Apocalipsis 8:12 - TÄ̧DO Ä̧CUÄ̧ I̧HUȨNȨ

¹² Ka̧ra̧ ángel, pa̧ja̧cuä̧nö̧ päi'önä, öäre trompeta ppö'inö. Ppöomenä, mo̧ro̧ kä̧hua̧'i̧nä̧, yodo kä̧hua̧'i̧nä̧, si̧ri̧'cö̧'i̧nä̧ ju'tomecutä surojuo'ächinätö. Ja̧'hua̧nö̧ surojuottächomenä, yoröiso yo̧i̧na̧'a̧ ttitejädoca'attö. Ja̧'hua̧ta̧nö̧ mo̧ro̧'i̧nä̧, yodo'inä ju'tomecutä, a̧'u̧cua̧'a̧tä̧ yoröiso tejädocotö pi̧nä̧tö̧.

Nuevo Testamento Uwotjüja

¹² Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

Apocalipsis 8:12 ပူးပေါင်းရင်းမြစ်များ

San Mateo 24:29

Juhua'a yabonö huo̧juȩti̧nö̧do Jesús: —Ja̧u̧nu̧ mo̧ro̧, ubara ttuttu mo̧ro̧ o'ca'a, mo̧ro̧ kä̧hua̧ yo̧ä̧cua̧'a̧. Yodo kä̧hua̧'i̧nä̧ tȩa̧huo̧ca̧'a̧ jä̧cua̧'a̧. Si̧ri̧'cö̧'i̧nä̧ mo̧ro̧jä̧ra̧'a̧ttö̧ ttattähuächäcuotö. Mo̧ro̧jä̧ jähuä o'ca juiyönä ttö̧ȩpä̧cua̧'a̧.

San Mateo 27:45

Ja̧u̧nu̧ pä̧nä̧ o'ca juiyönä pi̧jä̧nä̧ kä̧hua̧ jueö kö̧rö̧ päi'omenä kä̧mä̧dö̧ yo̧i̧'i̧na̧'a̧do. Ja̧'hua̧nö̧ ja̧'a̧nä̧ kä̧hua̧ huerächi'örö cä'ädö mo̧ro̧ päi'ina'ado.

San Marcos 13:24

Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧nä̧ ja̧u̧nu̧ mo̧ro̧, ubara ttuttu mo̧ro̧ o'ca'a, mo̧ro̧ kä̧hua̧ yo̧ä̧cua̧'a̧. Yodo kä̧hua̧'i̧nä̧ tȩa̧huo̧ca̧'a̧ jä̧cua̧'a̧.

San Marcos 15:33

Täcö kä̧hua̧ jueö kö̧rö̧ päi'omenä, o'ca juiyönä pi̧jä̧nä̧ yo̧i̧'i̧na̧'a̧do recuonänö, kä̧hua̧ huerächi'örö, a las tres päi'omenä cä'ädö.

San Lucas 21:25

Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧ttö̧ mo̧ro̧ kä̧hua̧nä̧'inä̧, yodo kä̧hua̧nä̧'i̧nä̧, si̧ri̧'cö̧nä̧'i̧nä̧ i̧jȩcuä̧ kä̧cua̧'a̧. Pi̧jä̧nä̧'i̧nä̧ ttö̧ja̧, dubora rö̧ora rö̧ȩnä̧ ppahua'a pä̧i̧cu̧nä̧ ucuocua'attö ä̧ju̧cu̧, jerunä yettecuäcuotö.

Hechos 2:20

Mo̧ro̧ kä̧hua̧ ö̧'ä̧ro̧huä̧cua̧ yo̧ö̧nä̧. Yodo kä̧hua̧ ö̧'ä̧ro̧huä̧cua̧ cuocunä. Tu̧ru̧hua̧ adiu jȩä̧cuȩ mo̧ro̧ päi'äcua'a ä'canä ja̧'hua̧nö̧ 'cuäopäcua'a.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Apocalipsis 12:4

I̧hui̧ri̧pa̧nä̧ mo̧ro̧jä̧ttö̧ si̧ri̧'cö̧rö̧ ju'tomecutä do'opö ȩmi̧pö̧ pi̧jä̧ra̧'a̧cu̧ icuinö. Ja̧u̧ i̧sa̧mä̧ yajujua isaju ku̧bo̧du̧ma̧ ni̧yä̧cua̧ kä'ca jo̧mȩ kä̧mä̧di̧nö̧, ji̧'qui̧cha̧hua̧ uhuäpächomenä ucui'a pä'ö.

Apocalipsis 16:10

Ka̧ra̧ ángel'inä, ji̧mö̧tȩ ruhuä päi'önä, öäre i̧so̧'ta̧ ja̧u̧ pä̧i̧cua̧ i̧sa̧ i̧dȩä̧cä̧nä̧ to'inö. O'ca juiyönä hueömä yo̧i̧na̧'a̧, ja̧'hua̧nö̧ toomenä. Ttö̧ja̧'i̧nä̧ tti̧nȩnä̧ yö̧'ä̧hui̧nä̧tö̧ rö̧ȩnä̧ barahuä̧u̧.

Apocalipsis 6:12

Ja̧'hua̧ta̧nö̧ Cordero koro ko̧ro̧mö̧ttö̧nö̧ ya'ute sello jȩpö̧ icuomenä, rȩjȩ rö̧ȩnä̧ ttö̧ä̧hua̧'a̧ topinösä. Mo̧ro̧ kä̧hua̧mä̧, korotö hua'ö tticuomenä, ttahuaruhuä ttö̧'ca̧tä̧huä̧ti̧yu̧ idicuä̧ta̧ ttö̧'ca̧tä̧u̧'a̧nö̧ idicuina'a. Yodo kä̧hua̧mä̧ ttö̧ja̧ ttucuoja jä̧'i̧nö̧'a̧nö̧ hui̧nö̧.

Apocalipsis 9:15

Ja̧'hua̧nö̧ päomenä, jitöja pa̧ja̧cuä̧nö̧ ángelesrö ejädö icuinö, pi̧jä̧ ttö̧ja̧rö̧ ju'tomecutä cuä'ö tticua pä'ö. Jahuätö ángeles ja̧u̧nu̧ pä̧nä̧ tta̧ttä̧ra̧ pä'ö hue'ähuotö pi̧nä̧tö̧.

Apocalipsis 9:18

Ja̧'hua̧ta̧nö̧ pi̧jä̧ ttö̧ja̧ttö̧ ju'tomecutä, pi̧yȩ huäbodäcuä juäi, ocuräcu, isoppacu, azufrecu, ca̧ba̧llo̧stö̧ ttättö räopinöttö 'corupä'i'inätö.