2 Tesalonicenses 1:9 - TÄ̧DO Ä̧CUÄ̧ I̧HUȨNȨ

⁹ Dios jahuätörö ö̧tä̧bo̧to̧mȩnä̧, yoröiso bettipächönä jȩä̧cuo̧tö̧. Jahuätömä Tu̧ru̧hua̧ ö̧jo̧mȩ'i̧nä̧, adihuä ujuru'inä yoröiso topocotö ttäcuotö.

Nuevo Testamento Uwotjüja

⁹ Pitürümä̧ ro̧ȩpä̧kua̧ si'epü i̧kuä̧kuä̧u̧ 'kuäopünä̧tä̧ totteächünä̧, pitümä̧ otó abo do'opü i̧kuä̧kuä̧u̧ Tu̧ru̧wa̧ ü̧jo̧mettü̧mä̧, uruwo kko̧mȩttü̧'i̧nä̧, ujuru kko̧mȩttü̧'i̧nä̧,

2 Tesalonicenses 1:9 ပူးပေါင်းရင်းမြစ်များ

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 22:13

Ja̧'hua̧ ja̧'a̧ ru̧hua̧ pä'inödo öäre mesa isodänä iyätörö: “Ja̧u̧ru̧ u̧mö̧nä̧'i̧nä̧, ö̧jä̧pö̧nä̧'i̧nä̧ nö'quipö'cotö u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.”

San Mateo 24:30

Ja̧'hua̧nö̧ päi'omenä, mo̧ro̧jä̧ra̧'a̧ttö̧ Ubo I̧tti̧ icha'a i̧jȩcua̧'a̧ tottäcuotö. Pi̧jä̧ pa̧ja̧cu̧nä̧ ttajuähuäcuotö. Ubo I̧tti̧, adihuä ujurunä dä'änö kä̧dȩpö̧nä̧, ajiya isoppanä icha'a tottäcuotö.

San Mateo 25:41

“Ja̧u̧nu̧ o'ca'a ja̧u̧ Ru̧hua̧ ieruhua'anä pȩjä̧tö̧rö̧ pä̧cua̧: “Ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧. Ucuturu suronä 'cuäopäcua'a. Ocurära̧'a̧, beipocarära̧'a̧ tätucui. Juhuarä beipocaränä ähuettäcu, umöhuäyotö ángelescu ttö̧ja̧cua̧ pä'ö aditinödo Dios.

San Mateo 25:46

Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

San Mateo 26:24

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

San Mateo 7:23

Ja̧'hua̧nö̧ pättomenä, chä̧dä̧tä̧cua̧sä̧: “Yoröiso jȩru̧pa̧sä̧ ucuturu. Ucutumä suronä jȩpä̧tö̧mä̧ ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧.”

San Lucas 13:27

Ja̧'hua̧nö̧ ja̧'a̧nä̧ ja̧u̧ ädätäcuotöjä: “Täcö pä̧dä̧jä̧u̧jä̧, jȩru̧pa̧sä̧ ucuturumä. Ucutumä o'ca toi'önä suronä jȩpä̧tö̧mä̧, ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧.”

San Juan 5:14

Ja̧u̧nu̧ o'ca'a, Jesús ja̧u̧ uborö Diosrö ucuocuäcuähuodenä topinödo. Ja̧u̧ru̧ pä'inödo: —Ä̧ju̧cui̧. Täcö na̧cu̧huä̧chä̧ji̧ttö̧ cu̧'i̧pä̧ji̧ o'ca'a, pä'äji ta'anö suronämä jȩcu̧'ä̧', pä'äji na̧cu̧huä̧chi̧nö̧ttö̧'i̧nä̧ abonänö rö̧ȩnä̧ na̧cu̧huä̧cha̧'a̧cu̧.

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

1 Tesalonicenses 5:3

Ttö̧ja̧ pättomenä: “Jitämä o'ca juiyönä adihua'a, ra̧huȩpi̧jo̧ca̧'a̧”, jahuätörö ra̧huȩpi̧jö̧ ichäcua'a, isaju muchajuru kumodu kieruhua'anä barahuächi'a'a jä̧'i̧nö̧'a̧nö̧. Ja̧u̧ ra̧huȩpi̧jö̧ttö̧ ki̧'o̧co̧tö̧ ttäcuotö.

2 Tesalonicenses 2:8

Ja̧u̧nu̧tä̧ i̧jȩcuä̧cua̧ ja̧u̧ ubo suronä jȩpö̧mä̧. Tu̧ru̧hua̧ Jesús öadihuäcu ichomenä, ami yuppanä ppö'ö a̧bo̧tö̧ i̧cuä̧cua̧ ja̧u̧ ubo suronä jȩpö̧rö̧.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

Hebreos 10:29

Ya̧tȩ, Dios I̧tti̧rö̧ suronä amöcuädö jȩpö̧'i̧nä̧, chutä ucuoja kö'cocö'inä, Espíritu Santo ja̧u̧ru̧ repe'örö, suronä ucuocu'inä, ¿tta̧'a̧nö̧ rö̧ȩnä̧ ro̧ȩcuä̧ ȩmä̧cua̧'a̧jä̧ttö̧? Ja̧u̧tä̧ ucuoja, jareö huȩnȩ iso päi'önä huȩnȩ ja̧'a̧. Ja̧'hua̧ta̧nö̧ ja̧u̧tä̧ ucuoja ja̧u̧ru̧ aditö icuoya.

2 Pedro 2:17

Pitö u̧mä̧tö̧mä̧ dubora ajiya jora jä̧'i̧nö̧'a̧nö̧ ka̧cuä̧tö̧. Ja̧'hua̧ta̧nö̧ kä̧ru̧'coppa ajiya isoppa 'cha̧'a̧ jä̧'i̧nö̧'a̧nö̧ ka̧cuä̧tö̧. Yo̧a̧'a̧ jacuä, yoröiso beipoca'a jacuä ttö̧ja̧cua̧ pä'ö hueinä̧u̧do Dios.

2 Pedro 3:7

Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.

Judas 1:13

Idäyä pä̧i̧cu̧nä̧ töepa'a jä̧'i̧nö̧'a̧nö̧ huotö. Idäyä itteyuppa räopö'a̧nö̧, jitötä suronä jȩttö̧mä̧ dä'ä juiyönä räopä̧u̧. Si̧ri̧'cö̧ ttu̧mä̧nä̧ttö̧ re'tehuächätö jä̧'i̧nö̧'a̧nö̧ huotö. 'Cuäopönä juiyo yo̧a̧'a̧ jacuä ttö̧ja̧cuä̧cuo̧tö̧.

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.

Apocalipsis 20:14

Ja̧u̧nu̧ o'ca'a, 'corupäi'äcuähuä'inä, 'corupätti'ome'inä ocurä rö̧arära̧'a̧ do'opö icuinä̧u̧. Ja̧u̧ ocurä rö̧arä todärenä 'corupäi'äcuähuä ja̧'a̧.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.