2 Timoteo 1:1 - TÄ̧DO Ä̧CUÄ̧ I̧HUȨNȨ

¹ Ttö Pablo, Diosrö pä̧huä̧ rö̧jo̧mȩnä̧ Jesucristo huȩ'ä̧hua̧sä̧ Cristo Jesúsru ttesetomenä, kä̧cuä̧huä̧ i'co iya päinö huȩnȩ jidähua pä'ö.

Nuevo Testamento Uwotjüja

¹ Ttü Pauru Jesucrito u̧mü̧wä̧ya̧, Dio-rü pä̧wä̧rü̧jo̧mȩnä̧, Jesucrito-nä̧tä̧ kka̧ku̧ kkä̧kuä̧wä̧ i'ko chi̧yä̧kua̧sä̧ pä'inü̧ ji̧nü̧ jidäwa pä'ü wȩ'ä̧wa̧mä̧,

2 Timoteo 1:1 ပူးပေါင်းရင်းမြစ်များ

San Juan 10:28

Jahuätörö kä̧cuä̧huä̧ i'co iyösä. Yoröiso 'corupä'i'ocotö ttäcuotö. Ja̧'hua̧ta̧nö̧ chu̧mö̧ttö̧, ka̧ra̧ yoröiso 'cho'ipocö jahuätörö.

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

San Juan 5:24

“Iso päi'önä pä'ösä ucuturu, ttö pädö ä̧ju̧cu̧'inä̧, ttörö hue'inörö esetö'inä, kä̧cuä̧huä̧ i'co ku̧nä̧rö̧. Ja̧u̧ru̧ tä̧bo̧cuä̧mä̧ 'cuäopoca'a jä̧cua̧. Ja̧u̧mä̧ 'corupä'i'ätö jä̧'i̧nö̧'a̧nö̧ ja̧'a̧nä̧, jitä 'corupä'i'ocö, kä̧cuä̧huä̧ i'co u̧ju̧nä̧ra̧'a̧ttö̧.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

San Juan 6:54

Ttötä chidepättö'inä cumä, chucuojattö'inä aumä, ja̧u̧tä̧ kä̧cuä̧huä i'co ku̧nä̧rö̧. Ja̧'hua̧ta̧nö̧ ja̧u̧ru̧ röji mo̧ro̧ päi'omenä tto̧dä̧dä̧cua̧sä̧.

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

Romanos 5:21

Ja̧'hua̧nö̧ ja̧'a̧ttö̧ suronä jȩtto̧mȩnä̧, hua'are juruhuina'a. Ja̧'hua̧ta̧nö̧ Dios ujuturu jȩo̧mȩnä̧ chutäcu ji̧nä̧ ji̧yȩtȩ huotö ta pä'ö, Dios ppädäcuähuä juruhuina'a. Ja̧'hua̧nö̧ ujuruhua'attö, kä̧cuä̧huä̧ i'co iyö, Tu̧ru̧hua̧ Jesucristorö tesetomenä.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

1 Corintios 1:1

Ttö Pablo, Diosrö pä̧huä̧ rö̧jo̧mȩnä̧ huoinäcusä, Jesucristo huȩ'ä̧hua̧ päi'önä chö̧ja̧ pä'ö. Ji̧nä̧ yo̧mȩtȩnä̧ chö̧jä̧hua̧ Sóstenescu huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Cristo Jesúsru tteseta'attö Dios i̧tti̧mö̧rö̧, Corinto ötahuiyänä ka̧cuä̧tö̧rö̧. Dios huoinä̧u̧jä̧ ucutu adihuä juäitä amöcuädö cu̧ja̧cuä̧tu̧cua̧ pä'ö, o'ca toi'önä pa̧ja̧cu̧nä̧ Ttu̧ru̧hua̧ Jesucristo i̧mi̧nä̧ ucuocu esetätöcu. Ja̧u̧mä̧ jitö'inä Ttu̧ru̧hua̧, ujutu'inä Tu̧ru̧hua̧ päi'önä kö̧.

2 Corintios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

2 Corintios 1:20

Chutä o'ca juiyönä Dios päömä jȩpö̧. Ja̧'hua̧nö̧ ja̧'a̧ttö̧ Diosrö eseunu tucuocuomenä, Cristo Jesús i̧mi̧nä̧ “Amén” pä'ätöjä.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Gálatas 3:28

Yoröiso yorätehuätöjä Cristo Jesúsru cuesetätucuomenä, judíos ttö̧ja̧'i̧nä̧, griegos ttö̧ja̧'i̧nä̧, ttu̧mö̧huä̧ya̧'i̧nä̧, ttu̧mö̧huä̧ya̧cö̧'i̧nä̧, ubo'inä, isaju'inä.

Efesios 3:6

Ja̧u̧ ttieru huȩnȩ pi̧yȩtä̧. Suronä jȩttö̧ jȩpö̧ icu huȩnȩ esetätötä yoräteunä ttȩmä̧cuo̧tö̧ Dios iyä̧cuȩ, judíos huotö'inä, judíos huocotö'inä. Jahuätömä ji̧nä̧ yotöte huotö ja̧'a̧ttö̧, Dios Cristo Jesúsnä iya päinö yoräteunä ttȩmä̧cuo̧tö̧.

1 Timoteo 6:19

Ja̧'hua̧nö̧ jȩtto̧mȩnä̧, yodoji adihuä juäi ttu̧ju̧nä̧ra̧ pä'ö jȩpä̧tö̧. Ja̧'hua̧ta̧nö̧ kä̧cuä̧huä̧ i'co'inä ttu̧ju̧nä̧rä̧cuo̧tö̧.

2 Timoteo 1:10

Ja̧'hua̧nö̧ ja̧'a̧nä̧ Tu̧ru̧hua̧ Jesucristo ichomenä, Dios ucuturu repeömä i̧jȩpi̧nö̧. Chutä Jesucristo hua'are ujuru be'epö icuinö. Ttö̧ja̧ suronä jȩttö̧ jȩpö̧ icu huȩnȩ i'cächö, kä̧cuä̧huä̧ i'co beipocömä i̧jȩpi̧nö̧.

2 Timoteo 1:13

Ucuru adiu huo̧juȩcuä̧ jidähuinömä, 'cuäopönä amöcuädö kä̧hui̧. Cristo Jesúsru adiu esetö, cuahuaruhuärö repe'ö kä̧hui̧.

2 Timoteo 1:9

Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

2 Timoteo 2:1

Ucu ttö chi̧tti̧, Cristo Jesús ppädomenä, juruhui.

2 Timoteo 2:10

Ja̧'hua̧nö̧ ja̧'a̧ttö̧ Dios ȩmi̧nä̧u̧ru̧ amöcuädö, o'ca juiyönä ubara ttu'usä. Ja̧'hua̧nö̧ ubara ttu'usä jahuätö'inä Cristo Jesúsru esetö adihuä kä̧cuä̧huä̧ huȩnȩ ttö̧ja̧ suronä jȩttö̧ jȩpö̧ icu huȩnȩ, ttu̧ju̧nä̧ra̧ pä'ö.

2 Timoteo 2:3

Ya̧tȩ su̧ro̧da̧u̧ i̧sa̧ jä̧'i̧nö̧'a̧nö̧, Jesucristocu cue'ächö ubara ttu'i.

2 Timoteo 3:15

Ucu ji̧nä̧ ji̧'qui̧cha̧huä̧ya̧ huo̧jui̧pi̧nö̧jä̧ adihuä Huȩyu̧cuä̧ Huȩnȩ. Ja̧u̧ Huȩyu̧cuä̧ Huȩnȩ ucuru huo̧juȩta̧'a̧. Ja̧'hua̧ta̧nö̧ ja̧u̧ Huȩyu̧cuä̧ Huȩnȩ cuesetomenä, Cristo Jesús suronä jȩcu̧'u̧ jȩpö̧ icu.

Tito 1:2

Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

1 Juan 2:25

Jesucristo ujuturu iya pä'inö kä̧cuä̧huä̧ i'co.