2 Pedro 2:20 - TÄ̧DO Ä̧CUÄ̧ I̧HUȨNȨ

²⁰ Tu̧ru̧hua̧ Jesucristorö huo̧juä̧tö̧mä̧, suronä ttö̧ja̧cui̧nö̧ttö̧ rä'opächinätö. Ja̧'hua̧nö̧ ja̧'a̧ pä'äji ta'anö suronä jȩpö̧ ppa̧ttä̧chö̧ttö̧mä̧, äcuomenä ttö̧ja̧cui̧nö̧ttö̧'i̧nä̧ abonänö suronä ka̧cuä̧tö̧.

Nuevo Testamento Uwotjüja

²⁰ Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

2 Pedro 2:20 ပူးပေါင်းရင်းမြစ်များ

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

2 Timoteo 2:4

Ya̧tȩ su̧ro̧da̧u̧ i̧sa̧ u̧ru̧hua̧ esehuarö pä'ömä, pi̧jä̧ jähuä amöcuädocö.

Santiago 1:27

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.

2 Pedro 1:11

Ja̧'hua̧nö̧ cu̧ja̧cuä̧tu̧cu̧ttu̧mä̧, adiunä docuhuächäcuotöjä Tu̧ru̧hua̧ Jesucristo ö̧jo̧mȩ, yoröiso beipocome.

2 Pedro 1:2

Tä'o Diosrö'inä, Tu̧ru̧hua̧ Jesúsru'inä cu̧huo̧juä̧tu̧cua̧'a̧ttö̧, ucuturu rö̧ȩnä̧ ppättädäcua'a̧nö̧. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuturu.

2 Pedro 1:3

Dios ujurunä iyinö ujuturu o'ca juiyönä tö̧jö̧mä̧. Ja̧'hua̧ta̧nö̧ ujuturu huopinörö tu̧huo̧jua̧ pä'ö adihuä juäi iyinö ujuturu, adiu tucuocuarö pä'ö.

2 Pedro 1:4

Ja̧u̧ ujurunä jȩpö̧ iyinö ujuturu iya päinö. Ja̧u̧ iya päinömä, rö̧ȩnä̧ micuäudo. Ja̧u̧ iya päinö esetö kä̧nö̧, Dioscu ka̧cua̧ja̧tö̧jä̧, pi̧jä̧nä̧ ka̧cu̧ suronä amöcuädäcuähuä juiyönä.

2 Pedro 1:8

Ucutumä o'ca juiyönä ja̧'hua̧nö̧ jȩpö̧ cu̧ja̧cuä̧tu̧cu̧ttu̧mä̧, adiunätä ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧ Jesucristorö cu̧huo̧juä̧tu̧cua̧'a̧ttö̧, adiu ka̧cuä̧tö̧jä̧.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.