2 Pedro 2:17 - TÄ̧DO Ä̧CUÄ̧ I̧HUȨNȨ

¹⁷ Pitö u̧mä̧tö̧mä̧ dubora ajiya jora jä̧'i̧nö̧'a̧nö̧ ka̧cuä̧tö̧. Ja̧'hua̧ta̧nö̧ kä̧ru̧'coppa ajiya isoppa 'cha̧'a̧ jä̧'i̧nö̧'a̧nö̧ ka̧cuä̧tö̧. Yo̧a̧'a̧ jacuä, yoröiso beipoca'a jacuä ttö̧ja̧cua̧ pä'ö hueinä̧u̧do Dios.

Nuevo Testamento Uwotjüja

¹⁷ Juätü wo̧juȩkuä̧ isotümä̧ reju ajiya joäju jä̧'i̧nü̧'a̧nü̧'i̧nä̧, ajiya isoppa kkä̧rü̧'koppa ȩpa̧'a̧ jä̧'i̧nü̧'a̧nü̧'i̧nä̧ wotü; usurä ttȩmä̧wa̧ pä'ütä wotü 'kuäopünä̧tä̧ idikuttü'i̧nä̧ yabonä̧nü̧ yo̧o̧mȩ kkä̧nü̧tä̧.

2 Pedro 2:17 ပူးပေါင်းရင်းမြစ်များ

San Mateo 22:13

Ja̧'hua̧ ja̧'a̧ ru̧hua̧ pä'inödo öäre mesa isodänä iyätörö: “Ja̧u̧ru̧ u̧mö̧nä̧'i̧nä̧, ö̧jä̧pö̧nä̧'i̧nä̧ nö'quipö'cotö u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.”

San Mateo 25:30

Ja̧'hua̧ta̧nö̧ pi̧dȩmä chu̧mö̧huä̧ya̧ su̧ro̧pa̧rö̧, u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧”, —pä'inödo Jesús.

San Mateo 8:12

Ja̧'hua̧nö̧ ja̧'a̧nä̧ recuätömä judíos ttö̧ja̧ttö̧mä̧, Dios ö̧jo̧mȩcu̧ tti̧'chö̧'a̧nö̧ huotömä, yoröiso u̧mi̧cu̧ yo̧mȩcu̧ do'opö i̧cuä̧cuä̧u̧do. Juhua'attö, yo̧a̧'a̧ jacuättö, rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

Hebreos 12:18

Ucutumä, Israel ttö̧ja̧ ta'anö, tö'cöpächocotöjä juhuä'ca möä'ca, Sinaí pättä'ca, mȩcu̧huä̧tu̧cua̧ pä'ö. Ja̧'hua̧ta̧nö̧ ocurä'inä rö̧ȩnä̧ cuoä'ca, yo̧ö̧'i̧nä̧, rö̧ȩnä̧ yo̧ä'ca, cu'upä'inä rö̧ȩnä̧ ttörohuä'ca, tö'cöpächocotöjä.

2 Pedro 2:4

Angelesrö, suronä jȩpi̧nä̧tö̧rö̧, suronä jȩtti̧nö̧ jȩpö̧ icuocö pi̧nö̧do Dios. Ocurära̧'a̧ do'opö icuinä̧u̧do. Yo̧a̧'a̧ jacuä ttö̧ja̧cua̧ pä'ö do'opö icu, cuoräusanä nö'cö icuinä̧u̧, yodoji Dios ttö̧ja̧rö̧ pojocuä mo̧ro̧ päi'ome jubö.

Judas 1:6

Yotöte ángeles ttu̧ru̧hua̧ hueinome ttö̧jo̧mȩ jaropi'inätödo. Ttamönä ttoduhuiyä jaropi'inätö. Dios jahuätörö yo̧mȩcu̧ cuo̧rä̧u̧sa̧nä̧ nö'cö ku̧ni̧nö̧, ji̧yȩnö̧ mo̧ro̧ ö̧tä̧bo̧to̧mȩ jubö päi'önä.