Colosenses 2:15 - TÄ̧DO Ä̧CUÄ̧ I̧HUȨNȨ

¹⁵ Cristomä dau isodänä 'corupäi'omenä, o'ca toi'önä pi̧jä̧ isoppanä huȩ'ä̧rä̧tö̧ttö̧'i̧nä̧ abonänö juruhuinö. Ja̧u̧mä̧ o'ca toi'önä ttä'ca jo̧mȩ ujuruhuomenä, jahuätörö ya'opö icuinä̧u̧.

Nuevo Testamento Uwotjüja

¹⁵ Dio-mä̧ ttujuru jȩpü̧ ikuinü̧ isotü uwäpokotü ttukuo kku̧nä̧rä̧tü̧rü̧mä̧, ja̧'wa̧ta̧nü̧ Jesucrito-nä̧tä̧ o'katoi'ünä̧ ttä'ka jo̧mȩttü̧ i̧jȩpü̧ ikuinü̧, ü̧jo̧kä̧nü̧ jäinä̧ 'korujuoächomȩnä̧ juätüttü'i̧nä̧ ttu̧wä̧mȩnä̧ pä'i'inü̧.

Colosenses 2:15 ပူးပေါင်းရင်းမြစ်များ

San Mateo 12:29

“¿Ya̧tȩ ju̧ru̧hua̧rö̧ ojusode öäre ö̧nä̧u̧cua̧ pä'ö, isode ru̧hua̧rö̧ ä'canä nö'cö ttötö juiyönä, ja̧'a̧tä̧ doächäcuähuä tä̧ji̧? Isode ru̧hua̧rö̧ nö'cö rötipötä öäre ttö̧nä̧u̧cu̧'a̧nö̧.

San Lucas 10:18

Jesús päinä̧u̧do: —A̧, ttö to̧pä̧rä̧ji̧sä̧ Satanás mo̧ro̧jä̧ra̧'a̧ttö̧ cu'upä urohua'a jä̧'i̧nö̧'a̧nö̧ ma̧'a̧.

San Lucas 11:22

Ja̧'hua̧nö̧ ja̧'a̧nä̧ chutättö'inä abonänö ju̧ru̧hua̧ ichi'ö ujuruhuomenä, ucurodä a̧mö̧cuä̧rä̧cuä̧huä̧ji̧ 'choipäcu. Ja̧'hua̧nö̧ ja̧'a̧ iyä'chö icu o'ca juiyönä 'choipäji.

San Juan 16:11

Ja̧'hua̧ta̧nö̧ Dios pi̧jä̧nä̧ hue'örömä suronä 'cuäopa pä'ö hueina'attö, Dios adihuä pä̧cuȩ huȩnȩ tottäcuotödo.

San Juan 19:30

Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

1 Corintios 15:24

Ja̧u̧nu̧ o'ca'a, röji mo̧ro̧ päi'äcua'a. Ja̧u̧nu̧mä̧ o'ca juiyönä pi̧jä̧ isoppanä huȩ'ä̧rä̧tö̧rö̧'i̧nä̧, ruhuotörö'inä, ttujuru'inä be'epäjipö i̧cuä̧cua̧ Cristomä. Ja̧'hua̧nö̧ be'epäjipö icu, i̧yä̧cua̧ o'ca juiyönä hueähuä Jä'o Diosrö.

2 Corintios 2:14

Diosrö tesehuäcuähuätucuaja. Ja̧u̧tä̧ Cristo Jesúsru teseta'attö, ȩpö̧ ujuturu o'ca juiyönä tujuruhua pä'ö. Ja̧'hua̧ta̧nö̧ koro juäi adiu ameu 'cö̧tta̧'a̧ jä̧'i̧nö̧'a̧nö̧, ä̧ju̧cuä̧tö̧ chutä i̧huȩnȩ, pa̧ja̧cu̧nä̧ jitähuomenä.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Efesios 4:8

Ja̧'hua̧nö̧ ja̧'a̧ttö̧ Huȩyu̧cuä̧ Huȩnȩ päa'a: Cärenä pȩjä̧tö̧rö̧ ȩpö̧, cä'ecuächinödo mo̧ro̧jä̧ra̧'a̧. Ja̧'hua̧ta̧nö̧ u̧mä̧tö̧rö̧ adihuä juäi mippoönä iyinödo.

Efesios 6:12

Ujutumä ttö̧ja̧cu̧, ttidepä'inä, ttihue'quiyu'inä ku̧nä̧rä̧tö̧cu̧ rohuähuocotöjä. Pi̧jä̧ isoppanä suronä huȩ'ä̧rä̧tö̧cu̧ rohuähuätöjä. Ja̧'hua̧nö̧ pädomenä, pi̧jä̧ yo̧ö̧cu̧ cue'ächätörö ttujurunä huȩ'ä̧rä̧tö̧cu̧ rohuähuätöjä pä'ösä.

Colosenses 1:16

Ja̧u̧mä̧, o'ca juiyönä mo̧ro̧jä̧nä̧ ka̧cu̧'i̧nä̧, pi̧jä̧nä̧ ka̧cu̧'i̧nä̧ aditinödo. Ja̧'hua̧ta̧nö̧ o'ca juiyönä totocö'inä, totö'inä aditinödo. Ja̧'hua̧ta̧nö̧ o'ca juiyönä hueähuä'inä, hue'ähuotö'inä, pi̧jä̧ isoppanä huȩ'ä̧rä̧tö̧rö̧'i̧nä̧ aditinödo. Ja̧u̧ o'ca juiyönä aditinödo esehua pä'ö.

Colosenses 2:10

Ja̧'hua̧ta̧nö̧ ucutu'inä o'ca juiyönä ku̧nä̧rä̧tö̧jä̧, Cristorö ji̧nä̧ yo̧mȩtȩ cuesetätucuomenä. Ja̧u̧mä̧ o'ca toi'önä pi̧jä̧ isoppanä huȩ'ä̧rä̧tö̧rö̧ ttu̧ru̧hua̧ päi'önä kö̧.

Hebreos 2:14

Tti̧tti̧mö̧mä̧ ttidepä'inä, ttucuoja'inä ji̧nä̧ ji̧yȩtȩtä̧ ja̧'a̧. Ja̧'hua̧ta̧nö̧ hui̧nö̧do Jesucristo. Pi̧jä̧ttö̧ idepä'inä, ucuoja'inä ku̧nä̧ri̧nö̧do 'corupäi'a pä'ö. Ja̧u̧ 'corupä'i'inödo, 'corupäi'äcuähuänä ju̧ru̧hua̧rö̧, ähuettärö be'epäjipö icua pä'ö.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

Apocalipsis 20:10

Ja̧u̧tä̧ ähuettämä, jahuätörö yapareu ji'ähuinörö, ocurä rö̧arä azufrenä cuoarära̧'a̧, ja̧u̧ pä̧i̧cua̧ i̧sa̧rö̧'i̧nä̧, ka̧ra̧ yapareu ji'ähuinörö'inä do'opö tticuinarära̧'a̧, do'opö tticuinäcu. Juhua'a 'cuäopönätä, mo̧ro̧'i̧nä̧, yodo'inä ubara ttuttäcuotö.