Apocalipsis 22:2 - TÄ̧DO Ä̧CUÄ̧ I̧HUȨNȨ

² Ja̧u̧ ötahuiyä mä̧nä̧ rö̧ä̧mä̧ kä'conä rinoto. Pa̧nä̧cu̧'i̧nä̧, ya̧nä̧cu̧'i̧nä̧ dau, kä̧cuä̧huä̧ i'co dau ki̧na̧'a̧. Ja̧u̧ juäi dau ya'ute a̧'ȩcu̧, duhuocu ttö̧jä̧pö̧ttö̧nö̧ todärenä u̧huä̧ju̧ huȩji̧na̧'a̧. Ka̧ra̧ kä̧hua̧'i̧nä̧, ka̧ra̧ kä̧hua̧'i̧nä̧ u̧huä̧ju̧ huȩji̧na̧'a̧. Jahuäi dau ojiyämä, adihuina'a ttö̧ja̧rö̧ aditö icuähuänä.

Nuevo Testamento Uwotjüja

² Ütawiyättü mä̧nä̧ juȩi̧pä̧mä̧ kkä'konä̧ ajemä̧ ri̧na̧'a̧, aje jäyoto ji̧jä̧ku̧'i̧nä̧, pätekuadä̧'i̧nä̧ kkä̧kuä̧wä̧ dauwiyä u̧wä̧ju̧ kkä̧wa̧ jü̧'a̧kuä̧ wȩjü̧ oi buojuoina̧'a̧ ja̧'wa̧nü̧ pä'ümä̧ ttü̧jä̧pü̧ttü̧ todäre jo̧mȩnä̧ ya'ute año-nä̧mä̧ wȩji̧nü̧ oi pä'ü päwä; ja̧'wa̧ta̧nü̧ dauwiyä ojiyämä̧ ttü̧ja̧ ttumä̧richeittü ttü̧'i̧pü̧nä̧ ppädü ji̧na̧'a̧.

Apocalipsis 22:2 ပူးပေါင်းရင်းမြစ်များ

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

Apocalipsis 2:7

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧. O'ca toi'önä pi̧jä̧ttö̧'i̧nä̧ abonänö juruhuätörö chiyäcuä̧u̧ kä̧cuä̧huä̧ i'co dau, Dios ö̧jo̧mȩ käi u̧huä̧ju̧ttu̧, ttucua pä'ö.”

Apocalipsis 21:21

Ja̧'hua̧ta̧nö̧ ttö̧jä̧pö̧ttö̧nö̧ tatere äpatiyä koro juäi ajettö ȩmä̧huo'qui, rö̧ȩnä̧ micuähuo'quittö adicuina'a. Koro äpate'inä, koro äpate'inä i̧mi̧cu̧nä̧ jö̧ o'quittö adicuina'a. Ja̧'hua̧ta̧nö̧ ötahuiyä mä̧nä̧ rö̧ä̧mä̧, päcuäitä orottö, i̧sä̧yu̧ sä̧ru̧huä̧yu̧ jä̧'i̧nö̧'a̧nö̧ ji̧na̧'a̧.

Apocalipsis 21:24

O'ca toi'önä ttö̧ja̧mä̧, Dios suronä jȩttö̧ jȩpö̧ icuinä̧u̧mä̧, ja̧u̧ ötahuiyä i̧tȩa̧u̧nä̧ cuettächäcuotö. Pi̧jä̧ ruhuotömä ja̧u̧ ötahuiyä amöcuädö, ttesehua pä'ö jȩttä̧cuo̧tö̧. Ja̧'hua̧ta̧nö̧ ttucuota pä'ö jȩttä̧cuo̧tö̧.

Apocalipsis 22:1

Ja̧u̧nu̧ o'ca'a, ja̧u̧ ángel aje adihuoto, kä̧cuä̧huä̧ i'co aje i̧jȩpi̧nö̧ ttörö. Koro juäi cristal ta'anö säruhuina'a. Dios'inä, Cordero'inä tti̧dȩä̧cä̧ttö̧ räopina'a.

Apocalipsis 22:14

Ttö̧'ca̧tä̧huä̧ta̧ töcätömä, dau kä̧cuä̧huä̧ i'co dauttu ttȩma̧ pä'ö, eseunu ttö̧ja̧cuä̧cuo̧tö̧. Ja̧'hua̧nö̧ jȩpö̧ ötahuiyä äpatiyänä dottächäcuotö.

Apocalipsis 22:19

Ja̧'hua̧ta̧nö̧ ya̧tȩ pi̧yȩ cuyäru'tänä huȩyu̧cuä̧mä̧, Dios i̧huȩnȩttö̧ si'epö icuttumä, chutä öäre kä̧cuä̧huä̧ i'co dau u̧huä̧ju̧ttu̧'i̧nä̧, adihuä ötahuiyänä ö̧ja̧ päjittö'inä, pi̧yȩ cuyäru'tänä huȩyu̧cu̧'a̧nö̧ 'cho'ö i̧cuä̧cua̧ Dios.