2 Pedro 1:8 - TÄ̧DO Ä̧CUÄ̧ I̧HUȨNȨ

⁸ Ucutumä o'ca juiyönä ja̧'hua̧nö̧ jȩpö̧ cu̧ja̧cuä̧tu̧cu̧ttu̧mä̧, adiunätä ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧ Jesucristorö cu̧huo̧juä̧tu̧cua̧'a̧ttö̧, adiu ka̧cuä̧tö̧jä̧.

Nuevo Testamento Uwotjüja

⁸ Isopäi'ünä̧ pi̧yȩ ukutunä̧ kko̧mȩnä̧mä̧ büó juo'ätüjä̧, kua̧'kua̧ru̧tu̧ku̧nä̧'i̧nä̧ mikuäwokü jü̧nä̧mä̧ jo̧ka̧'a̧ jä̧kua̧'a̧, tu̧ru̧wa̧ Jesucrito-rü'i̧nä̧ tteruwäku jü̧nä̧mä̧ jo̧kü̧ jä̧kua̧.

2 Pedro 1:8 ပူးပေါင်းရင်းမြစ်များ

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Mateo 20:3

Ja̧u̧nu̧ o'ca'a, kä̧hua̧ dauhuiyä huämenä ö̧ja̧'a̧, ötahuiyära̧'a̧ 'chä̧nö̧, korotö adicuä ttö̧ja̧rö̧ plazanä ja̧'a̧tä̧ ttö̧'a̧'a̧ topinödo.

San Mateo 20:6

Ni̧pä̧ro̧mȩ'i̧nä̧ kä̧hua̧ dauhuiyä huämenänö ö̧ja̧'a̧ ötahuiyära̧'a̧ cue'ächinödo. Korotörö aditocotörö topö pä'inödo: “Jitä mo̧ro̧ ¿tta̧'a̧nö̧ pä'ö ja̧'a̧tä̧ cu̧'u̧jä̧tu̧cuä̧ttö̧, cuaditätucuoca'amä?”

San Mateo 25:26

Ru̧hua̧mä̧ ja̧u̧ru̧ pä'inödo: “Chu̧mö̧huä̧ya̧, ucumä su̧ro̧pa̧jä̧. Ucumä ö̧tä̧hua̧jä̧. Täcö huo̧jui̧nö̧jä̧ ttö chötocö ji̧nö̧ chö̧ca̧ca̧ta̧'a̧ pä'ö. Ja̧'hua̧ta̧nö̧ chu̧ju̧no̧cö̧ ji̧nö̧ chȩma̧'a̧ pä'ö huo̧ji̧nö̧jä̧.

San Juan 15:2

Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

San Juan 5:42

Ucuturu huo̧jua̧sä̧. Ucutu Diosrö repecuhuätucuoca'a huo̧jua̧sä̧.

Romanos 12:11

Adiu aditätucui, ötäcuähuä juiyönä. Cu̧ru̧hua̧tu̧cu̧ Cristo hueömä, cuami iso'quitucunä eseunu aditätucui.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

2 Corintios 13:5

Ucutu cuamönätucunä ka̧cuä̧mö̧ amöcuädäcuähuätucui, Diosrö esetö adiu cuami 'qui'ächi'önä cu̧ja̧cuä̧tu̧cua̧ pä'ö topö. Ja̧'hua̧nö̧ amöcuädö, ¿Jesucristo ucutucu ö̧ja̧'a̧ huo̧juo̧co̧tö̧jä̧ tä̧ji̧? Ja̧'hua̧nö̧ cu̧huo̧juä̧tu̧cu̧ juiyöttömä, ¿amönä yapareunätä esetinätöjä tä̧ji̧?

2 Corintios 8:2

Jahuätörö rö̧ȩnä̧ surojö 'cuäopomenä, iso päi'önä adiu esehuätö. Ja̧'hua̧ta̧nö̧ usurä isotö ja̧'a̧nä̧, järe ruhuotö ttiyö'a̧nö̧ iyinätödo.

2 Corintios 8:7

Iso päi'önä, ucutu adiu jȩpä̧tö̧jä̧ o'ca juiyönä. Esetäcuähuänä'inä, korotörö huo̧juȩcuä̧nä̧'i̧nä̧, i̧huȩnȩ huo̧juä̧huä̧nä̧'i̧nä̧ adiu jȩpä̧tö̧jä̧. Ja̧'hua̧ta̧nö̧ ujuturu ppä'ädö repe'ätöjä. Ja̧'hua̧nö̧ ja̧'a̧nä̧ ja̧'hua̧nö̧ tö̧jä̧hua̧tö̧rö̧ iyähuänä, adiu cuiyätucuaja.

2 Corintios 9:14

Ja̧'hua̧ta̧nö̧ Diosrö ttucuocuäcuotö ucuturu repe'ö, Dios ucuturu rö̧ȩnä̧ adihuä juäi iyinö pä'ö amöcuädö.

Filipenses 1:9

Diosrö ucuocusä ucuturu juhua'a yabo rö̧ȩnä̧ repecuhuätucuäcua'a̧nö̧ korotörö. Ja̧'hua̧ta̧nö̧ rö̧ȩnä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ o'ca juiyönä.

Filipenses 2:5

Cristo Jesús amöcuädinö ta'anö, amöcuädätucui ucutu'inä.

Filipenses 3:8

Ja̧'hua̧ta̧nö̧ koro'inä ttörö ppädö chesetinömä, yoröiso micuähuocö jä̧'i̧nö̧'a̧nö̧ jä̧cu̧sä̧. Koro, Chu̧ru̧hua̧ Jesucristorö huo̧jui̧cuä̧, iso päi'önä ttörö ppädötä amöcuädösä. Ja̧u̧ru̧ repe'ö, o'ca juiyönä pä'äji chesetinö, koro juäi icuicuä tticuipö'a̧nö̧ icuipinösä, Cristorö rö̧ȩnä̧ cheseta pä'ö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Colosenses 2:7

Dau po'tiyä 'quiyönä 'chuhuädö'a̧nö̧, cua̧'cua̧rö̧nä̧ rö̧ä̧chö̧nä̧ esetätucui ja̧u̧ru̧. Ucuturu ttu̧huo̧juȩti̧nö̧ ta'anö, ji̧yȩä̧cuȩtä̧ amöcuädätucui. Diosrö 'cuäopönä eseäcuähuätucui.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

1 Timoteo 5:13

Ja̧'hua̧nö̧ jȩpö̧ korode korodenö cuettächomenä, ji̧nä̧ isocu ttötähuächäcuotö. Ja̧'hua̧nö̧ ötähuächö kä̧nö̧, amönä yapareu huȩnȩtä̧ ttucuocuäcuotö, ttucuocu juiyö'a̧nö̧ jö̧ juäi.

Tito 3:14

Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

Filemón 1:6

Ttö Diosrö jä'epösä, ucuru ä̧ju̧cu̧ esetinätömä, o'ca juiyönä Cristo Jesúsru esetö ppädäcuähuä tu̧ju̧nä̧rö̧mä̧, adiu ttu̧huo̧jui̧'a̧ pä'ö.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

2 Pedro 1:2

Tä'o Diosrö'inä, Tu̧ru̧hua̧ Jesúsru'inä cu̧huo̧juä̧tu̧cua̧'a̧ttö̧, ucuturu rö̧ȩnä̧ ppättädäcua'a̧nö̧. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuturu.

2 Pedro 1:3

Dios ujurunä iyinö ujuturu o'ca juiyönä tö̧jö̧mä̧. Ja̧'hua̧ta̧nö̧ ujuturu huopinörö tu̧huo̧jua̧ pä'ö adihuä juäi iyinö ujuturu, adiu tucuocuarö pä'ö.

2 Pedro 2:20

Tu̧ru̧hua̧ Jesucristorö huo̧juä̧tö̧mä̧, suronä ttö̧ja̧cui̧nö̧ttö̧ rä'opächinätö. Ja̧'hua̧nö̧ ja̧'a̧ pä'äji ta'anö suronä jȩpö̧ ppa̧ttä̧chö̧ttö̧mä̧, äcuomenä ttö̧ja̧cui̧nö̧ttö̧'i̧nä̧ abonänö suronä ka̧cuä̧tö̧.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.