Apocalipsis 16:8 - TÄ̧DO Ä̧CUÄ̧ I̧HUȨNȨ

⁸ Ka̧ra̧ ángel'inä, pa̧ja̧cuä̧nö̧ päi'önä, öäre i̧so̧'ta̧ mo̧ro̧ kä̧hua̧nä̧ to'inö. Ja̧'hua̧ta̧nö̧ mo̧ro̧ kä̧hua̧rö̧ ujuru iyina'a ttö̧ja̧rö̧ ku icua pä'ö udupunä.

Nuevo Testamento Uwotjüja

⁸ Ja̧'wa̧ta̧nü̧ pa̧ja̧kuä̧nü̧ päi'ünä̧ wa̧ á̧gȩ üäre copa i̧so̧'ta̧, mo̧ro̧ kkä̧wa̧rü̧ to'inü̧; ja̧'wa̧nü̧ toomȩnä̧, mo̧ro̧ kkä̧wa̧mä̧ ujuru iyäwi'inä̧ku̧ ttü̧ja̧rü̧ kkuwü ikua pä'ü.

Apocalipsis 16:8 ပူးပေါင်းရင်းမြစ်များ

San Mateo 13:6

Ja̧'hua̧nö̧ ja̧'a̧nä̧ kä̧hua̧ tejädi'omenä, joi'inödo, ujupo'tiyä juiya'attö.

San Lucas 21:25

Juhua'a yabonö huo̧juȩti̧nö̧do Jesús: —Ja̧'hua̧ ja̧'a̧ttö̧ mo̧ro̧ kä̧hua̧nä̧'inä̧, yodo kä̧hua̧nä̧'i̧nä̧, si̧ri̧'cö̧nä̧'i̧nä̧ i̧jȩcuä̧ kä̧cua̧'a̧. Pi̧jä̧nä̧'i̧nä̧ ttö̧ja̧, dubora rö̧ora rö̧ȩnä̧ ppahua'a pä̧i̧cu̧nä̧ ucuocua'attö ä̧ju̧cu̧, jerunä yettecuäcuotö.

Hechos 2:20

Mo̧ro̧ kä̧hua̧ ö̧'ä̧ro̧huä̧cua̧ yo̧ö̧nä̧. Yodo kä̧hua̧ ö̧'ä̧ro̧huä̧cua̧ cuocunä. Tu̧ru̧hua̧ adiu jȩä̧cuȩ mo̧ro̧ päi'äcua'a ä'canä ja̧'hua̧nö̧ 'cuäopäcua'a.

Apocalipsis 14:18

Diosrö ucuocuäcuähuodä ko̧mȩttö̧, ka̧ra̧ ángel'inä rä'opinö. Ja̧u̧ ocurättö'inä abonänö juruhuinö. Ka̧ra̧rö̧, curodä so̧odä 'chu̧'ä̧rö̧rö̧, pä̧i̧cu̧nä̧ huopö pä'inö: —Cucurodä so̧odänä aditö, uvas pi̧jä̧ttö̧ ȩmi̧. Täcö 'cuäipächö'a̧nö̧ päi'a'a.

Apocalipsis 6:12

Ja̧'hua̧ta̧nö̧ Cordero koro ko̧ro̧mö̧ttö̧nö̧ ya'ute sello jȩpö̧ icuomenä, rȩjȩ rö̧ȩnä̧ ttö̧ä̧hua̧'a̧ topinösä. Mo̧ro̧ kä̧hua̧mä̧, korotö hua'ö tticuomenä, ttahuaruhuä ttö̧'ca̧tä̧huä̧ti̧yu̧ idicuä̧ta̧ ttö̧'ca̧tä̧u̧'a̧nö̧ idicuina'a. Yodo kä̧hua̧mä̧ ttö̧ja̧ ttucuoja jä̧'i̧nö̧'a̧nö̧ hui̧nö̧.

Apocalipsis 7:16

Jitämä ppäi ttu'ocotö ttäcuotö. Jitämä a̧di̧ rö̧jä̧chi̧'o̧co̧u̧ ttäcuotö. Ja̧'hua̧ta̧nö̧ kä̧hua̧'i̧nä̧ jahuätörö kuhuocö jä̧cua̧. Du'huome ka̧cuo̧co̧tö̧ ttäcuotö.

Apocalipsis 8:12

Ka̧ra̧ ángel, pa̧ja̧cuä̧nö̧ päi'önä, öäre trompeta ppö'inö. Ppöomenä, mo̧ro̧ kä̧hua̧'i̧nä̧, yodo kä̧hua̧'i̧nä̧, si̧ri̧'cö̧'i̧nä̧ ju'tomecutä surojuo'ächinätö. Ja̧'hua̧nö̧ surojuottächomenä, yoröiso yo̧i̧na̧'a̧ ttitejädoca'attö. Ja̧'hua̧ta̧nö̧ mo̧ro̧'i̧nä̧, yodo'inä ju'tomecutä, a̧'u̧cua̧'a̧tä̧ yoröiso tejädocotö pi̧nä̧tö̧.

Apocalipsis 9:2

Ja̧u̧nu̧ o'ca'a, ja̧u̧ llavenä ba'epinö reju, yoröiso beipocoju. Jahuäju rejuttu, pan rö̧ȩnä̧ ȩttä̧huo̧mȩttö̧ ocurä isoppa räopa'a jä̧'i̧nö̧'a̧nö̧, ocurä isoppa räopina'a. Ja̧u̧ isoppattö, mo̧ro̧ kä̧hua̧'i̧nä̧, kä̧ru̧'coppa'inä yo̧i̧na̧'a̧.