2 Pedro 1:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ ucutu cu̧huo̧juä̧tu̧cua̧'a̧nä̧, ucuturu amöcuädö, ppa̧'ä̧dö̧ ji̧dä̧huä̧cua̧sä̧ pi̧yȩ huȩnȩ. Iso päi'önä cuesetätucuomenä, cuami 'qui'ächi'ätöjä.

Nuevo Testamento Uwotjüja

¹² Ja̧'wa̧nü̧ ja̧'a̧ttü̧ pi̧yȩ o'kajuiyünä̧ 'kuäopünä̧tä̧ u̧ni̧chi'okü chä̧kua̧sä̧, ku̧wo̧juä̧tu̧kua̧'a̧nä̧'i̧nä̧ isopäi'ünä̧ wȩnȩ chu̧wo̧juȩti̧nü̧nä̧ 'kiyünä̧ kka̧kuä̧tu̧kui̧.

2 Pedro 1:12 ပူးပေါင်းရင်းမြစ်များ

Hechos 16:5

Ja̧'hua̧nö̧ ja̧'a̧ iglesia ruhuämä juhua'a yabonö rö̧ä̧chö̧nä̧ esetinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo.

Filipenses 3:1

Jitämä chö̧jä̧hua̧tö̧, esehuätucui Tu̧ru̧hua̧nä̧. Pä'äji chi̧huȩyu̧ti̧nö̧ ucuturu, jitä'inä pä'äji ta'anö chi̧huȩyu̧ta̧ pä'ö 'cuä'ächi'ocösä. Iso päi'önä adiu päa'a ucuturu.

Colosenses 1:5

Ucutu amöcuädö tta̧'ä̧rä̧tö̧jä̧ adihuä juäi hua'adö ku̧nä̧huä̧ mo̧ro̧jä̧ra̧'a̧ttö̧ cuȩmä̧tu̧cuä̧cuȩ. Ucutumä ja̧'hua̧nö̧ tta̧'ä̧rä̧tö̧jä̧ iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, cuä̧ju̧cuä̧tu̧cuo̧mȩnä̧.

Colosenses 2:7

Dau po'tiyä 'quiyönä 'chuhuädö'a̧nö̧, cua̧'cua̧rö̧nä̧ rö̧ä̧chö̧nä̧ esetätucui ja̧u̧ru̧. Ucuturu ttu̧huo̧juȩti̧nö̧ ta'anö, ji̧yȩä̧cuȩtä̧ amöcuädätucui. Diosrö 'cuäopönä eseäcuähuätucui.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.

2 Timoteo 1:6

Ttö hue'ösä ucuru, chu̧mö̧ mȩ'ö̧ huedina'amä ocurä tti̧rȩdȩta̧'a̧ jä̧'i̧nö̧'a̧nö̧, rȩdȩti̧ cuami iso'quinä Dios ucuru iyinö.

Hebreos 10:32

Ja̧'hua̧nö̧ ja̧'a̧nä̧ pä'äji tȩa̧u̧ jareönä cuesetätucuomenä, rö̧ȩnä̧ rohuäu kä̧nö̧, cuami 'qui'ächö ubara ttucuhuinätucumä amöcuädätucui.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

2 Pedro 1:13

Chö̧jä̧i̧tä̧, ucuturu jidähuomenä pi̧yȩ huȩnȩ, adihua'ado ttörö cunichi'ätucu juiya pä'ö.

2 Pedro 1:15

Ttö hua'ö chicu o'ca'a'inä, pi̧yȩ huȩnȩ cuamöcuädätucua pä'ö, ppa̧'ä̧dö̧ ji'äusä ucuturu.

2 Pedro 3:1

Adihuä chö̧jä̧hua̧tö̧, pi̧yȩ cuyärunä todärenä päi'önä huȩyu̧tu̧ hue'ösä. Ucuturu ji'äu huȩyu̧tu̧sä̧, adiunä cuamöcuädätucua pä'ö.

2 Pedro 3:17

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, täcö cu̧huo̧juä̧tu̧cua̧'a̧ttö̧, ttu̧ȩcuä̧nä̧ ka̧cuä̧tu̧cui̧. Korotö suronä jȩpä̧tö̧ yapareu jittäu cuesetö juiyätucuaja jahuätörö, cuami 'qui'ächi'ö kä̧nö̧, suronä jȩpö̧ ma̧cu̧huä̧chä̧tu̧cu̧ juiya pä'ö.

1 Juan 2:21

Ucuturu huȩyu̧tu̧sä̧ iso päi'önä huȩnȩ cu̧huo̧juä̧tu̧cua̧'a̧ttö̧. Cuieruhuätucumä huȩyu̧to̧cö̧sä̧. Ja̧'hua̧ta̧nö̧ ucutu huo̧juä̧tö̧jä̧ yapareu huȩnȩ iso päi'önä huȩnȩttö̧ ichoca'a.

2 Juan 1:2

Iso päi'önä huȩnȩ o'ca toi'önä tami iso'quinä kö̧. Ja̧u̧ 'cuäopönä kä̧cua̧'a̧ ujutucutä. Ja̧u̧ iso päi'önä huȩnȩ chu̧ju̧nä̧ra̧'a̧ttö̧, ucuturu repe'ösä.

Judas 1:17

Chö̧jä̧hua̧tö̧, Tu̧ru̧hua̧ Jesucristo hue'ähuotö ä'canä ka̧cui̧nä̧tö̧mä̧ jittähuinö amöcuädätucui.

Judas 1:3

Chö̧jä̧hua̧tö̧, ucuturu chi̧huȩyu̧ta̧ pä̧huä̧ rö̧ji̧nä̧cu̧sä̧ Dios ujutu suronä jȩti̧nö̧ jȩpö̧ icuinö huȩnȩ ttö'inä chu̧ju̧nä̧rö̧, ucutu'inä cu̧ju̧nä̧rä̧tu̧cu̧. Ja̧'hua̧nö̧ ja̧'a̧nä̧ jitä chi̧huȩyu̧ta̧ pä̧huä̧ rö̧jä̧cu̧sä̧ Dios i̧huȩnȩ, cuesetinätucu huȩnȩ, adiu ji'äu huo̧juȩtö̧ cujuruhuätucu'a̧nö̧ ja̧'a̧. Pi̧yȩ esetäcuähuä huȩnȩ o'ca juiyönä Dios ji'äu ku̧ni̧pi̧nö̧ i̧tti̧mö̧rö̧.

Judas 1:5

Ucutu täcö cu̧huo̧juä̧tu̧cu̧mä̧, cuamöcuädätucua pä'ösä. Tu̧ru̧hua̧ Israel ttö̧ja̧rö̧ Egipto rȩjȩttö̧ rä'epö icuinö. Ja̧u̧nu̧ o'ca'a, jahuätöttö churutä esetocotörö be'epäjipö icuinö.