2 Tesalonicenses 2:16 - TÄ̧DO Ä̧CUÄ̧ I̧HUȨNȨ

¹⁶ Tu̧ru̧hua̧ Jesucristo'inä, Tä'o Dios'inä ujuturu repe'ö adiu eseäcuähuä'inä, adiu tta̧huä̧rä̧cuä̧huä̧'i̧nä̧ iyinö.

Nuevo Testamento Uwotjüja

¹⁶ Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

2 Tesalonicenses 2:16 ပူးပေါင်းရင်းမြစ်များ

San Lucas 16:25

Ja̧'hua̧nö̧ ja̧'a̧ Abraham ädätinödo: “Chi̧tti̧, amöcuädäcuähui. Ucu adiu 'cuäopinäcujä äcuomenä cu̧ji̧nä̧jä̧ra̧'a̧ttö̧mä̧. Lázaromä surojinäcu ja̧huä̧jä̧ttö̧mä̧. Jitä ja̧u̧ a̧'cua̧ ȩmö̧ pottö, ucu jitä ubara ttucuhua'anä.

San Juan 13:1

Pascua fiesta jȩttä̧cua̧'a̧ ä'canä mo̧ro̧ ji̧na̧'a̧do. Jesús pi̧jä̧ jaroi'a pä'ö, Jä'o ö̧ja̧'a̧ i̧'cho̧mȩ päi'a'a huo̧jui̧nö̧do. Chutä i̧tti̧mö̧rö̧, pi̧jä̧nä̧ ka̧cuä̧tö̧rö̧, 'cuäopönä repe'inödo. Iso päi'önä 'corupäi'ome jubö päi'önä repe'inödo jahuätörö.

San Juan 15:13

Ya̧tȩ a̧hua̧ru̧hua̧rö̧ repe'ö a̧hua̧ru̧hua̧ toei'ö juiya pä'ö 'corupäi'öttömä, korotö ttahuaruhuärö repettöttö'inä abonänö repe'ö a̧hua̧ru̧hua̧rö̧.

San Juan 15:9

Ttö Chä'o ttörö repeö'a̧nö̧, repe'ösä ucuturu. Ucuturu repeda'attö, ttöcu cue'ächätucui.

San Juan 16:22

Ja̧'hua̧ta̧nö̧ ja̧'a̧ ucuturu'inä. Jitä cua̧'cua̧ tta̧'ȩcuä̧tö̧jä̧. Ja̧'hua̧nö̧ ja̧'a̧nä̧ ucuturu pä'äji ta'anö to̧chä̧cua̧sä̧. Ja̧u̧nu̧mä̧ ttörö tocu'ätucuomenä, cuami iso'quitucunä suhuädi'önä cuesehuäcuotöjä. Ja̧u̧ eseäcuähuä pi̧jä̧ ttö̧ja̧ yoröiso jȩpö̧ icuocotö.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

San Juan 4:14

Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

Hechos 15:11

Ja̧'hua̧nö̧mä̧cö̧. Ujutu esetätöjä Tu̧ru̧hua̧ Jesús repea'attö, ujutu judíos ttö̧ja̧'i̧nä̧, jahuätö judíos huocotö'inä suronä jȩtö̧ jȩpö̧ icu, —pä'inödo Pedro.

Hechos 18:27

Ja̧'hua̧nö̧ ja̧'a̧ Apolosmä Acaya rȩjȩra̧'a̧ i̧'cha̧ pä'ö amöcuädinödo. Jesucristorö esetätömä ja̧u̧ru̧ ppä'ädinätödo. Ttö̧jä̧hua̧tö̧ Acaya rȩjȩnä̧ ka̧cuä̧tö̧rö̧ cuyäru isojä huȩyu̧tu̧ hue'inätödo, Apolos juhua'a i̧rȩbȩhuo̧mȩnä̧ tteseäcuähua pä'ö. Apolos Acaya rȩjȩra̧'a̧ i̧'chi̧'o̧mȩnä̧, rö̧ȩnä̧ ppä'ädinö Dios ppädäcuähuänä Jesucristorö esetätörö.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 4:16

Dios iya pä'ö amöcuädinömä, churutä esetäcuähuänätä iyö. Ja̧u̧ mippoönä iya pä'inö o'ca toi'önä Abraham i̧tti̧mö̧ isotörö, Moisés hueähuä huȩnȩ jȩpä̧tö̧rö̧'i̧nä̧, Abraham esetinö ta'anö esetätörö'inä. Ja̧'hua̧nö̧ ja̧'a̧ttö̧ ja̧u̧ Abraham ujutu tä'o ja̧'a̧, o'ca toi'önä esetätömä.

Romanos 4:4

Ya̧tȩ aditomenä, mippoönämä iyähuocö. Aditö micuätä i̧yä̧hua̧.

Romanos 5:8

Ja̧'hua̧nö̧ ja̧'a̧nä̧ ujutu suronä jȩpö̧ tö̧ja̧cuo̧mȩnä̧, Cristo ujutu suronä jȩtö̧ mitäu 'corupäi'ina'attö, Dios ujuturu repeömä i̧jȩpö̧.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

Efesios 5:25

Ja̧'hua̧ta̧nö̧ Cristo Diosrö esetätörö repe'ö 'corupäi'inö ta'anö, u̧mä̧tö̧'i̧nä̧ ttirecuarö repettäcua'a̧nö̧.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Colosenses 1:5

Ucutu amöcuädö tta̧'ä̧rä̧tö̧jä̧ adihuä juäi hua'adö ku̧nä̧huä̧ mo̧ro̧jä̧ra̧'a̧ttö̧ cuȩmä̧tu̧cuä̧cuȩ. Ucutumä ja̧'hua̧nö̧ tta̧'ä̧rä̧tö̧jä̧ iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, cuä̧ju̧cuä̧tu̧cuo̧mȩnä̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

1 Tesalonicenses 3:11

Ucuturu topö ticha pä'ö, chutä Tä'o Dios'inä, Tu̧ru̧hua̧ Jesucristo'inä ppättädatö pä'ätöjä.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

Tito 1:2

Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

Hebreos 7:19

Moisés hueähuä huȩnȩ yoröiso aditö icuoca'a ji̧na̧'a̧do ttö̧ja̧rö̧. Jitämä ja̧u̧ huȩnȩ jaropi'ö, koro adihuä juäi tta̧'ä̧rä̧tö̧jä̧. Ja̧u̧ juäi jareönä tta̧tä̧ro̧mȩnä̧, Diosrö tö'cöpächätöjä.

1 Juan 3:16

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Apocalipsis 22:5

Ju̧huȩnȩmä̧ yodomä juiyäcua'a. Ju̧huȩnȩ ka̧cuä̧tö̧mä̧, lámpara i̧tȩa̧u̧'i̧nä̧, mo̧ro̧ kä̧hua̧ i̧tȩa̧u̧'i̧nä̧ juiyönä adiu ttö̧ja̧cuä̧cuo̧tö̧. Tu̧ru̧hua̧ Dios i̧tȩa̧u̧ttu̧ ttö̧ja̧cuä̧cuo̧tö̧. 'Cuäopönä huettäcuotö jahuätömä.

Apocalipsis 3:9

Ja̧'hua̧nö̧ ja̧'a̧ttö̧, Satanás umöhuäyotömä, “judíos huotöjä” yapareu ji'ähuätömä, ucutä cuä'ca jo̧mȩttö̧ ttihue'quiyunä ttö̧jä̧mä̧da̧ pä'ö jȩchä̧cuo̧tö̧, ttuhuo̧jua̧ pä'ö ucuru repeda'a.