2 Tesalonicenses 2:10 - TÄ̧DO Ä̧CUÄ̧ I̧HUȨNȨ

¹⁰ O'ca juiyönä suronä jȩä̧cua̧, totte'äcuotömä ttesetarö pä'ö. Jahuätö totte'äcuotö, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ttesetoca'attö.

Nuevo Testamento Uwotjüja

¹⁰ Ja̧'wa̧ta̧nü̧ surojümä̧ o'kajuiyünä̧tä̧ jȩä̧kua̧ ro̧ȩkuä̧ra̧'a̧ tti̧'chä̧kuo̧tü̧rü̧ üyaparewa pä'ümä̧, Isopäi'ünä̧ juätümä̧ ra̧wäpi̧jü̧ttü̧ ttü̧ji̧pa̧ pä'ümä̧ isopäi'ünä̧ wȩnȩmä̧ ttesewoka'a ja̧'wa̧ta̧nü̧ tteseta pättoka'a ji̧na̧'a̧ttü̧.

2 Tesalonicenses 2:10 ပူးပေါင်းရင်းမြစ်များ

San Mateo 13:11

Jahuätörö ädätinödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ cu̧huo̧juä̧tu̧cua̧ pä'ö. Jahuätö ja̧u̧ huȩnȩ jerupätödo.

San Juan 3:17

Dios I̧tti̧rö̧ pi̧jä̧ra̧'a̧ hue'ocö pi̧nö̧do ö̧tä̧bo̧ta̧ pä'ö. Pi̧jä̧ ttö̧ja̧ suronä jȩttö̧ jȩpö̧ icua pä'ö hue'inödo.

San Juan 5:34

Ja̧'hua̧nö̧ ja̧'a̧nä̧ ya̧tȩ pi̧jä̧ ttö̧ja̧ i̧sa̧ ttörö adiu ucuocua pä'ö tta̧'ä̧ro̧cö̧sä̧. Pi̧yȩtä̧ pä'ösä ucuturu, cuesetätucua pä'ö.

Romanos 10:1

Chö̧jä̧hua̧tö̧, ttö pä̧huä̧ rö̧jä̧cu̧sä̧ Israel ttö̧ja̧ Jesucristorö tteseta pä'ö. Ja̧'hua̧ta̧nö̧ Diosrö ucuocusä jahuätö suronä jȩttö̧ jȩpö̧ icuatö pä'ö.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

Romanos 6:17

Diosrö eseusä ucuturu amöcuädö. Ä'coji surojö hueö jȩä̧cuä̧huä̧ isotö cu'inätucua'anä, jitä eseunu jȩpä̧tö̧jä̧ cuami iso'quitucunä huo̧juȩcuä̧ huȩnȩ cuȩmi̧nä̧tu̧cu̧mä̧.

1 Corintios 1:18

Cristo dau isodänä 'corupäi'inö huȩnȩ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧, ucuocuätö Diosrö esetocotömä. Pi̧yȩmä̧ ujutumä, Diosrö esetätömä, Dios ujuru huȩnȩ pä'ätöjä.

1 Corintios 16:22

Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!

2 Corintios 11:13

Jahuätö yapareu huȩnȩ jittähua pä'ö hue'ähuotö. Jahuätömä yapareu ji'äu, Cristo hue'ähuotörö a̧'cua̧rö̧nä̧ cue'ächätö.

2 Corintios 11:15

Ja̧'hua̧nö̧ ja̧'a̧ttö̧ chutä hue'ähuotö'inä korotö ttö̧ja̧ adiunä jȩpö̧ cuettächa'a jä̧'i̧nö̧'a̧nö̧ cue'ächätö. Iso päi'önä jahuätö suronä jȩtta̧'a̧ttö̧, bettipächäcuotö.

2 Corintios 2:15

Cristo Diosrö adihuä juäi iyömä amehua'a jä̧'i̧nö̧'a̧nö̧ huotöjä ujutumä, Diosrö esetätö ttö̧'quȩtȩnä̧'i̧nä̧, Diosrö esetocotö ttö̧'quȩtȩnä̧'i̧nä̧.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

2 Tesalonicenses 2:12

Jahuätömä iso päi'önä huȩnȩ ttesetoca'attö, surojötä kö'cätö. Ja̧'hua̧nö̧ ja̧'a̧ttö̧ Dios pä̧cua̧ jahuätörö: “Ucutumä suronä jȩpä̧tö̧jä̧.”

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

1 Timoteo 2:4

Chutä Dios pä̧huä̧ rö̧jä̧cu̧ o'ca toi'önä ttö̧ja̧ ttesetarö pä'ö. Ja̧'hua̧ta̧nö̧ pä̧huä̧ rö̧jä̧cu̧ iso päi'önä huȩnȩ ttu̧huo̧jua̧ pä'ö.

Hebreos 3:13

Pärocua'acu mo̧ro̧ji̧nö̧ a̧'u̧cuä̧ eseäcuäu ka̧cuä̧tu̧cui̧ korotörö ppä'ädö, jitä mo̧ro̧ ji̧nä̧ cu̧ja̧cuä̧tu̧cuä̧i̧tä̧, ucututtu ya̧tȩ suronä 'cuäopomenä, cuesetö juiya pä'ö. Ja̧'hua̧ta̧nö̧ cuami iso'quitucunä cuami 'quicuhuächi'ätucu juiya pä'ö ka̧cuä̧tu̧cui̧.

2 Pedro 2:12

Pitö u̧mä̧tö̧ de'a isotö ta'anö ä̧ju̧cuo̧co̧tö̧. Topötä ka̧cuä̧tö̧do. 'Chu'ädö cuä'ö tticuatö pä'ötä böo juo'ätö. Ttä̧ju̧cu̧ juiyönä ucuocuätö suräjuä huȩnȩ. De'a i̧sa̧ 'corupäi'ö'a̧nö̧ 'corupätti'äcuotö.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.