Colosenses 1:29 - TÄ̧DO Ä̧CUÄ̧ I̧HUȨNȨ

²⁹ O'ca juiyönä chujuru Cristo iya'attö, ja̧'hua̧nö̧ aditö rohuäusä.

Nuevo Testamento Uwotjüja

²⁹ Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

Colosenses 1:29 ပူးပေါင်းရင်းမြစ်များ

San Lucas 13:24

—Äpate ji̧'qui̧cha̧jatenä do'ächätucui. Ttö pädä̧u̧jä̧, recuätö dottächa pätta'anä, dottächö juiyönä jä̧cuo̧tö̧.

Romanos 15:20

Ttömä Cristo i̧mi̧ jerupätörö jidähua pä'inösä. Korotö jittähuinä̧u̧ru̧ jidähua pä'ocö pi̧nö̧sä̧, korotö ttaditähuä ja̧'a̧ttö̧.

Romanos 15:30

Chö̧jä̧hua̧tö̧, Espíritu Santo ujuturu repeähuä iyä̧u̧ ucuturu pä'ösä Tu̧ru̧hua̧ Jesucristorö esetö ttörö cucuocuätucua pä'ö Diosrö, ttörö ppäda pä'ö.

1 Corintios 12:11

O'ca juiyö pi̧yȩmä̧ iyö ya̧tȩtä̧ ji̧yȩä̧cuȩtä̧ Espíritu Santotä. Ja̧u̧tä̧ ka̧ra̧rö̧'i̧nä̧, ka̧ra̧rö̧'i̧nä̧ churutä pä̧huä̧ rö̧jo̧mȩnä̧ iyö, adiu jȩttä̧cua̧'a̧nö̧.

1 Corintios 12:6

Ja̧'hua̧ta̧nö̧ korotö i̧mi̧cu̧nä̧ jȩpä̧tö̧jä̧ o'ca juiyönä. Juhuorö'inä ya̧tȩtä̧, Diostä iyö o'ca toi'önärö adiu jȩtta̧ pä'ö.

1 Corintios 15:10

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 13:3

Ja̧'hua̧nö̧ jȩcho̧mȩnä̧, iso päi'önä ucutumä topö cu̧huo̧jui̧'ä̧cuo̧tö̧jä̧ Cristo ttörö ucuocu pä'ö. Ja̧'hua̧ta̧nö̧ Cristo ucuturu ro̧ȩpo̧mȩnä̧, juiyupocö. Ujurunä aditö ucuturu.

2 Corintios 5:9

Ja̧'hua̧nö̧ ja̧'a̧ttö̧ pi̧jä̧ jähuä tidepänä tö̧jo̧mȩnä̧'i̧nä̧ tö̧jo̧co̧mȩnä̧'i̧nä̧, 'cuäopönä adiunä tö̧ja̧cua̧ pä'ätöjä, Tu̧ru̧hua̧ eseunu toatö pä'ö.

2 Corintios 6:5

Ja̧'hua̧ta̧nö̧ ujutu ä̧nu̧chu̧nä̧ cuäcuäpö, cärenä ttötinä̧u̧jä̧. Ja̧'hua̧ta̧nö̧ koronö ttö̧ja̧ rö̧ȩnä̧ ttö̧ra̧huä̧ra̧'a̧nä̧, ki̧'i̧nä̧tö̧jä̧. Koronö'inä rö̧ȩnä̧ aditinätöjä. Ja̧'hua̧ta̧nö̧ koronö'inä tä'oca'a ka̧cui̧nä̧tö̧jä̧. Ja̧'hua̧ta̧nö̧ koronö'inä ppäi ttu'inätöjä.

Efesios 1:19

Ujuru'inä, ujutu ja̧u̧ru̧ esetätörö adita'a, yoröiso beipoca'a, iso päi'önä o'ca juiyönä juruhua'a cu̧huo̧juä̧tu̧cua̧ pä'ö jä'epösä. Ja̧u̧ ujurumä rö̧ȩnä̧ juruhua'a pä'ö i̧jȩpi̧nö̧do Dios, Cristorö 'corujuottächomettö ttoädomenä. Ja̧u̧ru̧ tto'ädäji'ca̧ hue'inödo, mo̧ro̧jä̧ra̧'a̧ttö̧ chutä u̧huo̧jua̧'a̧nä̧ ö̧'ä̧mä̧da̧ pä'ö.

Efesios 3:20

Jitämä teseäcuähuätucuaja Diosrö. Dios ujuruhua'attö, Diosrö jätepöttö'inä, tamöcuädöttö'inä abonänö rö̧ȩnä̧ i̧yä̧cua̧, chutä ujuru tu̧ju̧nä̧ro̧mȩnä̧.

Efesios 3:7

Ttötä adihuä i̧sa̧ choca'anä, Dios re rö̧jö̧nä̧ topö ujurunä hueinäcusä ja̧u̧ huȩnȩ jidähua pä'ö.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 1:30

Ucutucu, ttöcu ji̧nä̧ yo̧mȩtȩ surojöcu rohuähuätöjä. Pä'äjimä topinätöjä ttö chörohuähuinö. Jitä'inä ä̧ju̧cuä̧tö̧jä̧ ttö chörohuähua'a.

Filipenses 2:13

Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.

Colosenses 2:1

Ucuturu'inä, Laodicea ötahuiyänä ka̧cuä̧tö̧rö̧'i̧nä̧, o'ca toi'önä ttörö topocotörö'inä rö̧ȩnä̧ chamöcuädömä cu̧huo̧juä̧tu̧cua̧ttö̧ pä'ösä.

Colosenses 2:12

Ja̧'hua̧ta̧nö̧ bautizado cu'ätucuomenä, Cristocu 'corupä'i'ätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧ta̧nö̧ ja̧u̧cu̧ tto'ächätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧nö̧ ji̧na̧'a̧ ucuturu, ja̧u̧ru̧, tto'ächinörö, Dios ujurunä cuesetätucuomenä.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

1 Tesalonicenses 2:9

Tö̧jä̧hua̧tö̧, ucutu huo̧juä̧tö̧jä̧ ujutu taditinömä. Mo̧ro̧'i̧nä̧, yodo'inä aditinätöjä tö̧jö̧ micuä timita pä'ö, ucuturu mippoönä jätepö juiya pä'ö Dios i̧huȩnȩ ji'äu kä̧nö̧.

2 Tesalonicenses 3:8

Yoröiso mippoönä cuocotö pi̧nä̧tö̧jä̧ ucutu cu̧cuȩtu̧cu̧ttu̧mä̧. Mo̧ro̧'i̧nä̧, yodo'inä aditinätöjä tö̧ja̧cu̧ micuä päi'önä ucututtu mippoönä jätepö juiya pä'ö.

2 Timoteo 2:10

Ja̧'hua̧nö̧ ja̧'a̧ttö̧ Dios ȩmi̧nä̧u̧ru̧ amöcuädö, o'ca juiyönä ubara ttu'usä. Ja̧'hua̧nö̧ ubara ttu'usä jahuätö'inä Cristo Jesúsru esetö adihuä kä̧cuä̧huä̧ huȩnȩ ttö̧ja̧ suronä jȩttö̧ jȩpö̧ icu huȩnȩ, ttu̧ju̧nä̧ra̧ pä'ö.

Hebreos 12:4

Ucutumä surojöcu curohuähuätucuomenä, ji̧nä̧ 'corupä'i'ocotöjä.

Apocalipsis 2:3

Ttörö esetö cuami 'qui'ächi'ö ubara ttu'inöjä. Ja̧'hua̧ta̧nö̧ yoröiso 'cuäcuhuächi'oca'a, rö̧ȩnä̧ aditinöjä ttörö pä̧huä̧ rö̧jö̧ jȩpö̧.