2 Corintios 8:21 - TÄ̧DO Ä̧CUÄ̧ I̧HUȨNȨ

²¹ O'ca juiyönä uhuäunä jȩta̧ pä'ätöjä Tu̧ru̧hua̧ ä'ca jo̧mȩttö̧'i̧nä̧, pi̧jä̧ ttö̧ja̧ ttä'ca jo̧mȩttö̧'i̧nä̧.

Nuevo Testamento Uwotjüja

²¹ Adiutä jȩta̧ pä'ü amükuädätüjä̧, suro Tu̧ru̧wa̧ ä'ka jo̧mȩttü̧tä̧mä̧kü̧, ttü̧ja̧ ttä'ka jo̧mȩttü̧'i̧nä̧.

2 Corintios 8:21 ပူးပေါင်းရင်းမြစ်များ

San Mateo 23:5

Korotö ttö̧ja̧ ttesehuatö pä'ö jȩpä̧tö̧do. Ttö'änä'inä, ttöjohuiyänä'inä Huȩyu̧cuä̧ Huȩnȩ korotöttö'inä abonänö rö̧ä̧ö̧ juäi nö'cäu jȩpä̧tö̧do, ttö̧ja̧ tottatö pä'ö. Ttö̧'ca̧tä̧huä̧ti̧yu̧'i̧nä̧ korotö ttö̧'ca̧tä̧huä̧ti̧yu̧ttu̧'i̧nä̧ abonänö otoä̧ta̧ 'ca̧tä̧huä̧tö̧.

San Mateo 5:16

Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

San Mateo 6:1

Jesús pa̧'a̧nö̧ huo̧juȩti̧nö̧do: —Ja̧'a̧tä̧mä̧ “Diosrö esetösä” päcuhuätucuä' ttö̧ja̧ adiu ttamöcuäda pä'ö ucuturu topö. Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧mä̧ yoröiso adihuä juäi iyocö ucuturu.

San Mateo 6:4

Ja̧'hua̧nö̧ jȩcu̧'u̧ttu̧mä̧, Cuä'omä o'ca juiyönä jȩcu̧'u̧ topömä, adihuä juäi i̧yä̧cua̧jä̧.

Romanos 12:17

Ucuturu suronä jȩpä̧tö̧rö̧, suronä jȩcu̧'ä̧tu̧cuä̧' juhua'a yabonömä. O'ca toi'önä ttä'ca jo̧mȩ adiu jȩpä̧tu̧cui̧.

Romanos 14:18

Ja̧'hua̧nö̧ ja̧'a̧ttö̧ Cristo korotörö amöcuädö jȩi̧nö̧'a̧nö̧ jȩpä̧tö̧mä̧, Dios öjö'cö jȩpä̧tö̧. Ttö̧ja̧rö̧'i̧nä̧ adiunä jȩpä̧tö̧.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

2 Corintios 8:20

Ja̧'hua̧nö̧ jȩpä̧tö̧jä̧ korotömä ucuturu ppätäda'a tottomenä, suronä ttucuocu juiya pä'ö, cuiyätucu topö.

2 Corintios 8:22

Ja̧'hua̧ta̧nö̧ jahuätöcu ka̧ra̧ tö̧jä̧hua̧rö̧ hue'ätöjä. Ja̧u̧'i̧nä̧ rö̧ȩnä̧ esehua'a topinätöjä, koro jȩo̧mȩnä̧. Ja̧'hua̧ta̧nö̧ ucuturu rö̧ȩnä̧ eseu adiu jȩä̧cua̧.

Filipenses 4:8

Jitämä chö̧jä̧hua̧tö̧, röjinä ji'äusä. Amöcuädätucui o'ca juiyönä iso päi'önä huȩnȩ'i̧nä̧, ttö̧ja̧rö̧ adiu ucuotäcuähuä'inä, adiu jȩä̧cuä̧hua̧'i̧nä̧, surojö juiyönä amöcuädäcuähuä'inä, adiu topö jȩä̧cuä̧huä̧'i̧nä̧, adiu ucuocuäcuähuä'inä. Ja̧'hua̧ta̧nö̧ o'ca juiyönä adihuä juäi'inä, adiu eseäcuähuä'inä amöcuädätucui.

1 Tesalonicenses 5:22

O'ca juiyönä surojöttö rä'opächätucui.

1 Timoteo 3:7

Ja̧'hua̧ta̧nö̧ Diosrö esetocotö ttä'ca jo̧mȩ adiu ö̧jä̧cua̧'a̧nö̧, suronä ttucuocu juiyarö pä'ö, ähuettä'inä suronä jȩö̧ juiyarö pä'ö.

1 Timoteo 5:14

Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.

1 Pedro 2:12

Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.