Apocalipsis 17:9 - TÄ̧DO Ä̧CUÄ̧ I̧HUȨNȨ

⁹ “Ja̧'hua̧ta̧nö̧ korotö ttä̧ju̧cu̧nä̧nö̧ huotömä, pi̧yȩ ttä̧ju̧cu̧'a̧nö̧ ja̧'a̧. Ja̧u̧ pä̧i̧cua̧ i̧sa̧ ko̧ro̧mö̧ttö̧nö̧ toyure uhuiyä, ko̧ro̧mö̧ttö̧nö̧ to'care möä'quiyu jä̧'i̧nö̧'a̧nö̧ ja̧'a̧, jahuäju isaju kö̧'ä̧mä̧do̧mȩ.

Nuevo Testamento Uwotjüja

⁹ Pi̧yȩ tu̧wo̧jui̧pa̧ pä'ümä̧, wo̧juä̧wä̧ ttu̧ju̧nä̧ra̧ pä'ü ja̧'a̧: «Kko̧ro̧mü̧ttü̧nü̧ toyure u piyä jä̧ji̧mä̧, juäju isaju kkü̧'ä̧ji̧ kko̧ro̧mü̧ttü̧nü̧ todäre jü̧ müä'kiyu ja̧'a̧ ja̧'wa̧ta̧nü̧ wȩnȩkuä̧cha̧'a̧ kko̧ro̧mü̧ttü̧nü̧ todäre wotü ruwotürü.

Apocalipsis 17:9 ပူးပေါင်းရင်းမြစ်များ

San Mateo 13:11

Jahuätörö ädätinödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ cu̧huo̧juä̧tu̧cua̧ pä'ö. Jahuätö ja̧u̧ huȩnȩ jerupätödo.

San Mateo 24:15

“Pi̧yȩ huȩnȩ ucuocumä, ä̧ju̧cua̧ja̧. Dios i̧huȩnȩ jiäcuähuä i̧sa̧ Daniel päinö ta'anö suronä jȩpö̧ huȩ'ä̧rö̧rö̧, suronä toei'önä jȩpö̧rö̧, ji̧nä̧ isocu adihuomecu ö̧ja̧'a̧ tocu'ätucuomenä, ja̧u̧nu̧ Judea rȩjȩnä̧ ka̧cuä̧tö̧mä̧ möä'cara̧'a̧cu̧ jotte'ö'a̧nö̧ ja̧'a̧.

Apocalipsis 13:1

Ttö dubora rö̧ora jäyoto rȩba̧nä̧ chö̧jo̧mȩnä̧, pä̧i̧cua̧ i̧sa̧, uhuiyä'inä ko̧ro̧mö̧ttö̧nö̧ todäre ku̧nä̧rö̧mä̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧mä̧, juhuorattö räopa'a topinösä. Koro u i̧sä̧juä̧nä̧'i̧nä̧, koro u i̧sä̧juä̧nä̧'i̧nä̧ ppöttähuä huȩnä̧ri̧nö̧. Koro unä'inä, koro unä'inä Diosrö suronä pä'ö huȩnȩ huȩyu̧cui̧na̧'a̧.

Apocalipsis 13:18

Pi̧yȩmä̧ amöcuädö huo̧ju̧nä̧ ttu̧huo̧juä̧cua̧'a̧nö̧. Iso päi'önä huo̧jua̧mä̧, ja̧u̧ pä̧i̧cua̧ i̧sa̧ öäre número amöcuädö'a̧nö̧. Ja̧u̧ pä̧i̧cua̧ i̧sa̧ öäre número ka̧ra̧ ttö̧ja̧ i̧sa̧ öäre número yorätehua'a. Ja̧u̧ juäi número seiscientos sesenta y seis jo̧mȩnä̧ ja̧'a̧.

Apocalipsis 17:18

Jahuäju isajumä, tocu'äcuamä, ja̧u̧ ötahuiyä rö̧ome, o'ca toi'önä pi̧jä̧nä̧ ka̧cuä̧tö̧ ruhuotörö huea'a jä̧'i̧nö̧'a̧nö̧ ja̧'a̧.

Apocalipsis 17:3

Ja̧u̧nu̧ o'ca'a, Espíritu Santo hueähuä 'cuo̧ti̧nä̧, ja̧u̧ ángel de'acu ȩpi̧nö̧ ttörö. Ju̧huȩnȩ yajute isaju, pä̧i̧cua̧ i̧sa̧ tu̧'hua̧rö̧ huä̧mä̧dä̧ju̧ru̧ topinösä. Ja̧u̧ pä̧i̧cua̧ i̧sa̧rö̧ Diosrö suronä päömä huȩyu̧cui̧na̧'a̧. Ja̧'hua̧ta̧nö̧ uhuiyä'inä ko̧ro̧mö̧ttö̧nö̧ toyure ku̧nä̧ri̧nö̧. U i̧sä̧juä̧'i̧nä̧ to̧mö̧rȩ jähuä ku̧nä̧ri̧nö̧.

Apocalipsis 17:7

Ja̧'hua̧ ja̧'a̧ttö̧ chutä ángel pä'inö ttörö: —¿Dä̧bö̧ ye'ö to̧cu̧'ä̧rä̧ttö̧? Jahuäju isajuru'inä, ja̧u̧ pä̧i̧cua̧ i̧sa̧, uhuiyä ko̧ro̧mö̧ttö̧nö̧ toyure ku̧nä̧rö̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧, jahuäju isajuru jö̧'co̧huä̧rö̧'i̧nä̧, yä̧huä̧i̧nä̧ pättö huȩnȩ ji̧dä̧huä̧cua̧jä̧ cu̧huo̧jua̧ pä'ö.