2 Pedro 2:4 - TÄ̧DO Ä̧CUÄ̧ I̧HUȨNȨ

⁴ Angelesrö, suronä jȩpi̧nä̧tö̧rö̧, suronä jȩtti̧nö̧ jȩpö̧ icuocö pi̧nö̧do Dios. Ocurära̧'a̧ do'opö icuinä̧u̧do. Yo̧a̧'a̧ jacuä ttö̧ja̧cua̧ pä'ö do'opö icu, cuoräusanä nö'cö icuinä̧u̧, yodoji Dios ttö̧ja̧rö̧ pojocuä mo̧ro̧ päi'ome jubö.

Nuevo Testamento Uwotjüja

⁴ Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

2 Pedro 2:4 ပူးပေါင်းရင်းမြစ်များ

San Mateo 25:41

“Ja̧u̧nu̧ o'ca'a ja̧u̧ Ru̧hua̧ ieruhua'anä pȩjä̧tö̧rö̧ pä̧cua̧: “Ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧. Ucuturu suronä 'cuäopäcua'a. Ocurära̧'a̧, beipocarära̧'a̧ tätucui. Juhuarä beipocaränä ähuettäcu, umöhuäyotö ángelescu ttö̧ja̧cua̧ pä'ö aditinödo Dios.

San Mateo 8:29

Jahuätö huopinätödo Jesúsru: —¿Tta̧'a̧nö̧ jȩcu̧'ä̧cua̧'a̧jä̧ttö̧ ujuturu, Jesús, Dios I̧tti̧? ¿Ujuturu jo̧mȩ päi'oca'anä ubara ttuta pä'ö jȩpö̧ ichäjijä tä̧ji̧?

San Marcos 5:7

Jesúsru huopönö pä'inödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús, Dios Ju'toju Ru̧hua̧ I̧tti̧? Dios i̧mi̧nä̧ pä'ösä ucuru. Suronämä ubara ttucuhue'ättö.

San Lucas 10:18

Jesús päinä̧u̧do: —A̧, ttö to̧pä̧rä̧ji̧sä̧ Satanás mo̧ro̧jä̧ra̧'a̧ttö̧ cu'upä urohua'a jä̧'i̧nö̧'a̧nö̧ ma̧'a̧.

San Lucas 8:31

Jahuätö espíritus suropätö jä'epinätödo Jesúsru reju juiyo rö̧ȩnä̧ täcuäjura̧'a̧ hue'ö juiyatö pä'ö.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Romanos 11:21

Dios judíos ttö̧ja̧ suronä jȩttö̧ unichi'oca'a ji̧na̧'a̧ttö̧mä̧ ¿ucu suronä jȩcu̧'u̧ u̧ni̧chi̧'ä̧cua̧ tä̧ji̧?

Romanos 8:32

Dios chutä amönä I̧tti̧ pi̧jä̧ra̧'a̧ icha pä'ö pä̧huä̧ rö̧ji̧nä̧cu̧. Ja̧'hua̧nö̧mä̧ jarodocö pi̧nö̧ Dios. Hue'inö 'corupäi'a pä'ö, ujutu suronä jȩtö̧ imitähua pä'ö. I̧tti̧rö̧ ja̧'hua̧nö̧ huea'anä'inä, ¿ja̧u̧cu̧ yo̧mȩtȩnä̧ o'ca juiyönä mippoönä iyocö tä̧ji̧ ujuturu?

2 Pedro 2:11

Angeles'inä, ja̧'hua̧nö̧ suronä huopätöttö'inä abonänö juruhuätödo. Ja̧'hua̧nö̧ ja̧'a̧nä̧ suronä huopätö huottö'a̧nö̧mä̧, suronä huopocotödo ángeles, mo̧ro̧jä̧ ruhuärö Tu̧ru̧hua̧ ä'ca jo̧mȩttö̧.

2 Pedro 2:5

Täbocö ka̧cui̧nä̧tö̧rö̧'i̧nä̧ suronä jȩtti̧nö̧ jȩpö̧ icuocö pi̧nö̧do Dios. Suropätö tottei'a pä'ö, aje suhuädönä hue'inödo. Noécu, adihuä juäi huȩnȩ ji'ähuinömä, korotö ko̧ro̧mö̧ttö̧nö̧ ta̧ju̧nu̧ ahuaruhuäcu ka̧cui̧pi̧nä̧tö̧do.

2 Pedro 2:9

Diosrö adiunä esetätörö, suronä 'cuäopa'anä, Tu̧ru̧hua̧ ppä'ädö jahuätörö. Ja̧'hua̧ta̧nö̧ suronä jȩpä̧tö̧rö̧ hua'adö ku̧nu̧ ö̧tä̧bo̧ta̧ pä'ö Dios ttö̧ja̧rö̧ pojocuä mo̧ro̧ päi'omenä.

1 Juan 3:8

Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.

Judas 1:13

Idäyä pä̧i̧cu̧nä̧ töepa'a jä̧'i̧nö̧'a̧nö̧ huotö. Idäyä itteyuppa räopö'a̧nö̧, jitötä suronä jȩttö̧mä̧ dä'ä juiyönä räopä̧u̧. Si̧ri̧'cö̧ ttu̧mä̧nä̧ttö̧ re'tehuächätö jä̧'i̧nö̧'a̧nö̧ huotö. 'Cuäopönä juiyo yo̧a̧'a̧ jacuä ttö̧ja̧cuä̧cuo̧tö̧.

Judas 1:6

Yotöte ángeles ttu̧ru̧hua̧ hueinome ttö̧jo̧mȩ jaropi'inätödo. Ttamönä ttoduhuiyä jaropi'inätö. Dios jahuätörö yo̧mȩcu̧ cuo̧rä̧u̧sa̧nä̧ nö'cö ku̧ni̧nö̧, ji̧yȩnö̧ mo̧ro̧ ö̧tä̧bo̧to̧mȩ jubö päi'önä.

Apocalipsis 20:10

Ja̧u̧tä̧ ähuettämä, jahuätörö yapareu ji'ähuinörö, ocurä rö̧arä azufrenä cuoarära̧'a̧, ja̧u̧ pä̧i̧cua̧ i̧sa̧rö̧'i̧nä̧, ka̧ra̧ yapareu ji'ähuinörö'inä do'opö tticuinarära̧'a̧, do'opö tticuinäcu. Juhua'a 'cuäopönätä, mo̧ro̧'i̧nä̧, yodo'inä ubara ttuttäcuotö.