2 Corintios 8:23 - TÄ̧DO Ä̧CUÄ̧ I̧HUȨNȨ

²³ Korotö Titorö jättepöttömä, ja̧u̧mä̧ Pablo u̧mö̧huä̧ya̧ päi'önä aditödo, ujuturu ppä'ädö pä'ö cuädätätucuaja. Ja̧'hua̧ta̧nö̧ korotö tö̧jä̧hua̧tö̧rö̧'i̧nä̧ jättepöttömä, jahuätö Cristorö pä̧huä̧ rö̧jo̧mȩnä̧ ttadita pä'ö, iglesias ruhuättö hue'ähuotödo pä'ö cuädätucuaja.

Nuevo Testamento Uwotjüja

²³ Tito ütü'kümä̧ pä'üsä, jua̧u̧mä̧ ttütä cha̧wa̧ru̧wa̧ ja̧'a̧; ttütäku aditä'ijü; ja̧'wa̧ta̧nü̧ kkorotü tawaruwä jua̧u̧tä̧ku̧ ichätümä̧ igresia wȩttä̧u̧ ja̧'a̧, Crito-rü eseu aditätü.

2 Corintios 8:23 ပူးပေါင်းရင်းမြစ်များ

San Lucas 5:10

Ja̧'hua̧ta̧nö̧ Simón ahuaruhuä Jacobocu, Juancu Zebedeo i̧tti̧mö̧ pi̧nä̧tö̧mä̧ ye'i'inätödo. Ja̧'hua̧nö̧ ja̧'a̧nä̧ Jesús pä'inödo Simónrö: —Yecuhuecuä'. Jitämä ttö̧ja̧rö̧ 'cho̧cu̧hui̧'ä̧cua̧jä̧.

San Lucas 5:7

Ja̧'hua̧ ja̧'a̧ttö̧ huecähuinätödo ttahuaruhuärö, koro'canä rö̧jä̧tö̧rö̧, ppä'ädö ttichatö pä'ö. Jahuätö ichi'ö to'care cue'ö suhuädi'önä ma̧ä̧cho̧mȩtä̧ jö̧nä̧ ji̧na̧'a̧do.

San Juan 13:16

Iso päi'önä pä'ösä ucuturu, ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocö. Ja̧'hua̧ta̧nö̧ ya̧tȩ huȩ'ä̧hua̧mä̧, chutä hue'inöttö'inä abonänö hue'ocö.

1 Corintios 11:7

Ubomä unä mö̧ȩcu̧ juiyö'a̧nö̧ ja̧'a̧. Ubomä Dios jö̧ ta'anö hua̧ kö̧. Ja̧'hua̧ta̧nö̧ Dios adihuä i̧sa̧ pä'ö i̧jȩpö̧ ubomä. Pärocua'acu isajumä i̧jȩpä̧ju̧ ubo adihuä i̧sa̧ pä'ö.

2 Corintios 12:18

Titorö ucuocuinösä ucuturu do'ächö i̧'cha̧ pä'ö. Ja̧'hua̧ta̧nö̧ ja̧u̧cu̧ ka̧ra̧ tö̧jä̧hua̧rö̧ hue'inösä. Titomä, ¿ucuturu yapareu ji'ähuinö tä̧ji̧? Titocu, ttöcu yoräteunä ji̧nä̧ ji̧yȩtȩ espíritunä, ¿cue'ächocotöjä tä̧ji̧?

2 Corintios 7:6

Ja̧'hua̧nö̧ ja̧'a̧nä̧ Dios, rö̧ȩnä̧ tta̧'cua̧ tta̧'ȩcuä̧tö̧rö̧ ppä'ädömä, ujuturu'inä ppä'ädinö Tito i̧rȩbȩhuo̧mȩnä̧.

2 Corintios 8:16

Diosrö esehuätöjä jitämä. Dios Tito ami iso'quinä ucuocu hue'inödo Titorö, ucuturu rö̧ȩnä̧ amöcuäda pä'ö ttö chamöcuädö ta'anö.

2 Corintios 8:18

Ja̧'hua̧ta̧nö̧ Titocu hue'ätöjä ka̧ra̧ tö̧jä̧hua̧rö̧, adiu ttucuocuäcuru iglesias ruhuämä. Ja̧u̧'i̧nä̧ ttö̧ja̧ suronä jȩttö̧ jȩpö̧ icu huȩnȩ ji'äu adiu aditinödo.

2 Corintios 8:19

Ja̧'hua̧ta̧nö̧ pottö, iglesias ruhuä ja̧u̧ru̧ o'ipö hue'inätödo ujuturu ppä'ädö cueächa pä'ö pi̧yȩ eseunu iyähuä ȩpö̧, Tu̧ru̧hua̧rö̧ ttucuota pä'ö. Ja̧'hua̧ta̧nö̧ ucutu eseunu cuiyätucua'a totta pä'ö ppä'ädätöjä.

2 Corintios 8:22

Ja̧'hua̧ta̧nö̧ jahuätöcu ka̧ra̧ tö̧jä̧hua̧rö̧ hue'ätöjä. Ja̧u̧'i̧nä̧ rö̧ȩnä̧ esehua'a topinätöjä, koro jȩo̧mȩnä̧. Ja̧'hua̧ta̧nö̧ ucuturu rö̧ȩnä̧ eseu adiu jȩä̧cua̧.

2 Corintios 8:6

Ja̧'hua̧nö̧ ja̧'a̧ttö̧ Titorö hue'inätöjä ä'canä cuiyätucua pä'ö ucuturu jiähuina'attö, juhua'a yabonö ucuturu ppäda pä'ö, Diosrö iyähuänä adiu jȩcu̧'ä̧tu̧cua̧ pä'ö.

Filipenses 2:25

Ja̧'hua̧nö̧ ja̧'a̧nä̧ ucuturu topö hueda pä'ösä tö̧jä̧hua̧ Epafroditorö. Ja̧u̧mä̧, ucutu ttörö ppäda pä'ö huecuhuinätucu o'ca'a, iso päi'önä aditö rohuähuinö ttöcu chu̧mö̧huä̧ya̧ päi'önä.

Filipenses 4:3

Ucuru'inä chu̧mö̧huä̧ya̧ adiu jȩpi̧nö̧rö̧, ji'äusä jahuätörö, tö̧jä̧hua̧tö̧rö̧, ppäcuhuäda pä'ö. Jahuätö adiu aditinätö ttöcu, ttö̧ja̧ suronä jȩttö̧ jȩpö̧ icu huȩnȩ ji'äu. Ja̧'hua̧ta̧nö̧ Clementecu, korotöcu ji̧nä̧ yo̧mȩtȩ aditinätöjä. Jahuätö tti̧mi̧mä̧ huȩyu̧cua̧'a̧ ka̧'a̧ kä̧cuä̧huä̧ i'co cuyäru'tänä.

Colosenses 1:7

Ta̧hua̧ru̧hua̧ Epafras, ujutucu aditömä, adihuä huȩnȩ huo̧juȩti̧nö̧ ucuturu. Ja̧u̧ Cristo hueähuä jȩpö̧, adiu ppä'ädö ucuturu.

1 Tesalonicenses 2:2

Ucutu huo̧juä̧tö̧jä̧, Filipos ötahuiyä ttö̧ja̧ suronä ucuocu kä̧nö̧, suronä jȩpi̧nä̧tö̧ ujuturu. Ja̧'hua̧nö̧ ja̧'a̧nä̧'i̧nä̧ rö̧ȩnä̧ surojö 'cuäopomenä, Dios ujuturu ppä'ädinö, yecuäcuähuä juiyönä ttö̧ja̧ suronä jȩttö̧ jȩpö̧ icu huȩnȩ jitähua pä'ö ucuturu.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Filemón 1:17

Iso päi'önä ji̧nä̧ yo̧mȩtȩ tadita'a cuamöcuädöttömä, ttörö cueseu'a̧nö̧ esehui ja̧u̧ru̧'i̧nä̧.

Filemón 1:24

Ja̧'hua̧ta̧nö̧ Marcos'inä, Aristarco'inä, Demas'inä, Lucas'inä ttöcu aditätömä te'ähuätö ucuru.

3 Juan 1:8

Ja̧'hua̧nö̧ ja̧'a̧ ujutucu ji̧nä̧ ji̧yȩtȩ esetätörömä, iso päi'önä huȩnȩ ji'ähuätörömä, ppätädö'a̧nö̧ ja̧'a̧.