'ö.


Pi̧yȩ o'ca juiyönä 'cuäopa'ado, adiu cuesehuätucuäcua'a̧nö̧. Iso päi'önä recuätö Diosrö ttesetomenä, ja̧'hua̧ta̧nö̧ recuätö eseunu ttucuocuäcuotö Diosrö, chutä rö̧ȩnä̧ esehuäcua'a̧nö̧.


Ja̧'hua̧nö̧ cuȩmä̧tu̧cuo̧mȩnä̧, ucutumä o'ca juiyönä adihuä juäi cu̧ju̧nä̧rä̧cuo̧tö̧jä̧, korotörö'inä repeähuä juiyönä cuiyätucua pä'ö. Ja̧'hua̧ta̧nö̧ ujuturu iyö huecuhuätucuomenä, korotö tö̧jä̧hua̧tö̧'i̧nä̧ topö ttesehuäcuotö Diosrö, ucuturu amöcuädö.


Tidepä tihue'quiyunä 'chu̧huä̧ra̧'a̧ jä̧'i̧nö̧'a̧nö̧, Cristorö adiu tesetomenä, o'ca toi'önä eseunu tami 'qui'ächi'ö kä̧nö̧, ji̧nä̧ yo̧mȩtȩ ka̧cuä̧tö̧jä̧. O'ca toi'önä adiunä taditomenä, tahuaruhuärö repe'önö rö̧'ä̧chä̧tö̧jä̧.


Ya̧tȩtä̧ ja̧'a̧do. Ja̧'hua̧ta̧nö̧ ya̧tȩtä̧ Espíritu Santo ja̧'a̧do. Ja̧'hua̧ta̧nö̧ ji̧yȩtȩtä̧ ka̧'a̧do Diosrö eseunu tta̧huä̧rä̧cuä̧huä̧. Ja̧u̧ tta̧cu̧huä̧rä̧tu̧cua̧ pä'ö, Dios huoinä̧u̧jä̧.


Ucutumä Dios i̧tti̧mö̧jä̧. Ja̧'hua̧nö̧ ja̧'a̧ttö̧ chutä ta'anö cu̧ja̧cuä̧tu̧cua̧ pä'ö amöcuädätucui.


Tu̧ru̧hua̧ Jesucristo i̧mi̧nä̧, o'ca juiyö amöcuädö, eseunu ucuocuätucui Tä'o Diosrö.


Ja̧'hua̧ta̧nö̧ esehuätucui Tä'o Diosrö. Chutä ujuturu aditinö, ujutu'inä tȩa̧u̧nä̧ tȩma̧ pä'ö chutä i̧tti̧mö̧rö̧ iya päinömä.


Dau po'tiyä 'quiyönä 'chuhuädö'a̧nö̧, cua̧'cua̧rö̧nä̧ rö̧ä̧chö̧nä̧ esetätucui ja̧u̧ru̧. Ucuturu ttu̧huo̧juȩti̧nö̧ ta'anö, ji̧yȩä̧cuȩtä̧ amöcuädätucui. Diosrö 'cuäopönä eseäcuähuätucui.


O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.


O'ca juiyönä eseunu ucuocuätucui Diosrö. Ja̧'hua̧nö̧ jȩcu̧'ä̧tu̧cuo̧mȩnä̧, Cristo Jesúsru cuesetätucua'attö, Diosrö pä̧huä̧ rö̧jö̧mä̧ jȩpä̧tö̧jä̧.


Äcuomenä pä'ösä ucuru: O'ca toi'önärö jä'epö ttucuocu'a̧nö̧ ja̧'a̧ Diosrö. Ja̧'hua̧ta̧nö̧ Diosrö eseunu ttucuocu'a̧nö̧ ja̧'a̧ ppädäji amöcuädö.


Adihuä juäi huȩnȩ ji'äu, surojöcu rohuäu kä̧hui̧. Kä̧cuä̧huä̧ i'co cu̧ju̧nä̧ra̧ pä'ö adiu amöcuädi. Dios ja̧'hua̧nö̧ cu̧ja̧ pä'ö ȩmi̧nä̧cu̧jä̧ recuätö ttä'ca jo̧mȩttö̧ esetö jicuhuähuomenä.


Ja̧'hua̧nö̧ ja̧'a̧ttö̧ Jesucristorö esetö, Diosrö 'cuäopönä eseunu tucuocu'a̧nö̧ ja̧'a̧. Ja̧'hua̧nö̧ eseunu ucuocu, sacrificio päi'önä tiyäcua'a̧nö̧. Ja̧'hua̧nö̧ pä'ö tänä eseunu tucuocuätucuaja.


Jahuätö pä'inätö: Ja̧'hua̧nö̧ jä̧cua̧'a̧. O'ca juiyönä eseunu ucuocuäcuähuä'inä, eseäcuähuä'inä, huo̧juä̧huä̧'i̧nä̧, eseunu amöcuädäcuähuä'inä, ucuotäcuähuä'inä, hueähuä'inä, ttujuru'inä Tä̧do̧ ä̧cua̧ Diosrö 'cuäopönä ttiyäcua'a̧nö̧ o'ca toi'önämä. Amén.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ