Apocalipsis 6:2 - TÄ̧DO Ä̧CUÄ̧ I̧HUȨNȨ

² Ja̧'hua̧nö̧ päa'a topinösä. Ya̧tȩ caballo tȩ'a̧rö̧ topinösä. Ja̧'hua̧ta̧nö̧ ja̧u̧ caballorö huä̧mä̧di̧nö̧mä̧, 'po'obö 'chu̧'ä̧ri̧nö̧ u̧mö̧nä̧. Ppöttähuä iyinätö ja̧u̧ru̧. Ja̧u̧mä̧ korotöttö'inä abonänö juruhuinö. Ja̧'hua̧ta̧nö̧ 'cuäopönä ujuruhua pä'ö rä'opinö.

Nuevo Testamento Uwotjüja

² Päku, tochomȩnä̧, ya̧tȩ cabayu tȩ'a̧ kki̧nü̧. Jua̧u̧ru̧ wü̧mä̧ 'po'obü 'chu̧'ä̧ri̧nü̧; Jua̧u̧ru̧ iyäwi'ina̧'a̧ corona pättü (u'uttäwä), ja̧'wa̧nü̧ ja̧'a̧ rä'opinü̧ aboiyotürü abo 'kuä'o'äji̧'ka̧, jua'a yabo'i̧nä̧ abo 'kuao'a pä'ü.

Apocalipsis 6:2 ပူးပေါင်းရင်းမြစ်များ

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

1 Corintios 15:25

Iso päi'önä o'ca juiyönä aboiyotörö, ö̧jä̧pö̧ dȩa̧'a̧nä̧ ötome jubö päi'önä, huȩä̧cua̧ Cristomä.

Apocalipsis 11:15

Ka̧ra̧ ángel, ko̧ro̧mö̧ttö̧nö̧ ta̧ju̧nu̧ päi'önä, öäre trompeta ppö'inö. Ppöomenä, recuätö tti̧huȩnȩ pä̧i̧cu̧nä̧ ttucuocua'a mo̧ro̧jä̧ra̧'a̧ttö̧ ttä̧ju̧cui̧na̧'a̧. Pa̧'a̧nö̧ ucuocuina'a: Jitämä pi̧jä̧nä̧ hueömä ujutu Tu̧ru̧hua̧ Cristo hueäcua'a̧nö̧. Ja̧u̧ 'cuäopönätä huȩä̧cua̧.

Apocalipsis 11:18

Korotö ttö̧ja̧ ra̧huä̧rä̧tö̧. Ja̧'hua̧nö̧ ja̧'a̧nä̧ ucu cu̧tä̧bo̧tö̧ mo̧ro̧ päi'a'a. Ja̧'hua̧ta̧nö̧ hua'ö icuinätörö: “Ucu adiu jȩpö̧jä̧”, “Ucu suronä jȩpö̧jä̧” päcu mo̧ro̧ päi'a'a. Ucutä cumöhuäyotö, ucu huecumä ucuocuätörö, adihuä juäi cui̧yä̧cua̧jä̧. Ucuru adiunä esehuätö'inä, cui̧mi̧ ucuotätö'inä, usurä isotö'inä, järe ruhuotö'inä ucuru esetätörö adihuä juäi cui̧yä̧cua̧jä̧. Korotö pi̧jä̧ be'epäjipö tticua pä'ö jȩpä̧tö̧rö̧, bettipächönä to'ädö cuicuometä päi'a'a.

Apocalipsis 14:14

Ja̧'hua̧ ja̧'a̧ttö̧ tochomenä, ajiya isoppa teoppa topinösä. Ja̧u̧ ajiya isoppanä ya̧tȩ ttö̧ja̧ i̧sa̧ a̧'cua̧rö̧nä̧ pä̧mä̧di̧nö̧. Unä ppöttähuä orottö adicua'a huȩnä̧ri̧nö̧. U̧mö̧nä̧ koro juäi curodä so̧odä jä̧'i̧nö̧'a̧nö̧ 'chu̧'ä̧ri̧nö̧.

Apocalipsis 15:2

Ja̧'hua̧ta̧nö̧ koro'inä, dubora rö̧ora i̧sä̧yu̧ttö̧'i̧nä̧, ocurättö'inä adicuora jä̧'i̧nö̧'a̧nö̧ ja̧'a̧ topinösä. Ttö̧ja̧mä̧, ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧, chutä i̧mi̧ número huȩyu̧cuä̧'i̧nä̧ ttesetoca'a juruhuinätömä, juhuora dubora rö̧ora i̧sä̧yu̧ttö̧ adicuora jäyä ttöäre arpas, ttu̧mö̧nä̧ 'porähuä Dios iyinö 'chu̧'ä̧rö̧ ka̧cui̧nä̧tö̧.

Apocalipsis 17:14

Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Apocalipsis 19:14

Mo̧ro̧jä̧ra̧'a̧ttö̧, su̧ro̧da̧u̧ jä̧'i̧nö̧'a̧nö̧ huotö, ttö̧'ca̧tä̧huä̧ti̧yu̧ adiu tȩä̧ta̧, adihuä juäi linottö adicuä̧ta̧ 'ca̧tä̧u̧, o'ca'anä ca̧ba̧llo̧stö̧ tȩ'ä̧tö̧rö̧ huä̧mä̧dö̧ cue'ächinätö.

Apocalipsis 3:21

O'ca toi'önä pi̧jä̧ttö̧'i̧nä̧ abonänö juruhuätömä, ttöcu chi̧dȩä̧cä̧nä̧ chö̧'o̧mȩnä̧, chippeyänä ttö̧'ä̧mä̧da̧ pä'ö, ttö pi̧jä̧ttö̧'i̧nä̧ abonänö chujuruhuomenä, Chä'o i̧dȩä̧cä̧nä̧ ö̧'o̧mȩnä̧ ippeyänä chö̧'ä̧mä̧da̧ pä'ö hueinö'a̧nö̧ huȩdä̧cua̧sä̧ jahuätörö.

Apocalipsis 9:7

Jahuätö cä̧'ö̧, ca̧ba̧llo̧stö̧ rohuäu 'chä̧cuä̧huo̧tö̧ jä̧'i̧nö̧'a̧nö̧ a̧'cua̧ri̧nä̧tö̧. Ttunä koro juäi ppöttähuä, orottö adicua'a jä̧'i̧nö̧'a̧nö̧ huȩnä̧ri̧nä̧tö̧. Ttö'ämä ya̧tȩ ttö̧ja̧ i̧sa̧ ö'ä jä̧'i̧nö̧'a̧nö̧ ji̧na̧'a̧.