2 Timoteo 2:22 - TÄ̧DO Ä̧CUÄ̧ I̧HUȨNȨ

²² Ucu, möäyotö ttamöcuädömä jaropi'i. Adiutä jȩpö̧ kä̧hui̧. Adiu esetö cuahuaruhuärö repe'i. Korotöcu adiu kä̧hui̧. Ja̧'hua̧nö̧ jȩpö̧ kä̧hui̧ o'ca toi'önä ttami iso'quinä adiu amöcuädö, Tu̧ru̧hua̧ i̧mi̧nä̧ esetö ucuocuätöcu.

Nuevo Testamento Uwotjüja

²² Ja̧'wa̧ta̧nü̧ mü̧ä̧yotü ttidepä kkü'kekuttümä̧ tü'ipächi, tü'ipächümä̧ adiu jȩä̧kuä̧wä̧tä̧, tta̧'kua̧ wȩnä̧rä̧kuä̧wä̧tä̧, eseäkuäwätä ja̧'wa̧ta̧nü̧ unichä̧rü̧ kkä̧kuä̧wä̧tä̧ usí, tta̧mi̧so'ki teünä̧ kka̧kuä̧tü̧, ttu̧ru̧wa̧rü̧ ppädatü pä'ü jä'epätuku yo̧mȩtȩnä̧.

2 Timoteo 2:22 ပူးပေါင်းရင်းမြစ်များ

Hechos 7:59

Inädu tticuähua'anä, Esteban Diosrö ucuocu pä'inödo: —Chu̧ru̧hua̧ Jesús, cha̧'cua̧ru̧hua̧rö̧ ȩmi̧ttö̧.

Hechos 9:14

Jitä pȩnȩtä̧ ichi'ö sacerdotes tturuhuotö huettäjäcumä ucu cui̧mi̧nä̧ Diosrö ucuocuätörö ȩpa̧ pä'ö cärenä öta pä'ö.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Romanos 14:19

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

1 Corintios 1:10

Chö̧jä̧hua̧tö̧, Tu̧ru̧hua̧ Jesucristo i̧mi̧nä̧ pä'ösä ucuturu, yoräteunä amöcuädätucui. I̧mi̧cu̧nä̧ cuamöcuädätucuä'. Ja̧'hua̧ ji̧yä̧cu̧ pä'ösä, adiu ji̧nä̧ yo̧mȩtȩ amöcuädö ka̧cuä̧tu̧cui̧ yoräteunä.

1 Corintios 10:14

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ttu̧mö̧nä̧ adicuä juäi esetäcuähuämä, jaropi'ätucui.

1 Corintios 14:1

Cuahuaruhuärö repecuhuätucuäcua'a̧nö̧ jä'epätucui. Ja̧'hua̧ta̧nö̧ Diosrö jä'epätucui churutä pä̧huä̧ rö̧jo̧mȩnä̧ iyätucuacu pä'ö Espíritu Santo jähuä. Chutä iyähuä huȩnȩ jicuhuähuätucua pä'ö jä'epätucui.

1 Corintios 6:18

Ja̧'hua̧ ja̧'a̧ttö̧ jaropi'ätucui nä̧tö̧rö̧ usu jȩä̧cuä̧huä̧mä̧. Ya̧tȩ irecuarö u̧ju̧nä̧ro̧mȩnä̧, karajuru jȩä̧'cho̧mȩnä̧, chutä jä̧ttä̧pä̧ya̧nä̧ suronä jȩpö̧. Juhuorö'inä koro juäi suronä jȩo̧mȩnä̧, chutä jä̧ttä̧pä̧ya̧nä̧ suronämä jȩpo̧cö̧.

1 Timoteo 1:14

Ja̧'hua̧nö̧ ja̧'a̧ttö̧ Dios rö̧ȩnä̧ ppä'ädinö ttörö, Cristo Jesúsru esetö repedarö pä'ö.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

1 Timoteo 2:8

Ja̧'hua̧nö̧ ja̧'a̧ttö̧ u̧mä̧tö̧ ttidepiyu pa̧ja̧cu̧nä̧ ttami iso'quinä surojö juiyönä ttu̧mö̧ cä'epö, Diosrö ttucuocua pä'ösä. Ja̧'hua̧ta̧nö̧ ttahuaruhuärö ra̧huä̧rä̧cuä̧huä̧ juiyönä'inä, amönä rohuäcuähuä huȩnȩ ucuocuäcuähuä juiyönä'inä ttucuocu'a̧nö̧ ja̧'a̧.

1 Timoteo 4:12

Ucumä mö̧ä̧ya̧jä̧. Adiu kä̧hui̧ korotö suronä ttucuocu juiyäcua'a̧nö̧. Diosrö esetätö ttä'ca jo̧mȩ adiu kä̧hui̧, adiu cu̧ja̧'a̧ totta pä'ö. Adiu ucuocu jȩpi̧ o'ca juiyönä. O'ca toi'önärö repe'i. Diosrö esetö cua̧'cua̧ pö̧nö̧ kä̧hui̧.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

Hebreos 12:14

O'ca toi'önärö adiunä kä̧nö̧, eseunu cu̧ja̧cuä̧tu̧cua̧ja̧. Adiunä ttö̧ja̧cu̧ juiyöttömä, yoröiso topocotö ttäcuotödo Tu̧ru̧hua̧rö̧.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

1 Pedro 3:11

Surojöttö'inä rä'opächö, adiutä jȩpö̧. Ja̧'hua̧ta̧nö̧ adihuä juäi eseäcuähuä usäji'ca̧, eseunu kö̧.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.