2 Corintios 9:10 - TÄ̧DO Ä̧CUÄ̧ I̧HUȨNȨ

¹⁰ Diosmä ku̧nä̧huä̧ ru̧hua̧rö̧ jacuä jähuä u̧ju̧na̧ pä'ö iyö. Ja̧'hua̧ta̧nö̧ cuäcuähuä iyö, ucua pä'ö. Ucuturu'inä i̧yä̧cua̧ adihuä juäi cu̧ju̧nä̧tu̧cua̧ pä'ö. Ja̧u̧nu̧ o'ca'a, cu̧ju̧nä̧tu̧cu̧ o'ca'a, rö̧ȩnä̧ adihuä juäi cuȩmä̧tu̧cua̧ pä'ö i̧yä̧cua̧.

Nuevo Testamento Uwotjüja

¹⁰ Ya̧tȩ, kku̧nä̧wä̧ i̧sa̧rü̧, u̧wä̧ju̧ iyümä̧, ukua pä'ü u̧kuȩ iyü; ja̧'wa̧ta̧nü̧ jȩpü̧ kuäwä yoepä̧kua̧ ukutu adiwomȩnä̧ jȩ'kuä̧tu̧ku̧mä̧.

2 Corintios 9:10 ပူးပေါင်းရင်းမြစ်များ

San Mateo 6:1

Jesús pa̧'a̧nö̧ huo̧juȩti̧nö̧do: —Ja̧'a̧tä̧mä̧ “Diosrö esetösä” päcuhuätucuä' ttö̧ja̧ adiu ttamöcuäda pä'ö ucuturu topö. Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧mä̧ yoröiso adihuä juäi iyocö ucuturu.

2 Corintios 9:12

Iso päi'önä pi̧yȩ ppä'ädö huecuhuätucu tiyomenä, jahuätö tö̧jä̧hua̧tö̧rö̧, jui'ätörö iyätöjä ttu̧ju̧nä̧ra̧ pä'ö. Ja̧'hua̧ta̧nö̧ jahuätö'inä ttȩmo̧mȩnä̧, Diosrö rö̧ȩnä̧ ttesehuäcuotö.

2 Corintios 9:6

Pi̧yȩ'i̧nä̧ cunichi'ätucuä': Ya̧tȩ ji̧'qui̧cha̧nö̧tä̧ ku̧nu̧mä̧, ji̧'qui̧cha̧nö̧tä̧ ȩmä̧cua̧. Ja̧'hua̧ta̧nö̧ ya̧tȩ rö̧ȩnä̧ ku̧nu̧mä̧, rö̧ȩnä̧ ȩmä̧cua̧.

Gálatas 3:5

Dios ucuturu Espíritu Santorö'inä iyomenä, ucutu cu̧'quȩtȩtu̧cu̧nä̧ ttö̧ja̧ ttieru juäi'inä jȩo̧mȩnä̧, ¿dä̧bö̧ jȩa̧'a̧jä̧ttö̧ Dios ja̧u̧mä̧? Hueähuä huȩnȩ jȩcu̧'i̧yä̧tu̧cuä̧cu̧mä̧ jȩpo̧cö̧ ja̧u̧mä̧. Ja̧u̧mä̧ ja̧'hua̧nö̧ jȩpö̧ ucutu ujuturu ä̧ju̧cu̧ cuesetiniyätucuäcu.

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

1 Tesalonicenses 4:10

Ja̧'hua̧nö̧ repe'ö jȩpä̧tö̧jä̧ ucutu o'ca toi'önä tö̧jä̧hua̧tö̧rö̧, o'ca juiyönä Macedonia rȩjȩnä̧ ka̧cuä̧tö̧rö̧. Ja̧'hua̧nö̧ ja̧'a̧nä̧ tö̧jä̧hua̧tö̧, cuahuaruhuärö ji̧nä̧ isocu repecuhuätucua pä'ätöjä.