2 Pedro 2:13 - TÄ̧DO Ä̧CUÄ̧ I̧HUȨNȨ

¹³ Korotörö ttutta pä'ö jȩtti̧nö̧'a̧nö̧, ubara ttuttäcuotö jahuätö'inä. Pi̧jä̧ jähuä amöcuädö kä̧cuä̧huä̧mä̧ adiunä ttö̧ja̧ji̧cö̧ pä'ö jȩpä̧tö̧. Ucutucu fiesta jȩtto̧mȩnä̧, korotö ttödäpecuächi'önä jȩpä̧tö̧, yapareu jȩpö̧ kä̧nö̧.

Nuevo Testamento Uwotjüja

¹³ kkorotürü usurä ttȩmä̧u̧nä̧ jȩtti̧nü̧ta'anü̧. Ya'ute mo̧ro̧mä̧ esewätüjä̧kü̧ pä'ü pä̧wä̧rü̧ja̧'a̧ku̧ jȩpä̧tü̧. Juätümä̧ pä'käri kko̧mȩnä̧ ukutuku tti̧'cho̧mȩnä̧mä̧ dä'ä ttukuätukunä̧tä̧ jȩpä̧'chä̧tü̧, isopäi'ünä̧ 'kua̧rü̧nä̧ ttidepä eseunä̧tä̧ eseäkuäu.

2 Pedro 2:13 ပူးပေါင်းရင်းမြစ်များ

Romanos 13:13

Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧.

Efesios 5:27

Ja̧'hua̧nö̧ jȩpi̧nö̧do yoröiso surojö juiyönä adiunätä i̧jȩcua̧ pä'ö chutä ä'ca jo̧mȩttö̧.

Filipenses 3:19

Jahuätömä yoröiso ttottei'äcuotö. Jahuätömä cuä̧nö̧ ttu̧cuä̧ba̧ jähuätä amöcuädätö. Jahuätö koro juäi dä'äcu jȩä̧cuä̧huä̧ juäi, yoröiso eseunu jȩpä̧tö̧. Pi̧jä̧ jähuätä amöcuädätö.

2 Timoteo 4:14

Alejandro, cuoräu 'quiyö juäi adicuä i̧sa̧, ttörö rö̧ȩnä̧ suronä jȩpi̧nö̧. Tu̧ru̧hua̧tä̧ i̧mi̧tä̧cua̧ ja̧u̧ ttörö jȩi̧nö̧mä̧.

Santiago 5:5

Pi̧jä̧nä̧ ka̧cuä̧tö̧jä̧ a̧'cua̧ cui̧'ö̧, amöcuädäcuähuä juiyönä. Ucutumä bärepächätöjä pä̧cä̧yö̧ jä̧'i̧nö̧'a̧nö̧. Täcö pä̧cä̧yö̧ bärepätö cuä'ö tticu mo̧ro̧ päi'a'a jä̧'i̧nö̧'a̧nö̧ ja̧'a̧ ucuturu.

1 Pedro 4:4

Jitämä ucutu ja̧'hua̧nö̧ suronä jȩpä̧tö̧cu̧ cuecuhuächätucuoca'attö, jerupätödo cuesetätucu. Ja̧'hua̧nö̧ ja̧'a̧ttö̧ ucuturu suronä ucuocuätö.

2 Pedro 2:15

Mä̧nä̧, adihuä mä̧nä̧ttö̧ re'tehuächö cue'ächätö. Beor i̧tti̧ Balaam i̧'chi̧nö̧ ta'anö 'chä̧tö̧. Ja̧u̧ Balaam, suronä jȩpö̧ kä̧nö̧, pärätä ȩma̧ pä'inödo.

Apocalipsis 18:6

Jahuäju korotörö kiyinö'a̧nö̧, iyätucuiju. Jahuäju jȩji̧nö̧ttö̧'i̧nä̧ abonänö jȩpä̧tu̧cui̧ju̧. Korotörö ttahua kiyinöttö'inä abonänö a̧'tö̧nä̧ iyätucuiju.