2 Pedro 1:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ttö̧ chö̧jä̧hua̧tö̧, iso päi'önä Dios ȩmi̧nä̧u̧jä̧ cu̧huo̧juä̧tu̧cua̧ pä'ö, adiunä jȩpö̧ kä̧nö̧, cuesetätucuaja. Pi̧yȩ huȩnȩ jȩcu̧'ä̧tu̧cu̧ttu̧mä̧, yoröiso suronä jȩpö̧ ma̧'ä̧cho̧co̧tö̧jä̧.

Nuevo Testamento Uwotjüja

¹⁰ Ja̧'wa̧nü̧ ja̧'a̧ttü̧, chi̧jä̧wa̧tü̧, täkü Dio-mä̧ wopü pojopü ȩmi̧nä̧u̧jä̧ aditü 'kiyünä̧ kka̧kuä̧tu̧kui̧, ja̧'wa̧nü̧ jȩ'kuä̧tu̧ku̧ttü̧mä̧ yoriso ma̧'ä̧cho̧ko̧tü̧ kuäkuotüjä̧.

2 Pedro 1:10 ပူးပေါင်းရင်းမြစ်များ

San Mateo 22:14

Iso päi'önä Dios recuätörö huomenä, a̧'u̧cu̧nä̧tä̧ esetätödo, —pä'inödo Jesús.

Romanos 11:29

Dios iyömä ppa̧'ä̧dö̧mä̧ icuocö. Ja̧'hua̧ta̧nö̧ huoä̧u̧ru̧ rä'epö icu'inä, rä'epö icuocö.

2 Timoteo 2:19

Ja̧'hua̧nö̧ ja̧'a̧nä̧ Diosrö teseta pä'ö äcuomenä aditinömä, 'quiyö ka̧'a̧. Dios aditinömä pa̧'a̧nö̧ päa'a: “Tu̧ru̧hua̧ chutä umöhuäyotörö huo̧jua̧.” Ja̧'hua̧ta̧nö̧ päa'a: “O'ca toi'önä Cristo i̧mi̧nä̧ ucuocuätömä, surojöttö 'quȩtti̧pä̧chö̧'a̧nö̧ ja̧'a̧.”

Hebreos 6:11

Ujutumä pä'ätöjä ucutu ka̧ra̧'i̧nä̧, ka̧ra̧'i̧nä̧ röji mo̧ro̧ päi'ome jubö päi'önä ja̧'hua̧nö̧ eseunu cu̧ja̧cuä̧tu̧cua̧ pä'ö, o'ca juiyönä tta̧cu̧huä̧rä̧tu̧cu̧mä̧ cuȩmä̧tu̧cuä̧cua̧'a̧nö̧.

Hebreos 6:19

Huoi'ca ti̧ä̧dä̧cuä̧huä̧'quȩ 'quiyönä 'chu̧huä̧ra̧'a̧ jä̧'i̧nö̧'a̧nö̧, ja̧u̧ iya päinö tta̧tä̧ro̧mȩnä̧ tami iso'quinä 'quiyönä tta̧huä̧rö̧. Ujuturu tta̧huä̧rä̧cuä̧huä̧ Dios adihuä ö̧jo̧mȩttö̧ i̧sä̧ta̧ abonä isäcä todehua'a jä̧'i̧nö̧'a̧nö̧ ja̧'a̧.

Santiago 2:10

Ya̧tȩ hueähuä huȩnȩ o'ca juiyönä päö ta'anö jȩpö̧mä̧, ja̧u̧mä̧ ji̧'qui̧cha̧nö̧ i̧mi̧cu̧nä̧ amöcuädöttömä, o'ca juiyönä hueähuä huȩnȩ päö ta'anö jȩpo̧cö̧.

1 Pedro 1:2

Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.

1 Pedro 1:5

Ucutu Diosrö cuesetätucuomenä, chutä ujurunä tta̧'ä̧rö̧ ucuturu. Cuȩmä̧tu̧cuä̧cuȩmä̧, suronä jȩcu̧'ä̧tu̧cu̧ jȩpö̧ icuähuämä, jo̧mȩ päi'önä aditö icu iya pä'ö ucuturu röji mo̧ro̧ päi'omenä.

2 Pedro 1:3

Dios ujurunä iyinö ujuturu o'ca juiyönä tö̧jö̧mä̧. Ja̧'hua̧ta̧nö̧ ujuturu huopinörö tu̧huo̧jua̧ pä'ö adihuä juäi iyinö ujuturu, adiu tucuocuarö pä'ö.

2 Pedro 1:5

Ja̧'hua̧nö̧ ja̧'a̧ttö̧ cuesetätucuomenä, adiu jȩpö̧ cu̧ja̧cuä̧tu̧cua̧ja̧. Adiu jȩpö̧ kä̧nö̧, adiu cuä̧ju̧cuä̧tu̧cua̧ja̧, Diosrö rö̧ȩnä̧ cu̧huo̧juä̧tu̧cuä̧cua̧'a̧nö̧.

2 Pedro 3:14

Ja̧'hua̧nö̧ ja̧'a̧ttö̧ chö̧jä̧hua̧tö̧, pi̧yȩ 'cuäopa pä'ö tta̧cu̧huä̧rä̧tu̧cuo̧mȩnä̧, o'ca juiyönä jȩpä̧tu̧cui̧ adiunätä Dios ä'ca jo̧mȩttö̧, cuahuaruhuärö eseunu kä̧nö̧, idicu juiyönä.

2 Pedro 3:17

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, täcö cu̧huo̧juä̧tu̧cua̧'a̧ttö̧, ttu̧ȩcuä̧nä̧ ka̧cuä̧tu̧cui̧. Korotö suronä jȩpä̧tö̧ yapareu jittäu cuesetö juiyätucuaja jahuätörö, cuami 'qui'ächi'ö kä̧nö̧, suronä jȩpö̧ ma̧cu̧huä̧chä̧tu̧cu̧ juiya pä'ö.

Judas 1:24

“Dios, ucu adihuä i̧sa̧jä̧” pätätucuarö. Ja̧u̧tä̧ pi̧jä̧ juiyäi'inä, jitä'inä, yodoji'inä 'cuäopönä ru̧hua̧ päi'önä kö̧do. Tu̧ru̧hua̧ Jesucristorö hueina'attö tesetomenä, ujutu suronä jȩtö̧ jȩpö̧ icuinödo. Ja̧u̧mä̧ ucuturu ppä'ädö adiu cu̧ja̧cuä̧tu̧cua̧ pä'ö, chutä adihuome ö̧jo̧mȩcu̧ ȩpä̧tu̧cua̧cu̧ pä'ö, juhua'atä idicu juiyönä chutäcu eseunu cu̧ja̧cuä̧tu̧cua̧ pä'ö.

Apocalipsis 22:14

Ttö̧'ca̧tä̧huä̧ta̧ töcätömä, dau kä̧cuä̧huä̧ i'co dauttu ttȩma̧ pä'ö, eseunu ttö̧ja̧cuä̧cuo̧tö̧. Ja̧'hua̧nö̧ jȩpö̧ ötahuiyä äpatiyänä dottächäcuotö.