2 Pedro 3:9 - TÄ̧DO Ä̧CUÄ̧ I̧HUȨNȨ

⁹ Korotö pättö'a̧nö̧mä̧ pä'ocödo Diosmä. Päinö ta'anö 'cuäopäcua'ado churutä pä̧huä̧ rö̧jo̧mȩnä̧. Ja̧u̧ ujuturu topö ami 'qui'ächi'ö. O'ca toi'önä pärocuäcutä ttamöcuäda pä'ödo, tottei'ö juiya pä'ö.

Nuevo Testamento Uwotjüja

⁹ Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

2 Pedro 3:9 ပူးပေါင်းရင်းမြစ်များ

Romanos 13:11

Ja̧'hua̧nö̧ jȩpä̧tu̧cui̧. Amöcuädätucui porächäcuähuometä ja̧'a̧ ttu'udittömä, Jesucristo ujuturu ȩmö̧ ichäcuome tö'cö juoächa'a, tesetinö pä̧nä̧ttö̧'i̧nä̧ abonänö.

Romanos 13:12

Täcö yodo beipächi'a'a. Mo̧ro̧ tö'cöhuächi'a'a pärocuä. Ja̧'hua̧nö̧ ja̧'a̧ttö̧ jaroti'ö'a̧nö̧ ja̧'a̧ yo̧ö̧ jȩä̧cuä̧huä̧mä̧. Ja̧'hua̧ ja̧'a̧ tȩa̧u̧nä̧ tö̧jö̧'a̧nö̧ ja̧'a̧, surojö tto̧ȩpä̧ra̧ pä'ö.

Romanos 2:4

Dios ucuru ppädömä, ¿ji̧'qui̧cha̧nö̧'i̧nä̧ kö'cocöjä tä̧ji̧? Ja̧'hua̧ta̧nö̧ Dios ucuru ami 'qui'ächi'ö tta̧huä̧rö̧mä̧, ¿amöcuädocöjä tä̧ji̧? Dios ucuru repe'ö ja̧'hua̧nö̧ jȩpö̧ ucuru pärocuäcu cuamöcuäda pä'ö.

Romanos 9:22

Ja̧'hua̧ta̧nö̧ jȩpi̧nö̧ Dios churutä pä̧huä̧ rö̧jo̧mȩnä̧. Ro̧ȩcuä̧'i̧nä̧ i̧jȩpa̧ pä'inö. Ujuru'inä i̧jȩpa̧ pä'inö. Ja̧'hua̧nö̧ ja̧'a̧ttö̧ ami 'qui'ächi'ö topinö jitö ro̧ȩcuä̧nä̧ jo̧mȩ huotörö'inä, be'epö icuähuänä jo̧mȩ huotörö'inä.

1 Timoteo 1:16

Ja̧'hua̧nö̧ ja̧'a̧nä̧'i̧nä̧ Dios re rö̧jö̧nä̧ topinö ttörö. Dios ttö suronä jȩchö̧ jȩpö̧ icuinö, o'ca toi'önä ttu̧huo̧jua̧ pä'ö Jesucristo ami 'qui'ächi'ö topö suronä jȩpä̧tö̧rö̧. Dios ttörö ja̧'hua̧nö̧ jȩpi̧nö̧, korotö'inä ttö ta'anö kä̧cuä̧huä̧ i'co ttu̧ju̧nä̧ra̧ pä'ö ttesetomenä.

1 Timoteo 2:4

Chutä Dios pä̧huä̧ rö̧jä̧cu̧ o'ca toi'önä ttö̧ja̧ ttesetarö pä'ö. Ja̧'hua̧ta̧nö̧ pä̧huä̧ rö̧jä̧cu̧ iso päi'önä huȩnȩ ttu̧huo̧jua̧ pä'ö.

Hebreos 10:37

Huȩyu̧cuä̧ Huȩnȩ, päa'a: Jurunänö, iso päi'önä jurunänö i̧chä̧cua̧mä̧ i̧chä̧cua̧. Recuo tta̧'ä̧ro̧cö̧.

1 Pedro 3:20

Täbocö Noé ö̧ji̧nö̧, jahuätö Diosrö jarode'inätödo. Noé huoi'ca adita'anä, Dios ami 'qui'ächi'önä tta̧'ä̧ri̧nö̧do. Aje suhuädomenä, ko̧ro̧mö̧ttö̧nö̧ huämetucuänö ttö̧ja̧ Noé aditinä'canä ka̧cui̧pi̧nä̧tö̧do.

2 Pedro 1:4

Ja̧u̧ ujurunä jȩpö̧ iyinö ujuturu iya päinö. Ja̧u̧ iya päinömä, rö̧ȩnä̧ micuäudo. Ja̧u̧ iya päinö esetö kä̧nö̧, Dioscu ka̧cua̧ja̧tö̧jä̧, pi̧jä̧nä̧ ka̧cu̧ suronä amöcuädäcuähuä juiyönä.

2 Pedro 3:15

Pi̧yȩmä̧ cunichi'ätucuä'. Tu̧ru̧hua̧ ujuturu ami 'qui'ächi'ö tomenä, ujutu suronä jȩtö̧ jȩpö̧ icua pä'ö tta̧'ä̧rö̧. Ja̧'hua̧ta̧nö̧ tö̧jä̧hua̧ Pablo, Dios huo̧juȩcuä̧nä̧ huȩyu̧ti̧nö̧do ucuturu.

Apocalipsis 2:21

Täcö recuo tta̧'ä̧ri̧nö̧sä̧ pärocuäcutä kamöcuäda pä'ö. Ja̧'hua̧nö̧ ja̧'a̧nä̧ pä'ocoju. Suronä kö̧jö̧mä̧ yoröiso jaropi'ocoju.