Apocalipsis 13:3 - TÄ̧DO Ä̧CUÄ̧ I̧HUȨNȨ

³ Ja̧u̧ pä̧i̧cua̧ i̧sa̧ u ji'ute cuä'ö tticuäja'a jä̧'i̧nö̧'a̧nö̧ ji̧na̧'a̧. Ja̧'hua̧nö̧ ja̧'a̧nä̧ cuä'ö tticuäja'a adiu päi'inäcu. Ja̧'hua̧nö̧ päi'omenä, o'ca toi'önä pi̧jä̧ ttö̧ja̧ to̧ttä̧ro̧mȩnä̧, ja̧u̧ o'ca'anä 'chi̧nä̧tö̧.

Nuevo Testamento Uwotjüja

³ Jua̧u̧ i̧sa̧ büó ú jiyutenä̧mä̧, ya̧tȩ kuäina̧'a̧ 'kua̧ri̧nü̧, 'koru päi'a pä'ü ja̧'wa̧nü̧ ja̧'a̧nä̧ juȩnȩ toe'ächa pä'ü kuäino̧mȩmä̧ wawächächina̧'a̧ ji̧na̧'a̧; ja̧'wa̧nü̧ jo̧mȩnä̧ pi̧jä̧ ttü̧ja̧ o'katoi'ünä̧ eseäkuäu jua̧u̧ i̧sa̧ büó betia pättäku o'ka'anä̧ 'chi̧nä̧tü̧.

Apocalipsis 13:3 ပူးပေါင်းရင်းမြစ်များ

San Lucas 2:1

Ji̧yȩnö̧ mo̧ro̧ ji̧nä̧ isocu hueähuä i̧sa̧, ru̧hua̧ Augusto hue'inödo o'ca toi'önä tti̧mi̧ ttiyarö pä'ö.

San Juan 12:19

Ja̧'hua̧nö̧ rättopa'a topö, fariseos huotö ttamönä pä'ähuinätödo: —Topätucui. Jitämä yoröiso jȩpo̧co̧tö̧jä̧. O'ca toi'önä ja̧u̧cu̧ 'chä̧tö̧do, —pä'inätödo.

Hechos 8:13

Simón'inä Jesucristorö esetinödo. Bautizado pä'i'äji'ca̧, Felipecu cue'ächinödo. Felipe ttö̧ja̧ ttieru juäi Dios u̧ju̧ru̧nä̧ jȩo̧mȩnä̧, Simón tocö jä̧'i̧jö̧ topinödo.

Apocalipsis 13:12

Chutä äcuomenä pä̧i̧cua̧ i̧sa̧ ä'ca jo̧mȩttö̧ hueinö ta'anö hue'inö o'ca juiyönä. Ja̧u̧mä̧ pi̧jä̧'i̧nä̧, pi̧jä̧nä̧ ka̧cuä̧tö̧rö̧'i̧nä̧ äcuomenä pä̧i̧cua̧ i̧sa̧rö̧ cuä'ö tticuina'anä ki̧'i̧nö̧rö̧, ttamöcuädarö pä'ö hue'inö ja̧u̧ röji pä̧i̧cua̧ i̧sa̧mä̧.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

Apocalipsis 17:10

Ja̧'hua̧ta̧nö̧ uhuiyä ko̧ro̧mö̧ttö̧nö̧ ta̧ju̧nu̧ ruhuotö jä̧'i̧nö̧'a̧nö̧ ja̧'a̧. Jahuätö ruhuotöttö, ji̧mö̧tȩ ruhuärö täcö ya'opö tticuinä̧u̧. Ya̧tȩ jitämä hue'ö. Ka̧ra̧ ji̧nä̧ ichoca'a. Chutä röji ru̧hua̧ ichomenä, recuomä hue'ocö.

Apocalipsis 17:11

Chutä pä̧i̧cua̧ i̧sa̧, täbocö ö̧ji̧na̧'a̧, jitä ko̧cö̧mä̧, ja̧u̧mä̧ ko̧ro̧mö̧ttö̧nö̧ huämetucuä ru̧hua̧ päi'önä ö̧jä̧cua̧. Chutä ja̧'hua̧nö̧ ö̧jä̧cua̧mä̧ jahuätö ko̧ro̧mö̧ttö̧nö̧ ta̧ju̧nu̧ ruhuättö i̧sa̧ ja̧'a̧nä̧, to̧ȩi̧'ä̧cua̧.

Apocalipsis 17:13

Pitö to̧mö̧rȩ ruhuä ruhuotömä ji̧nä̧ yo̧mȩtȩnä̧ amöcuädätö. Jahuätö ttujuru'inä, huettö'inä ttiyäcuotö ja̧u̧ pä̧i̧cua̧ i̧sa̧rö̧.

Apocalipsis 17:17

Jahuätö ttami iso'quinä jȩi̧nä̧u̧ Dios, churutä pä̧huä̧ rö̧jo̧mȩnä̧ jȩtta̧ pä'ö ji̧nä̧ yo̧mȩtȩnä̧ amöcuädö, ruhuotö ttujuru ja̧u̧ pä̧i̧cua̧ i̧sa̧rö̧ ttiyomenä, Dios päinö ta'anö 'cuäopome jubö päi'önä.

Apocalipsis 17:6

Ja̧u̧nu̧ o'ca'a, jahuäju isaju Dios i̧tti̧mö̧ ttucuoja'inä, Jesús i̧huȩnȩ ji'äu kä̧nö̧ hua'ö icuinätö ttucuoja'inä kahuäja'attö, tä̧jä̧ma̧'a̧ topinösä. Ja̧'hua̧nö̧ tochomenä, ye'ö to̧pä̧ri̧nö̧sä̧.

Apocalipsis 17:8

Ja̧u̧ pä̧i̧cua̧ i̧sa̧ tocu'äcumä, täbocö ki̧nö̧. Ja̧'hua̧nö̧ ja̧'a̧nä̧ jitämä yoröiso toa'a. Ja̧'hua̧ ja̧'a̧nä̧ reju, yoröiso beipocojuttu 'cha̧huä̧chä̧cua̧ röji hua'ö icuäcua'a ä'canänö. Pi̧jä̧ ttö̧ja̧, pi̧jä̧nä̧ ka̧cuä̧tö̧mä̧, pi̧jä̧ ttaditinö mo̧ro̧ kä̧cuä̧huä̧ i'co cuyäru'tä tti̧huȩyu̧ti̧nö̧'tänä tti̧mi̧ huȩyu̧cuo̧co̧tö̧mä̧, ja̧u̧ pä̧i̧cua̧ i̧sa̧, jitämä ö̧jo̧ca̧'a̧nä̧ täbocö ö̧ji̧na̧'a̧, yodoji'inä pä'äji ta'anö ö̧jä̧cua̧rö̧ ye'ö tottäcuotö.