2 Timoteo 1:5 - TÄ̧DO Ä̧CUÄ̧ I̧HUȨNȨ

⁵ Ttö 'cuäopönä amöcuädösä Diosrö adiu cueseta'a. Ucu cuä̧da̧ Loida pä'ö micuaju'inä, ucu cua̧ju̧ Eunice'inä ucu cuesetäcua'a ä'canä esetinätödo. Ttö huo̧jua̧sä̧, iso päi'önä ucu'inä esetöjä.

Nuevo Testamento Uwotjüja

⁵ Ä̧kuo̧mȩnä̧mä̧ kuä̧da̧ Roida'i̧nä̧ kua̧ju̧ Eunice'i̧nä̧ Dio-rü tta̧'kua̧ wȩnä̧ri̧nä̧tü̧; ja̧'wa̧nü̧ ja̧'a̧ttü̧ ukuru chamükuädomȩnä̧mä̧, juätü ji̧nü̧ta'anü̧ uku'i̧nä̧ kua̧'kua̧ ku̧wȩnä̧rü̧mä̧ isopäi'ünä̧tä̧ kku̧nä̧rü̧jä̧ pädünä̧ jä̧ku̧sä̧.

2 Timoteo 1:5 ပူးပေါင်းရင်းမြစ်များ

San Juan 1:47

Jesús Natanael tö'cönänö ichö tomenä, pä'inödo: —Pȩnȩmä̧ iso päi'önä Israel ttö̧ja̧ i̧sa̧ ichö. Ja̧u̧mä̧ yoröiso yapareu jȩpo̧cö̧.

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 26:26

Pȩnȩtä̧ pö̧ ru̧hua̧ Agripamä. Ja̧u̧mä̧ huo̧jua̧ jidähuäji o'ca juiyönä. Ja̧'hua̧nö̧ ja̧'a̧ttö̧ ja̧u̧ ä'ca jo̧mȩ eseunu ucuocusä. O'ca juiyönä 'cuäopinömä iso päi'önä huo̧jua̧. Dajahuächäcuähuome 'cuäopoca'a ji̧na̧'a̧.

Romanos 14:14

Ttö huo̧jua̧sä̧ koro juäi yoröiso juiya'a iditö icumä. Ttö Chu̧ru̧hua̧ Jesucristorö cheseta'attö, ja̧'hua̧nö̧ huo̧jua̧sä̧. Ja̧'hua̧nö̧ ja̧'a̧nä̧ korotömä pi̧yȩmä̧ iditö icudo pä'ö ttamöcuädöttömä, jahuätörö surojö ja̧'a̧.

Romanos 14:5

Korotö amöcuädätö koro mo̧ro̧ adihua'a Diosrö ucuocuäcuähuänä pä'ö. Ja̧'hua̧ta̧nö̧ korotö amöcuädätö o'ca juiyönä mo̧ro̧ yorätehua'a pä'ö. Ya̧cu̧nä̧ tta̧'cua̧ ko̧mȩnä̧ ttamöcuädömä adihua'a.

Romanos 15:14

Ttö chö̧jä̧hua̧tö̧, ttötä iso päi'önä huo̧jua̧sä̧ ucutu yoröiso adiu jȩpä̧tö̧jä̧. Ja̧'hua̧ta̧nö̧ o'ca juiyönä huo̧juä̧tö̧jä̧. Ja̧'hua̧ta̧nö̧ ucutu huo̧juä̧tö̧jä̧ cu̧huo̧juȩtä̧tu̧cua̧ pä'ö korotö korotönörö.

Romanos 4:21

Abraham adiu huo̧jui̧nö̧, Dios o'ca juiyönä päömä, ujurunä adiu jȩpö̧ pä'ö.

Romanos 8:38

Ja̧'hua̧nö̧ ja̧'a̧ttö̧ iso päi'önä huo̧jua̧sä̧, yoröiso juiya'a ujuturu Dios repeöttö 'quȩ'ȩpö̧ icumä. 'Corupäi'äcuähuä'inä, ta̧'cua̧rö̧'i̧nä̧, ángeles'inä, pi̧jä̧ isoppanä ka̧cuä̧tö̧ hue'ähuotö'inä, jitä 'cuäopö'inä, yodoji 'cuäopä̧cuȩ'i̧nä̧ yoröiso 'quȩ'ȩpö̧ icuocö ujuturu Dios repeöttö.

2 Corintios 6:6

Ja̧'hua̧ta̧nö̧ ujutu adiunätä tö̧ja̧cuo̧mȩnä̧, Dios umöhuäyotö ta'a topö ttu̧huo̧juä̧cuo̧tö̧. Ja̧'hua̧ta̧nö̧ iso päi'önä huȩnȩ tu̧huo̧jua̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ tami 'qui'ächi'ö, korotörö adihuä juäi jȩta̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ Espíritu Santo tami iso'quinä ö̧ja̧'a̧tö̧, topö ttu̧huo̧juä̧cuo̧tö̧. Ja̧'hua̧ta̧nö̧ korotörö repeta'a, topö ttu̧huo̧juä̧cuo̧tö̧.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.

2 Timoteo 1:12

Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

2 Timoteo 3:15

Ucu ji̧nä̧ ji̧'qui̧cha̧huä̧ya̧ huo̧jui̧pi̧nö̧jä̧ adihuä Huȩyu̧cuä̧ Huȩnȩ. Ja̧u̧ Huȩyu̧cuä̧ Huȩnȩ ucuru huo̧juȩta̧'a̧. Ja̧'hua̧ta̧nö̧ ja̧u̧ Huȩyu̧cuä̧ Huȩnȩ cuesetomenä, Cristo Jesús suronä jȩcu̧'u̧ jȩpö̧ icu.

Hebreos 11:13

Jahuätö, Abraham ahuaruhuä o'cotö, o'ca toi'önä hua'ö icuinätödo, Dios iya päinö ttȩmo̧ca̧'a̧nä̧. Ja̧'hua̧nö̧ ja̧'a̧nä̧ Diosrö tteseta'attö, oto kä̧nö̧ Dios iya päinö topö esehuinätödo. Ja̧'hua̧nö̧ ttesehua'anä: “Pi̧jä̧nä̧, korotö tti̧rȩjä̧nä̧ cuettächö'a̧nö̧ cue'ächätöjä”, pä'inätödo.

Hebreos 6:9

Ja̧'hua̧nö̧ ja̧'a̧nä̧ adihuä chö̧jä̧huä̧tö̧, ja̧'hua̧nö̧ tucuocuomenä, ucuturu pä'ocotöjä iso päi'önä huo̧juä̧tö̧jä̧ ucutu cuesetätucuomenä, Dios rö̧ȩnä̧ ppädinä̧u̧jä̧.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.