2 Timoteo 1:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ttö̧ jitä ubara ttu'usä. Ja̧'hua̧nö̧ ja̧'a̧nä̧ dä'äcuocösä. Ttö cha̧'cua̧ chu̧huȩnä̧rä̧cu̧ru̧ huo̧jua̧sä̧. Ja̧'hua̧ta̧nö̧ ttörö iyinömä, röji mo̧ro̧ päi'omenä tta̧huä̧rä̧cua̧'a̧ huo̧jua̧sä̧.

Nuevo Testamento Uwotjüja

¹² Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

2 Timoteo 1:12 ပူးပေါင်းရင်းမြစ်များ

San Mateo 12:21

O'ca toi'önä ttö̧ja̧ ja̧u̧ru̧tä̧ eseunu tta̧ttä̧rä̧cuo̧tö̧, pä'ö huȩyu̧ti̧nö̧do.

San Mateo 24:36

“Ja̧thua̧nö̧ ja̧'a̧nä̧ ichä̧cuȩ mo̧ro̧mä̧ yoröiso jerupätö. Angeles, mo̧ro̧jä̧nä̧ ka̧cuä̧tö̧'i̧nä̧, Dios I̧tti̧'i̧nä̧ jerupätö. Ya̧tȩä̧tä̧ Tä'o Diostä ichä̧cuȩ mo̧ro̧ huo̧jua̧.

San Mateo 7:22

Ja̧u̧nu̧ mo̧ro̧ päi'omenä, recuätömä ttörö pättäcuotö: “Chu̧ru̧hua̧, Chu̧ru̧hua̧, ucu cui̧mi̧nä̧ ucuocuinätöjä. Espíritus suropätörö'inä jȩpö̧ icuinätöjä ucu cui̧mi̧nä̧. Ja̧'hua̧ta̧nö̧ rö̧ȩnä̧ ttö̧ja̧ ttieru juäi jȩpi̧nä̧tö̧jä̧ cui̧mi̧nä̧.”

San Lucas 10:12

Ucuturu pä'ösä, ttö̧ja̧rö̧ tä̧bo̧cuä̧ mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'inödo Jesús.

San Lucas 23:46

Ja̧'hua̧ ja̧'a̧ttö̧ Jesús huopinödo: —Chä'o, ttö cha̧'cua̧rö̧ iyösä ucuru. Ja̧'hua̧nö̧ pä'ö 'corupä'i'inödo.

San Juan 17:15

Ja̧'hua̧ta̧nö̧ pi̧jä̧ttö̧ rä'epö cuicuatö pä'ö jä'epö ucuocuocösä. Ähuettä jȩa̧'a̧cu̧ tta̧cu̧huä̧ra̧tö̧ pä'ö ucuocusä.

San Juan 6:44

Chä'o, ttörö hue'inömä, i'cächö juiyöttömä, yoröiso ichocotö ttörö. Ttörö ichätörö, röji mo̧ro̧ päi'omenä tto̧dä̧dä̧cua̧sä̧.

Hechos 13:46

Ja̧'hua̧nö̧ ja̧'a̧ Pablocu, Bernabécu yettecuoca'a pä'inätödo: —Ucutu judíos ttö̧ja̧ ä'canä Dios i̧huȩnȩ cuä̧ju̧cuä̧tu̧cu̧'a̧nö̧ ja̧'a̧. Ja̧'hua̧nö̧ ja̧'a̧nä̧ ucutu esetocotö pä̧jä̧tö̧jä̧. “Ujutumä kä̧cuä̧huä̧ i'co tema pä'ö adihuä isotöcö̧jä̧”, pä'ätöjä. Jitämä judíos huocotörö ji'äu 'chä̧tö̧jä̧.

Hechos 13:50

Ja̧'hua̧nö̧ ja̧'a̧ judíos ttö̧ja̧mä̧, nä̧tö̧ järe ruhuotö Diosrö amöcuädinätörö'inä, u̧mä̧tö̧ ucuotäcuähuotörö'inä ucuocuinätödo Pablorö, Bernabérö suronä jȩtta̧ pä'ö. Juhua'a yabocu jahuätörö ya'opö icuinätödo tti̧rȩjä̧ttö̧.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

Hechos 7:59

Inädu tticuähua'anä, Esteban Diosrö ucuocu pä'inödo: —Chu̧ru̧hua̧ Jesús, cha̧'cua̧ru̧hua̧rö̧ ȩmi̧ttö̧.

Hechos 9:16

Ja̧u̧ru̧ chi̧jȩpä̧cua̧sä̧ rö̧ȩnä̧ surojö ja̧u̧ru̧ 'cuäopä̧cuȩmä̧ chi̧huȩnȩ jiähuomenä.

Romanos 1:16

Ttömä dä'äcuocösä adihuä huȩnȩmä̧. Ja̧u̧ huȩnȩ esetätörö suronä jȩttö̧ jȩpö̧ icu Dios, äcuomenä judíos ttö̧ja̧rö̧'i̧nä̧, ja̧'hua̧ta̧nö̧ judíos huocotörö'inä.

Romanos 9:33

Huȩyu̧cuä̧ Huȩnȩnä̧ juhuo'quinä pä'ö huȩyu̧cua̧'a̧: Ttö rötösä Siónnä ido'qui 'tö̧'ȩpö̧ ma̧ä̧huo'qui jä̧'i̧nö̧'a̧nö̧ hua̧rö̧. Ja̧u̧ru̧ esetömä, dä'ä ttu'ocö, huȩyu̧cua̧'a̧.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

1 Corintios 3:13

Yodoji Dios ttö̧ja̧rö̧ pojocuä mo̧ro̧ päi'omenä, o'ca juiyönä taditinömä adiu totäcuotöjä. Ja̧u̧nu̧ mo̧ro̧ ocuräcu ichäcua'a. Ja̧'hua̧nö̧ päi'omenä, ocuränä ka̧cuä̧mi̧pä̧cua̧'a̧ o'ca juiyönä taditinömä, iso päi'önä adiu taditinaja pä'ö tota pä'ö.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

Filipenses 3:10

Ttömä Cristorö rö̧ȩnä̧ chu̧huo̧jua̧ pä'ösä. Ja̧'hua̧ta̧nö̧ hua'arettö ttoächinö ujuru chu̧ju̧nä̧ra̧ pä'ösä. Ja̧'hua̧ta̧nö̧ ubara ttuhuinö ta'anö, ubara ttuda pä'ösä. Ja̧'hua̧ta̧nö̧ chutä 'corupäi'inö ta'anö 'corupädi'a pä'ösä.

Filipenses 3:21

Ja̧u̧ ichomenä, ujutu hua'ä tidepä jättäpäyotörö ö̧'ä̧ro̧tä̧cua̧, chutä jä̧ttä̧pä̧ya̧ öadihuä jö̧ ta'anö tö̧ja̧cua̧ pä'ö. Chutä ujurunä koro juäi o'ca juiyönä hueö 'cuäopä̧cuȩ ujurunä jȩä̧cua̧.

Filipenses 3:8

Ja̧'hua̧ta̧nö̧ koro'inä ttörö ppädö chesetinömä, yoröiso micuähuocö jä̧'i̧nö̧'a̧nö̧ jä̧cu̧sä̧. Koro, Chu̧ru̧hua̧ Jesucristorö huo̧jui̧cuä̧, iso päi'önä ttörö ppädötä amöcuädösä. Ja̧u̧ru̧ repe'ö, o'ca juiyönä pä'äji chesetinö, koro juäi icuicuä tticuipö'a̧nö̧ icuipinösä, Cristorö rö̧ȩnä̧ cheseta pä'ö.

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

1 Tesalonicenses 5:4

Ja̧'hua̧nö̧ ja̧'a̧nä̧ tö̧jä̧hua̧tö̧, yo̧ö̧nä̧ ko̧co̧tö̧jä̧. Ja̧'hua̧nö̧ ja̧'a̧ ji̧yȩnö̧ mo̧ro̧ päi'omenä, ucuturu ichocö jä̧cuȩ nä̧u̧cuä̧rä̧cuä̧huä̧ i̧sa̧ ichö'a̧nö̧mä̧.

1 Timoteo 6:20

Ucu Timoteo, ucuru jidähuäjimä adiu tta̧'ä̧rä̧cuä̧hui̧. Pi̧jä̧ jähuä amönä ttucuocu huȩnȩ cuesetä'. Pi̧jä̧ jähuä yapareu huo̧juä̧huä̧ cuesetä'.

2 Timoteo 1:14

Espíritu Santo, tami iso'quinä kö̧, ppädomenä, Dios ucuru iyinömä adiu tta̧'ä̧ri̧.

2 Timoteo 1:16

Onesíforo pä'ö mi̧cua̧ ahuaruhuärö Tu̧ru̧hua̧ adiu re rö̧jö̧nä̧ toö'a̧nö̧ ja̧'a̧. Ja̧u̧ ttörö rö̧ȩnä̧ ppä'ädinö. Cärenä chö̧'a̧'a̧ topö ichäji'ca̧, ttörö dä'äcuocö pi̧nö̧.

2 Timoteo 1:18

Tu̧ru̧hua̧rö̧ ttucuotarö pä'ö ichö mo̧ro̧ päi'omenä, Tu̧ru̧hua̧ ja̧u̧ru̧ re rö̧jö̧nä̧ toö'a̧nö̧ ja̧'a̧. Ucu huo̧jua̧jä̧, ujuturu adiu ppä'ädinö Efesos ötahuiyänä kä̧nö̧.

2 Timoteo 1:8

Tu̧ru̧hua̧ i̧huȩnȩ korotörö ucuocu cudäpecuä'. Ttö Chu̧ru̧hua̧rö̧ cheseta'attö, cärenä pö̧rö̧'i̧nä̧ cudäpecuä'. Dios ujurunä, ttö̧ja̧ suronä jȩttö̧ jȩpö̧ icu huȩnȩ esetö, ucu'inä ubara ttu'i.

2 Timoteo 2:9

Ja̧u̧ huȩnȩ jidähua'attö, suronä jȩpä̧tö̧ ubara ttutta'a jä̧'i̧nö̧'a̧nö̧, ubara ttu'usä cärenä pä̧nö̧. Ja̧'hua̧nö̧ ja̧'a̧nä̧ Dios i̧huȩnȩ be'epäjipö icuocotö.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 2:18

Chutämä suronä 'cuäopomenä ubara ttuhuina'attö, jitä ka̧cuä̧tö̧rö̧, suronä 'cuäopomenä ubara ttu'ätörö, ppädö'a̧nö̧ ja̧'a̧.

Hebreos 7:25

Ja̧'hua̧nö̧ ja̧'a̧ttö̧ ja̧u̧ru̧ esetö, Diosrö tö'cöpächätörö suronä jȩttö̧mä̧ jȩpö̧ icu. Ja̧u̧ 'cuäopönä kö̧, Diosrö ucuocua pä'ö jahuätörö.

1 Pedro 1:5

Ucutu Diosrö cuesetätucuomenä, chutä ujurunä tta̧'ä̧rö̧ ucuturu. Cuȩmä̧tu̧cuä̧cuȩmä̧, suronä jȩcu̧'ä̧tu̧cu̧ jȩpö̧ icuähuämä, jo̧mȩ päi'önä aditö icu iya pä'ö ucuturu röji mo̧ro̧ päi'omenä.

1 Pedro 4:16

Ya̧tȩ Diosrö esetö kä̧nö̧ ubara ttuttumä, yoröiso dä'äcuocö pa̧ji̧. Dios i̧mi̧nä̧ eseta'attö, Diosrötä esehuäcua'a̧nö̧.

1 Pedro 4:19

Iso päi'önä Diosrö pä̧huä̧ rö̧jo̧mȩnä̧ ubara ttu'ätömä, juhua'a yabonö adihuä juäi jȩpö̧ ttö̧ja̧cuä̧cua̧'a̧nö̧. Ja̧'hua̧ta̧nö̧ tta̧'cua̧ru̧hua̧rö̧ Diosrö, jitörötä aditinörö, ttiyäcua'a̧nö̧. Chutä o'ca juiyönä päömä, jȩpö̧do.

Judas 1:24

“Dios, ucu adihuä i̧sa̧jä̧” pätätucuarö. Ja̧u̧tä̧ pi̧jä̧ juiyäi'inä, jitä'inä, yodoji'inä 'cuäopönä ru̧hua̧ päi'önä kö̧do. Tu̧ru̧hua̧ Jesucristorö hueina'attö tesetomenä, ujutu suronä jȩtö̧ jȩpö̧ icuinödo. Ja̧u̧mä̧ ucuturu ppä'ädö adiu cu̧ja̧cuä̧tu̧cua̧ pä'ö, chutä adihuome ö̧jo̧mȩcu̧ ȩpä̧tu̧cua̧cu̧ pä'ö, juhua'atä idicu juiyönä chutäcu eseunu cu̧ja̧cuä̧tu̧cua̧ pä'ö.