Apocalipsis 21:4 - TÄ̧DO Ä̧CUÄ̧ I̧HUȨNȨ

⁴ Ttajuähuomenä, Dios ttö'äre 'ca̧huä̧cua̧. Täcö 'corupäi'äcuähuä'inä, ajuäcuähuä'inä, tta̧'cua̧ tta̧huȩcuä̧cuä̧huä̧'i̧nä̧, ubara ttuhuähuä'inä juiyäcua'a. O'ca juiyönä pä'äji ka̧cui̧nö̧mä̧ 'cuäopina'a.

Nuevo Testamento Uwotjüja

⁴ Dio-mä̧, juätü tti̧'chȩrȩ'i̧nä̧, jȩpü̧ i̧kuä̧kua̧; täkü wa'are'i̧nä̧ juiyäkua'a, 'chȩrȩ'i̧nä̧, barawä̧u̧ wottü'i̧nä̧; täkü ä̧kuo̧mȩnä̧ kka̧kui̧nü̧mä̧ 'kuäopina̧'a̧tä̧ ji̧na̧'a̧.»

Apocalipsis 21:4 ပူးပေါင်းရင်းမြစ်များ

San Mateo 24:35

Mo̧ro̧jä̧'i̧nä̧, pi̧jä̧'i̧nä̧ beipächäcua'a. Ttö chi̧huȩnȩmä̧ yoröiso beipocö.

1 Corintios 15:26

Ja̧'hua̧ta̧nö̧ rö̧ji̧nä̧ a̧bo̧i̧ya̧rö̧, 'corupäi'äcuähuä be'epäjipö i̧cuä̧cua̧.

1 Corintios 7:31

Pi̧jä̧nä̧ aditö ȩmä̧tö̧'i̧nä̧, ttȩmö̧ juiyönä jȩttä̧cua̧'a̧nö̧. Pi̧jä̧mä̧ totömä beipächä̧ra̧'a̧.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

2 Corintios 6:17

Ja̧'hua̧nö̧ ja̧'a̧ttö̧ Tu̧ru̧hua̧ pä'ö: Jahuätöttö rä'opächö, i̧mi̧cu̧nä̧ 'quȩ'i̧pä̧chä̧tu̧cui̧. Surojömä mȩcu̧huä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu chȩmä̧cua̧sä̧.

Hebreos 12:27

Jitä ya'utenätä päomenä, o'ca juiyönä Dios aditinö ttö̧ȩpö̧mä̧ jȩpö̧ icuäcua'a huo̧juä̧tö̧jä̧. Ja̧'hua̧ta̧nö̧ ttö̧ȩpo̧cö̧tä̧ ki̧'ä̧cua̧'a̧do.

2 Pedro 3:10

Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.

1 Juan 2:17

Pi̧jä̧ beipächa'a. Pi̧jä̧ jähuä pä̧huä̧ rö̧jö̧ toäcuähuä'inä beipächa'a. Ja̧'hua̧nö̧ ja̧'a̧nä̧ Diosrö pä̧huä̧ rö̧jö̧ jȩpä̧tö̧mä̧ 'cuäopönä ttö̧ja̧cuä̧cuo̧tö̧.

Apocalipsis 20:13

Dubora rö̧orattö 'corupä'i'inätö'inä duborattö rä'opinätö. 'Corupäi'äcuähuättö'inä, 'corupätti'omettö'inä 'corupä'i'inätömä rä'opinätö. O'ca toi'önärö, pä'äji jȩtti̧nö̧ topö, ro̧ȩpi̧nä̧u̧.

Apocalipsis 20:14

Ja̧u̧nu̧ o'ca'a, 'corupäi'äcuähuä'inä, 'corupätti'ome'inä ocurä rö̧arära̧'a̧ do'opö icuinä̧u̧. Ja̧u̧ ocurä rö̧arä todärenä 'corupäi'äcuähuä ja̧'a̧.

Apocalipsis 21:1

Ja̧u̧nu̧ o'ca'a, mo̧ro̧jä̧ jarea'a'inä, pi̧jä̧ jarea'a'inä topinösä. Mo̧ro̧jä̧ pä'äji jähuä'inä, pi̧jä̧ pä'äji jähuä'inä toei'inö o'ca'a, dubora rö̧ora'inä juiyina'a.

Apocalipsis 22:3

Ju̧huȩnȩ surojömä 'cuäopoca'a. Dios'inä, Cordero'inä tti̧dȩä̧cä̧ ju̧huȩnȩ ötahuiyänä kä̧cua̧'a̧. Umöhuäyotömä ja̧u̧ru̧ eseunu ttucuocuäcuotö.

Apocalipsis 7:17

Chutä Corderomä, i̧dȩä̧cä̧ jo̧mȩ kö̧mä̧, o̧vȩja̧stö̧rö̧ tta̧ttä̧rö̧'a̧nö̧ tta̧huä̧rä̧cua̧ jahuätörö. Ja̧'hua̧ta̧nö̧ kä̧cuä̧huä̧ i'co aje i̧sä̧rä̧ra̧'a̧cu̧ o̧i̧pä̧cua̧ jahuätörö. Ja̧'hua̧ta̧nö̧ ttajuähuomenä, Dios ttö'äre 'ca̧huä̧cua̧.