2 Pedro 3:10 - TÄ̧DO Ä̧CUÄ̧ I̧HUȨNȨ

¹⁰ Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.

Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

2 Pedro 3:10 ပူးပေါင်းရင်းမြစ်များ

San Mateo 24:35

Mo̧ro̧jä̧'i̧nä̧, pi̧jä̧'i̧nä̧ beipächäcua'a. Ttö chi̧huȩnȩmä̧ yoröiso beipocö.

San Marcos 13:31

Mo̧ro̧jä̧'i̧nä̧, pi̧jä̧'i̧nä̧ beipächäcua'a. Ttö chi̧huȩnȩmä̧ yoröiso beipocö.

San Lucas 12:39

Ja̧'hua̧ ja̧'a̧nä̧ pi̧yȩ huo̧juä̧tu̧cui̧, ya̧tȩ isode ru̧hua̧ nä̧u̧cuä̧rö̧ ichi'äcuome u̧huo̧ju̧ttu̧mä̧, to̧pä̧ra̧ji̧, nä̧u̧cuä̧rö̧ ojusodenä doächö juiya pä'ö.

Romanos 8:20

O'ca juiyönä pi̧jä̧nä̧ ka̧cua̧'a̧ pä'ö Dios jȩi̧nö̧mä̧ ä̧tȩcuä̧nä̧ surojuoecuoca'a ji̧na̧'a̧. Diosrö pä̧huä̧ rö̧jo̧mȩnä̧ surojuoecuina'a. Ja̧'hua̧nö̧ ja̧'a̧nä̧ Dios tta̧'ä̧rö̧ o'ca juiyönä jȩi̧nö̧ pparuhuächö juiya pä'ö, chutä i̧tti̧mö̧cu̧ eseunu kä̧cua̧'a̧ pä'ö.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

1 Corintios 5:5

Ja̧'hua̧nö̧ ppäsähuipö, ja̧u̧ru̧ iyätucuirö Satanásrö, chutä jä̧ttä̧pä̧ya̧ toei'äcua'a̧nö̧, a̧'cua̧ru̧hua̧ ö̧ji̧pa̧'a̧nä̧, Tu̧ru̧hua̧ Jesús ichomenä.

2 Corintios 1:14

Iso päi'önä täcö koromä huo̧juä̧tö̧jä̧. Tu̧ru̧hua̧ Jesucristo ichomenä, ujuturu eseunu tocu'ätucuäcua'a̧nö̧. Ja̧'hua̧ta̧nö̧ ujutu'inä eseunu totäcua'a̧nö̧ ucuturu.

1 Tesalonicenses 5:2

Ucutu täcö adiu huo̧juä̧tö̧jä̧, Tu̧ru̧hua̧ ichä̧cuȩ mo̧ro̧mä̧, nä̧u̧cuä̧rä̧cuä̧huä̧ i̧sa̧ yodo ichö'a̧nö̧, tta̧ttä̧ro̧cö̧ mo̧ro̧ i̧chä̧cua̧.

1 Tesalonicenses 5:4

Ja̧'hua̧nö̧ ja̧'a̧nä̧ tö̧jä̧hua̧tö̧, yo̧ö̧nä̧ ko̧co̧tö̧jä̧. Ja̧'hua̧nö̧ ja̧'a̧ ji̧yȩnö̧ mo̧ro̧ päi'omenä, ucuturu ichocö jä̧cuȩ nä̧u̧cuä̧rä̧cuä̧huä̧ i̧sa̧ ichö'a̧nö̧mä̧.

2 Pedro 3:11

Ja̧'hua̧nö̧ beipächä̧cuȩ amöcuädö, iso päi'önä ucutu eseunu cua̧'cua̧ pö̧nö̧ cu̧ja̧cuä̧tu̧cuä̧cua̧'a̧nö̧.

2 Pedro 3:12

Tta̧'ä̧rä̧tu̧cui̧ Dios i̧chä̧cuȩ mo̧ro̧. Ja̧'hua̧ta̧nö̧ “Jurunä ichaja” pä'ätucuirö. Ja̧u̧nu̧ mo̧ro̧jä̧'i̧nä̧, mo̧ro̧jä̧nä̧ ka̧cuä̧tö̧'i̧nä̧, kä̧hua̧tö̧'i̧nä̧, si̧ri̧'cö̧'i̧nä̧ ocuränä japächi'ö cuo'ö tticuäcuotödo.

2 Pedro 3:7

Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.

Judas 1:6

Yotöte ángeles ttu̧ru̧hua̧ hueinome ttö̧jo̧mȩ jaropi'inätödo. Ttamönä ttoduhuiyä jaropi'inätö. Dios jahuätörö yo̧mȩcu̧ cuo̧rä̧u̧sa̧nä̧ nö'cö ku̧ni̧nö̧, ji̧yȩnö̧ mo̧ro̧ ö̧tä̧bo̧to̧mȩ jubö päi'önä.

Apocalipsis 16:15

“Topätucui. Ttömä tta̧ttä̧ro̧ca̧'a̧nä̧, nä̧u̧cuä̧rö̧ i̧sa̧ ichö'a̧nö̧ ichösä. Chutä äoca'anä tta̧'ä̧rö̧mä̧, ö̧'ca̧tä̧huä̧ta̧ ku̧nä̧rö̧mä̧, eseunu ö̧jä̧cua̧, ö̧'ca̧tä̧huä̧ta̧ juiyönä korotö ttä'ca jo̧mȩttö̧ dä'äcu cueächoca'attö.”

Apocalipsis 20:11

Ja̧'hua̧ ja̧'a̧ttö̧ adihuä i̧dȩä̧cä̧ tȩä̧cä̧ topinösä. Ja̧'hua̧ta̧nö̧ ju̧huä̧cä̧nä̧ ya̧tȩ pi̧nö̧. Ju̧huȩnȩ dȩä̧cä̧nä̧ pö̧ ä'ca jo̧mȩttö̧ pi̧jä̧'i̧nä̧, mo̧ro̧jä̧'i̧nä̧ juiyönä toei'ina'a. Ttö̧jo̧mȩ yoröiso juiyina'a.

Apocalipsis 21:1

Ja̧u̧nu̧ o'ca'a, mo̧ro̧jä̧ jarea'a'inä, pi̧jä̧ jarea'a'inä topinösä. Mo̧ro̧jä̧ pä'äji jähuä'inä, pi̧jä̧ pä'äji jähuä'inä toei'inö o'ca'a, dubora rö̧ora'inä juiyina'a.

Apocalipsis 3:3

Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.

Apocalipsis 6:14

Mo̧ro̧jä̧'i̧nä̧, koro juäi cuyäru ttö̧to̧ra̧'a̧ jä̧'i̧nö̧'a̧nö̧, pä'i'o'ö toepina'a. O'ca juiyönä möä'quiyu'inä, kä'co o̧sa̧'i̧nä̧, kara'acu pporächi'ina'a.