Apocalipsis 6:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧ ja̧'a̧ ka̧ra̧ caballo tu̧'hua̧mä̧ rä'opinö. Ja̧u̧ caballorö huä̧mä̧di̧nö̧mä̧, pi̧jä̧nä̧ eseäcuähuä jȩpö̧ icua pä'ö ujuru ȩmi̧nö̧. Ja̧'hua̧ta̧nö̧ pi̧jä̧ ttö̧ja̧ korotö korotönörö cuä'ö tticua pä'ö hue'inö. Ja̧'hua̧ta̧nö̧ curodä rö̧odä ttiyinäcu.

Nuevo Testamento Uwotjüja

⁴ Päku, tochomȩnä̧ kka̧ra̧ cabayu tuwoppü wa̧ rä'o'inü̧. Jua̧u̧nä̧ wuö̧rü̧ iyäwi'ina̧'a̧ ujuru, pi̧jä̧nä̧ttü̧ wȩnȩ juiyünä̧ kkä̧kuä̧wä̧ jȩpü̧ iku, ttü̧ja̧ kkorotüku kuä'äkuäu ttikunä̧ jȩa̧ pä'ü; ja̧'wa̧ta̧nü̧ kurodä'i̧nä̧ iyäwi'inä̧ku̧.

Apocalipsis 6:4 ပူးပေါင်းရင်းမြစ်များ

San Mateo 10:34

Juhua'a yabonö huo̧juȩti̧nö̧do Jesús: —Ttömä adiunä eseäcuäu cu̧ja̧cuä̧tu̧cua̧ pä'ö ichinösä pä'ö cuamöcuädätucuä'. Isocö̧. Eseäcuäu cu̧ja̧cuä̧tu̧cua̧ pä'ö ichocö pi̧nö̧sä̧. Curohuähuätucua pä'ö ichinösä.

San Mateo 24:6

Rö̧ȩnä̧ curä huȩnȩ'i̧nä̧, ra̧huȩpi̧jö̧ huȩnȩ'i̧nä̧ cuä̧ju̧cuä̧cuo̧tö̧jä̧. Ja̧'hua̧nö̧ cuä̧ju̧cuä̧tu̧cuo̧mȩnä̧, yecuhuecuätucuä'. Ja̧u̧ o'ca juiyönä 'cuäopäcua'a. Ja̧'hua̧ta̧nö̧ 'cuäopa'anä, röji mo̧ro̧ ji̧nä̧ päi'oca'a jä̧cua̧'a̧.

San Juan 19:11

Ja̧u̧ru̧ Jesús ädätinödo: —Dios ja̧'hua̧nö̧ hueinö juiyöttömä, ttörö jȩtta̧ pä'ö yoröiso hue'ocö pajijä. Ja̧'hua̧nö̧ ja̧'a̧ttö̧ ttörö ucuru iyäjimä, ucuttu'inä abonänö suronä jȩpö̧.

Apocalipsis 12:3

Ja̧u̧nu̧ o'ca'a, koro juäi'inä i̧jȩcui̧na̧'a̧ mo̧ro̧jä̧nä̧. Koro hua̧ i̧sa̧, ojuo da'ä jä̧'i̧nö̧'a̧nö̧ hua̧, tu̧'hua̧mä̧, uhuiyä'inä ko̧ro̧mö̧ttö̧nö̧ todäre, u i̧sä̧juä̧'i̧nä̧ tomöre jähuä ppöttähuä koro unä'inä, koro unä'inä huȩnä̧rö̧ i̧jȩcui̧nö̧.

Apocalipsis 13:10

Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.

Apocalipsis 17:3

Ja̧u̧nu̧ o'ca'a, Espíritu Santo hueähuä 'cuo̧ti̧nä̧, ja̧u̧ ángel de'acu ȩpi̧nö̧ ttörö. Ju̧huȩnȩ yajute isaju, pä̧i̧cua̧ i̧sa̧ tu̧'hua̧rö̧ huä̧mä̧dä̧ju̧ru̧ topinösä. Ja̧u̧ pä̧i̧cua̧ i̧sa̧rö̧ Diosrö suronä päömä huȩyu̧cui̧na̧'a̧. Ja̧'hua̧ta̧nö̧ uhuiyä'inä ko̧ro̧mö̧ttö̧nö̧ toyure ku̧nä̧ri̧nö̧. U i̧sä̧juä̧'i̧nä̧ to̧mö̧rȩ jähuä ku̧nä̧ri̧nö̧.

Apocalipsis 17:6

Ja̧u̧nu̧ o'ca'a, jahuäju isaju Dios i̧tti̧mö̧ ttucuoja'inä, Jesús i̧huȩnȩ ji'äu kä̧nö̧ hua'ö icuinätö ttucuoja'inä kahuäja'attö, tä̧jä̧ma̧'a̧ topinösä. Ja̧'hua̧nö̧ tochomenä, ye'ö to̧pä̧ri̧nö̧sä̧.