2 Tesalonicenses 1:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ucuocuätöjä ucutu Tu̧ru̧hua̧ Jesucristo i̧mi̧ cucuotätucua pä'ö. Ucutu ja̧'hua̧nö̧ cucuotätucuomenä, Dios'inä, Tu̧ru̧hua̧ Jesucristo'inä ucuturu ppättäda'attö, korotö ttucuotäcuotö ucuturu'inä.

Nuevo Testamento Uwotjüja

¹² Ja̧'wa̧nü̧ ja̧'a̧ttü̧, Tu̧ru̧wa̧ Jesú i̧mi̧mä̧ ukututtütä ukuomä̧ kkä̧kua̧'a̧, ja̧'wa̧ta̧nü̧ pärokua'aku ukutumä̧ kukuo kkä̧kua̧'a̧ chuttutä Dio-ttü ja̧'wa̧ta̧nü̧ Tu̧ru̧wa̧ Jesucrito rȩrü̧jü̧ toinü̧'a̧kuä̧.

2 Tesalonicenses 1:12 ပူးပေါင်းရင်းမြစ်များ

San Juan 17:10

O'ca toi'önä chu̧ju̧nä̧rä̧u̧mä̧, ucutä cui̧tti̧mö̧ huotödo. Ja̧'hua̧ta̧nö̧ o'ca toi'önä cu̧ju̧nä̧rä̧u̧mä̧, ttötä chi̧tti̧mö̧ huotödo. Ja̧'hua̧nö̧ ja̧'a̧ttö̧ ttesehua pä'ö eseunu jȩpä̧tö̧.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

1 Corintios 1:4

'Cuäopönä Diosrö eseunu ucuocusä ucuturu, Cristo Jesúsru cuesetätucua'attö, Dios ucuturu adiu ppädinö amöcuädö.

2 Corintios 13:4

Iso päi'önä ya̧tȩ jui̧yu̧pa̧rö̧ daunä pȩ'o̧pö̧ ttu̧ju̧na̧ji̧'a̧nö̧, daunä pȩ'o̧pö̧ ttu̧ju̧ni̧nä̧cu̧do. Ja̧'hua̧nö̧ ja̧'a̧nä̧ Dios ujurunä kö̧ jitämä. Ujutu'inä ijuiyuhuinö ta'anö juiyupätöjä. Ja̧'hua̧ta̧nö̧ ja̧u̧ru̧ esetö, Dios ujurunä ka̧cuä̧tö̧jä̧ ucuturu ppätäda pä'ö.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

Filipenses 3:9

Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.

2 Tesalonicenses 1:10

Ja̧'hua̧nö̧ 'cuäopäcua'a chutä i̧tti̧mö̧, churutä esetätömä, churutä ttucuotarö pä'ö ichö mo̧ro̧ päi'omenä. Ujutu tu̧huo̧juȩti̧nö̧mä̧ cuesetinätucua'attö, ucutu'inä ja̧u̧ru̧ cucuotäcuotöjä.

Tito 2:11

Iso päi'önä Dios o'ca toi'önärö ppä'ädinö suronä jȩttö̧ jȩpö̧ icua pä'ö.

1 Pedro 4:14

Ucutumä Cristorö cuesetätucua'attö, suronä ra̧huä̧rö̧ huottöttömä, eseunu cu̧ja̧cuä̧tu̧cua̧ja̧. Iso päi'önä adihuä i̧sa̧ Espíritu Santo ucutucu kö̧. Jahuätö suronä ucuocuätö ja̧u̧ru̧. Ucutumä ucuotönö ucuocuätöjä ja̧u̧ru̧.

Apocalipsis 1:4

Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.