2 Timoteo 2:26 - TÄ̧DO Ä̧CUÄ̧ I̧HUȨNȨ

²⁶ Ja̧'hua̧ta̧nö̧ ähuettärö jaropi'ö ttö̧ji̧pa̧ pä'ö tta̧'ä̧rö̧. Jahuätömä ähuettäcu cuettächa'attö, ähuettä hueö jȩpä̧tö̧.

Nuevo Testamento Uwotjüja

²⁶ Jua̧u̧ wo̧jui̧'ü̧tä̧ äwettä ttä̧tȩkuä̧ jȩpü̧ u̧ju̧ni̧no̧mȩmä̧ ttü̧ttȩpä̧ri̧'ä̧kuo̧tü̧, ja̧'wa̧nü̧ jo̧mȩnä̧ juorümä̧ tüttipächäkuotü. Jitätämä̧ ji̧nä̧ äwettämä̧ kärenä̧ rü̧tä̧rü̧ kkä̧nü̧ churutä pä̧wä̧rü̧jo̧mȩnä̧ jȩä̧u̧.

2 Timoteo 2:26 ပူးပေါင်းရင်းမြစ်များ

San Lucas 11:21

“Ya̧tȩ ju̧ru̧hua̧mä̧ ucurodäcu ojusode adiu tta̧huä̧ro̧mȩnä̧, yoröiso do'ächö nä̧u̧cuo̧co̧tö̧ jacuoju hua'adö u̧ju̧ni̧nö̧mä̧.

San Lucas 15:17

Ja̧'hua̧nö̧ ja̧'a̧ amöcuädinödo: “Chä'o ojusodenä recuätö adicuä ruhuä ttucua'anä'inä ka̧cui̧pi̧'ä̧na̧'a̧ qui̧. Ttöhue porö ppäittö 'corujuo'ächösä di̧.

San Lucas 5:10

Ja̧'hua̧ta̧nö̧ Simón ahuaruhuä Jacobocu, Juancu Zebedeo i̧tti̧mö̧ pi̧nä̧tö̧mä̧ ye'i'inätödo. Ja̧'hua̧nö̧ ja̧'a̧nä̧ Jesús pä'inödo Simónrö: —Yecuhuecuä'. Jitämä ttö̧ja̧rö̧ 'cho̧cu̧hui̧'ä̧cua̧jä̧.

San Juan 13:2

Ähuettämä Judas Iscariote, Simón i̧tti̧rö̧, ami iso'quinä hue'inö Jesúsru suronä jȩpä̧tö̧rö̧ iya pä'ö.

San Juan 13:27

Judas juhuä̧si̧ ȩmo̧mȩnä̧, ähuettämä ami iso'quinä do'ächi'inödo. Ja̧'hua̧ ja̧'a̧ Jesús päinäcudo: —Jȩcu̧'ä̧cuȩmä̧, jurunä jȩcu̧'a̧ja̧.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Hechos 5:3

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

1 Corintios 15:34

Ucutumä ppa̧'ä̧chö̧ adiunä cua̧'cua̧ pö̧nö̧ ka̧cuä̧tu̧cui̧. Suronämä jȩcu̧'ä̧tu̧cuä̧'. Korotö ucututtu isotömä ji̧nä̧ jerupätödo Diosrö. Pi̧yȩmä̧ pä'ösä ucutu cudäpecuätucua pä'ö.

Efesios 5:14

Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

Colosenses 1:13

Dios ujuturu ejädö icuinö yo̧ö̧ ujuruttu. Ja̧'hua̧ta̧nö̧ chutä I̧tti̧ rȩni̧'a̧rö̧ ujutu Tu̧ru̧hua̧ päi'önä ö̧ja̧ pä'ö hue'inö.

1 Timoteo 1:20

Ja̧'hua̧nö̧ jȩpi̧nä̧tö̧ Himeneo'inä, Alejandro'inä. Jahuätörö hue'inösä ähuettärö, ttu̧huo̧jua̧ pä'ö Diosrö suronä ttucuocu juiyäcua'a̧nö̧.

1 Timoteo 3:7

Ja̧'hua̧ta̧nö̧ Diosrö esetocotö ttä'ca jo̧mȩ adiu ö̧jä̧cua̧'a̧nö̧, suronä ttucuocu juiyarö pä'ö, ähuettä'inä suronä jȩö̧ juiyarö pä'ö.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.