Colosenses 2:13 - TÄ̧DO Ä̧CUÄ̧ I̧HUȨNȨ

¹³ Ucutumä pä'äjimä circuncisión juiyönä suronä jȩcu̧'ä̧tu̧cuo̧mȩnä̧, 'corupä'i'ätö jä̧'i̧nö̧'a̧nö̧ ka̧cui̧nä̧tö̧jä̧. Ja̧'hua̧nö̧ ja̧'a̧nä̧ jitämä Diosmä suronä jȩcu̧'i̧nä̧tu̧cu̧ jȩpö̧ icuinö o'ca'a, Cristocu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inö.

Nuevo Testamento Uwotjüja

¹³ Ukutumä̧, kko̧ro̧nü̧ pä̧nä̧mä̧, surojü jȩ'kuä̧tu̧ku̧ jäwänä̧ 'korujuo'ächinä̧tü̧ pinä̧tü̧jä̧ jua'amä̧ suronä̧ jȩ'kuä̧tu̧ku̧ 'kȩkui̧pä̧chä̧tu̧kuo̧ko̧mȩnä̧; ja̧'wa̧nü̧ ji̧na̧'a̧nä̧ Dio jitämä̧ Crito-ku ji̧nä̧ yo̧mȩtȩnä̧ kua̧'kua̧ru̧tu̧ku̧ iyinä̧u̧jä̧, jua̧u̧tä̧ ji̧na̧'a̧ o'kajuiyünä̧ suronä̧ jȩtü̧ jȩpo̧ko̧tü̧rü̧ 'kua̧rü̧nä̧ esekuinü̧mä̧.

Colosenses 2:13 ပူးပေါင်းရင်းမြစ်များ

San Lucas 15:24

Pide ttö chi̧tti̧ 'corupä'i'inö'ca̧, pä'äji ta'anö kö̧. Re'tehuächinö'ca̧, pä'äji ta'anö tö̧'o̧cui̧'ä̧cu̧.” Ja̧'hua̧nö̧ pä'ö ttu̧cuȩ eseunu cuinätödo.

San Lucas 15:32

Ja̧'hua̧nö̧ ja̧'a̧ttö̧ jitämä juiyo adihua'a cuä̧nö̧ tesehuomenämä. Cu̧jä̧hua̧ 'corupä'i'inö'ca̧, pä'äji ta'anö kö̧. Re'tehuinö'ca̧, pä'äji ta'anö tö̧'o̧cui̧'ä̧cu̧,” pä'inödo ja̧u̧ jä'omä, —pä'ö huo̧juȩti̧nö̧do Jesús.

San Lucas 9:60

Ja̧'hua̧ ja̧'a̧ Jesús ädätinäcudo: —'Corupä'i'ätö a̧'cua̧rä̧tö̧ ttuhuapiyä ttu'turäcuotö. Ja̧'hua̧nö̧ ja̧'a̧nä̧ ucu Dios Ru̧hua̧ päi'önä ö̧jä̧cuȩ huȩnȩ ji'ähuäji.

San Juan 5:21

Jä'o'inä 'corupätti'omettö kä̧cuä̧huä̧ iyö ttoädö'a̧nö̧, I̧tti̧'i̧nä̧ churutä pä̧huä̧ rö̧jä̧u̧ru̧ kä̧cuä̧huä̧ i'co iyö.

San Juan 6:63

Iso päi'önä Espíritu Santotä ta̧'cua̧rö̧ iyömä. Tidepämä yoröiso micuähuoca'a. Pi̧yȩ jidähuäjimä, iso päi'önä huȩnȩ ja̧'a̧. Ja̧'hua̧ta̧nö̧ jidähuäjimä kä̧cuä̧huä̧ i'co iyö.

Romanos 4:17

Huȩyu̧cuä̧ Huȩnȩ päa'a: “Ucuru hue'ipinösä recuätö ttö̧ja̧ ttä'o päi'önä.” Abraham Diosrö esetina'attö, micuähuinö ja̧u̧ huȩnȩ. 'Corujuo'ächinätörö'inä Diosmä tta̧'cua̧rö̧ iyö. Ja̧'hua̧ta̧nö̧ pi̧jä̧nä̧ juiyö'inä, kö̧nä̧ jȩpö̧ Diosmä.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

1 Corintios 15:36

Ja̧'hua̧nö̧ jättepomenä, amönä suripächö jä'epätödo. Koro juäi jacuä jähuä ttu̧ju̧no̧mȩnä̧, rȩjȩ jacuänä hua'ö icua'anä, jareötä bahua'ado.

1 Corintios 15:45

Ja̧'hua̧nö̧ ja̧'a̧ttö̧ Huȩyu̧cuä̧ Huȩnȩ päa'a: “Iso päi'önä äcuomenä ttö̧ja̧ i̧sa̧ pi̧jä̧ttö̧ a̧di̧cua̧ pi̧nö̧do Adánmä.” Ja̧'hua̧ta̧nö̧ rö̧ji̧nä̧ ichinömä Adánmä, tta̧'cua̧rö̧ iyähuä i̧sa̧ pi̧nö̧do.

2 Corintios 3:6

Ja̧u̧mä̧ jareö huȩnȩ iyö, ujuturu ppä'ädö ja̧u̧ huȩnȩ päö'a̧nö̧ jȩta̧ pä'ö. Ja̧u̧ jareö huȩnȩmä̧ huȩyu̧cuo̧ca̧'a̧do. Ja̧u̧mä̧ Espíritu Santottö ȩmä̧huä̧ ja̧'a̧do. Pi̧jä̧ hueähuä huȩnȩ ttö̧ja̧rö̧ cuä'ö icuähuä huȩnȩ. Ja̧'hua̧nö̧ ja̧'a̧nä̧'i̧nä̧ ja̧u̧ Espíritu Santo kä̧cuä̧huä̧ iyö.

2 Corintios 5:19

Ja̧'hua̧nö̧ pä'ö pä'ätöjä. Dios pi̧jä̧nä̧ ka̧cuä̧tö̧ Cristorö esetö ttesehuarö pä'ö hue'inödo, pi̧jä̧ ttö̧ja̧ suronä jȩttö̧ unichi'ö. Ja̧'hua̧ta̧nö̧ ujuturu hue'inödo ja̧u̧ eseäcuähuä huȩnȩ jitähua pä'ö.

Efesios 2:1

Pä'äjimä ucutu suronä jȩpö̧ cuecuhuächätucuomenä, 'corupä'i'ätö jä̧'i̧nö̧'a̧nö̧ cue'ächinätöjä.

Efesios 2:11

Ja̧'hua̧nö̧ ja̧'a̧ttö̧ pä'äji cu̧ja̧cui̧nä̧tu̧cu̧ ta'anö amöcuädätucui. Ucutu judíos huocotö pi̧nä̧tö̧jä̧. Judíos huotö u̧mä̧tö̧mä̧, circuncisión jȩpä̧tö̧ ttöäre jättäpäyotö. Ja̧'hua̧nö̧ ja̧'a̧ttö̧ jahuätö: “Circuncidados huotöjä ujutumä” pä'ätö. Ucuturu: “Circuncidados huocotöjä” pä'ätö.

Efesios 5:14

Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

Colosenses 2:12

Ja̧'hua̧ta̧nö̧ bautizado cu'ätucuomenä, Cristocu 'corupä'i'ätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧ta̧nö̧ ja̧u̧cu̧ tto'ächätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧nö̧ ji̧na̧'a̧ ucuturu, ja̧u̧ru̧, tto'ächinörö, Dios ujurunä cuesetätucuomenä.

1 Timoteo 5:6

Ja̧'hua̧nö̧ ja̧'a̧nä̧ yajute recua pi̧jä̧ jähuä amöcuädö kö̧jo̧mȩnä̧, 'corupä'i'ätö jä̧'i̧nö̧'a̧nö̧ kä̧ju̧.

1 Timoteo 6:13

Jitämä Dios, o'ca toi'önärö tta̧'cua̧rö̧ iyähuä i̧sa̧ ä'ca jo̧mȩttö̧, Tu̧ru̧hua̧ Jesucristo, Poncio Pilatorö adihuä i̧huȩnȩ ji'ähuinö ä'ca jo̧mȩttö̧, ucuru hue'ösä.

Hebreos 6:1

Ja̧'hua̧nö̧ ja̧'a̧ttö̧ äcuomenä Cristorö tesetinö huȩnȩttö̧'i̧nä̧ yabonö ti̧'cha̧ pä'ö, tä̧mö̧ ttö̧ja̧'a̧ jä̧'i̧nö̧'a̧nö̧ tö̧jä̧cua̧'a̧nö̧. Äcuomenä Diosrö esetö, pi̧jä̧ jähuä 'corupäi'äcuähuä jȩtö̧mä̧ jaropi'ö, tesetinö huȩnȩttö̧'i̧nä̧ yabonö tu̧huo̧jui̧'ä̧cua̧'a̧nö̧.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

Santiago 2:17

Ja̧'hua̧nö̧ jä̧'i̧nö̧'a̧nö̧ ja̧'a̧ esetäcuähuämä. Adiu jȩ̈ä̧cuä̧huä̧ jȩttö̧ juiyöttömä, ja̧u̧ esetäcuähuämä 'corupäi'äcuähuä jä̧'i̧nö̧'a̧nö̧ jö̧do.

Santiago 2:20

Ucu ttö̧'ȩpä̧ro̧cö̧mä̧, esetötä ttesetöttömä adiu jȩä̧cuä̧huä̧ jȩttö̧ juiyöttömä, 'corupäi'äcuähuä jä̧'i̧nö̧'a̧nö̧ jö̧ ¿amöcuädocöjä tä̧ji̧?

Santiago 2:26

Ttidepä tta̧'cua̧ru̧hua̧ toönämä hua'ö icu. Ja̧'hua̧nö̧ ja̧'a̧ esetötä esetäcuähuämä, adiu jȩä̧cuä̧huä̧ jȩttö̧ juiyöttömä, 'corupäi'äcuähuä jä̧'i̧nö̧'a̧nö̧ jö̧do.

1 Juan 2:12

Ucuturu huȩyu̧tu̧sä̧ chi̧tti̧mö̧ huotö, suronä jȩcu̧'i̧nä̧tu̧cu̧ Dios täcö unichi'inö, Jesucristo i̧tti̧mö̧ cu'ätucua'attö.