2 Pedro 2:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧ta̧nö̧ Dios tä̧bo̧tö̧ be'epäjipö icu, ku icuinödo Sodoma ötahuiyä'inä, Gomorra ötahuiyä'inä. Ja̧u̧mä̧ o'ca'a, suronä jȩpö̧ ka̧cuä̧tö̧ topö ttu̧huo̧jua̧ pä'ö jȩpi̧nö̧do.

Nuevo Testamento Uwotjüja

⁶ Ja̧'wa̧ta̧nü̧ Dio-mä̧ Sodoma'i̧nä̧, Gomorra ütawiyä rü̧o̧mȩ'i̧nä̧ si'epü iku okuränä̧ ä̧ya̧ri̧tä̧ päi'ünä̧ ro̧'ȩpi̧nü̧, suropätürü 'kuäopä̧kuȩ i̧jȩkuä̧ päi'ünä̧tä̧.

2 Pedro 2:6 ပူးပေါင်းရင်းမြစ်များ

San Mateo 10:15

Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

San Mateo 11:23

Ucutu'inä, Capernaum ötahuiyä ttö̧ja̧, ¿mo̧ro̧jä̧ra̧'a̧ cätecuächäcua'a pä'ö amöcuädätöjä tä̧ji̧? Isocö̧. 'Corupä'i'ätö ttö̧ja̧cuo̧mȩcu̧ cui̧mȩyȩhuä̧cuo̧tö̧jä̧. Sodoma ötahuiyä ttö̧ja̧ ucutu ta'anö, rö̧ȩnä̧ ttö̧ja̧ ttieru juäi tottinöttömä, jitä mo̧ro̧ päi'önä ka̧cua̧ja̧tö̧.

Romanos 9:29

Ja̧'hua̧ta̧nö̧ ja̧u̧tä̧ Isaías ä'coji pä'inö: O'ca toi'önä Ttu̧ru̧hua̧ ujututtu isotöttö u̧ju̧ni̧'i̧nö̧ juiyinöttömä, ujutu'inä Sodoma ötahuiyä'inä, Gomorra ötahuiyä'inä ji̧nö̧'a̧nö̧ juo'ächinajatöjä.

1 Corintios 10:11

Täbocö ja̧u̧ juäi o'ca juiyönä 'cuäopina'ado ujutu tä̧do̧tö̧ mi̧nä̧rö̧. Ja̧'hua̧ta̧nö̧ Huȩyu̧cuä̧ Huȩnȩ huȩyu̧cua̧'a̧ ujuturu, jitä mo̧ro̧ röji mo̧ro̧ ka̧cuä̧tö̧rö̧, tä̧bo̧tö̧.

Hebreos 4:11

Dioscu 'cuä'ächi'ö dotächa pä'ö juruhuächi'ö taditätucuaja. Jahuätö jarodinätö jȩtti̧nö̧'a̧nö̧mä̧, jȩtö̧ juiyö'a̧nö̧ ja̧'a̧.

Judas 1:7

Jahuätö ángeles, suronä jȩpi̧nä̧tö̧rö̧ tä̧bo̧ti̧nö̧do Dios. Ja̧'hua̧ta̧nö̧ Sodoma ötahuiyä ttö̧ja̧rö̧'i̧nä̧, Gomorra ötahuiyä ttö̧ja̧rö̧'i̧nä̧, koro ötahuiyä tö'cönänö ka̧cu̧ ttö̧ja̧rö̧'i̧nä̧ tä̧bo̧ti̧nö̧do. Jahuätömä nä̧tö̧cu̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ta̧nö̧ u̧mä̧tö̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ ja̧'a̧ Dios jahuätörö ocuränä, beipocaränä tä̧bo̧cuä̧ päi'önä ku icuinö, huo̧juȩcuä̧ päi'önä ka̧'a̧ jitä ka̧cuä̧tö̧rö̧.