2 Corintios 8:8 - TÄ̧DO Ä̧CUÄ̧ I̧HUȨNȨ

⁸ Ttö pi̧yȩmä̧ hueähuä huȩnȩ päi'önämä ji'ähuocösä. Korotö ttiyö ta'anö cu̧huo̧juä̧tu̧cua̧ pä'ötä pä'ösä. Ucutu'inä iso päi'önä repecuhuätucua'a tocha pä'ösä.

Nuevo Testamento Uwotjüja

⁸ We'ü ttukuoku'anü̧mä̧ ukuokuoküsä. Suro, kkoro igresia isotü ofrenda ppä'ädü jȩttü̧ ku̧wo̧juä̧tu̧kua̧tä̧ pä'üsä. Ukutu'i̧nä̧ isopäi'ünä̧ eseäkuäwä kui̧jȩpä̧tu̧kuä̧kua̧'a̧nü̧.

2 Corintios 8:8 ပူးပေါင်းရင်းမြစ်များ

Romanos 12:9

Adiu repe'ätucui korotö korotönörö. Surojö cua̧'cua̧ cu̧huȩnä̧rä̧tu̧cuä̧'. Adiunätä ka̧cuä̧tu̧cui̧.

1 Corintios 7:12

Ja̧'hua̧ta̧nö̧ korotörö ttötä chamöcuädö ji'äusä, Tu̧ru̧hua̧ i̧huȩnȩmä̧cö̧. Yajute isaju, Diosrö esetocojumä, ya̧tȩ Diosrö esetöcu eseunu kö̧jo̧mȩnä̧ kirecuo päi'önä, huäinä ö̧jä̧cua̧. Ja̧u̧mä̧ ubomä jahuäjuru, irecuarö, jaroi'ö juiyäcua'a̧nö̧ pä'ösä.

1 Corintios 7:25

Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

1 Corintios 7:6

Ttömä ja̧'hua̧nö̧ hue'ömä hue'ocösä. Ja̧'hua̧nö̧ jȩcu̧'ä̧tu̧cu̧ttu̧mä̧, adihua'a pä'ö ji'äusä.

2 Corintios 6:6

Ja̧'hua̧ta̧nö̧ ujutu adiunätä tö̧ja̧cuo̧mȩnä̧, Dios umöhuäyotö ta'a topö ttu̧huo̧juä̧cuo̧tö̧. Ja̧'hua̧ta̧nö̧ iso päi'önä huȩnȩ tu̧huo̧jua̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ tami 'qui'ächi'ö, korotörö adihuä juäi jȩta̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ Espíritu Santo tami iso'quinä ö̧ja̧'a̧tö̧, topö ttu̧huo̧juä̧cuo̧tö̧. Ja̧'hua̧ta̧nö̧ korotörö repeta'a, topö ttu̧huo̧juä̧cuo̧tö̧.

2 Corintios 8:10

Ttötä chamöcuädö'inä ji'äusä ucuturu ppädäda pä'ö. Ucutu ni̧po̧ a̧'ȩnä̧ pä'ötä iyö jȩpi̧nä̧tö̧jä̧. Ja̧'a̧tä̧ jȩpo̧co̧tö̧ pi̧nä̧tö̧jä̧. Iso päi'önä eseunu iyö jȩpi̧nä̧tö̧jä̧.

2 Corintios 8:24

Ja̧'hua̧nö̧ ja̧'a̧ttö̧ iglesias ru̧huä̧ ttu̧huo̧jua̧ pä'ö iso päi'önä jahuätörö repecuhuätucua'a, adiu jȩpä̧tu̧cui̧tö̧. Ujutu'inä adiunä tesehuäcua'a̧nö̧ ucuturu, adiu jȩpä̧tu̧cui̧ jahuätörö.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

2 Corintios 9:7

Ka̧ra̧'i̧nä̧, ka̧ra̧'i̧nä̧ chutä ami iso'quinä iya pä'ö amöcuädö iyö'a̧nö̧ ja̧'a̧. Juhuorö'inä churutä pä̧huä̧ rö̧jo̧mȩnä̧ eseunu i̧yä̧cua̧, korotö huettoca'anä. Eseunu iyätörö repe'ö Dios.

Efesios 4:15

Pärocua'acu, ujutu iso päi'önä huȩnȩ tahuaruhuärö repe'ö ucuocu, ji̧nä̧ yo̧mȩtȩnä̧ Cristorö esetö, rö̧'ä̧chä̧tö̧jä̧. Iso päi'önä Cristo ujutu tu päi'önä kö̧.

Efesios 6:24

Ja̧'hua̧ta̧nö̧ o'ca toi'önä Tu̧ru̧hua̧ Jesucristorö jarotti'oca'a repe'ätörö, Dios ppädäcua'a̧nö̧. Amén.

Hebreos 10:24

Korotö, korotönörö adiu repe'ö, adihuä juäi'inä jȩta̧ pä'ö ppätädö'a̧nö̧ ja̧'a̧, jahuätö'inä korotörö repe'ö, adiu jȩttä̧cua̧'a̧nö̧.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.