2 Corintios 8:18 - TÄ̧DO Ä̧CUÄ̧ I̧HUȨNȨ

¹⁸ Ja̧'hua̧ta̧nö̧ Titocu hue'ätöjä ka̧ra̧ tö̧jä̧hua̧rö̧, adiu ttucuocuäcuru iglesias ruhuämä. Ja̧u̧'i̧nä̧ ttö̧ja̧ suronä jȩttö̧ jȩpö̧ icu huȩnȩ ji'äu adiu aditinödo.

Nuevo Testamento Uwotjüja

¹⁸ Ja̧'wa̧ta̧nü̧, jua̧u̧ Tito-kumä̧ we'inä̧tü̧jä̧, ya̧tȩ ta̧wa̧ru̧wa̧ ti̧jä̧wa̧rü̧, jua̧u̧mä̧ kkoro igresia-ttü'i̧nä̧ ttu̧wo̧juä̧ku̧, adiu jȩa̧'a̧ ä̧ju̧ku̧.

2 Corintios 8:18 ပူးပေါင်းရင်းမြစ်များ

Romanos 16:4

Ttörö ra̧huȩpi̧jö̧ttö̧'i̧nä̧, 'corupätti'ö'a̧nö̧ jö̧ttö̧'i̧nä̧ ppä'ädinätö. Ja̧'hua̧nö̧ ja̧'a̧ttö̧ jahuätörö eseunu amöcuädösä. Ttötä katä chihueyemäcö̧, o'ca toi'önä chö̧jä̧hua̧tö̧ judíos huocotö'inä esehuätö jahuätörö.

1 Corintios 16:3

Ja̧'hua̧nö̧ ja̧'a̧ttö̧ ttö chichomenä, Jerusalén ötahuiyära̧'a̧ cuhuäretucu ofrenda ttȩpa̧ pä'ö huecuhuätucuä̧u̧cu̧ cuyäru isojä huȩyu̧tu̧ huȩdä̧cua̧sä̧.

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

1 Corintios 7:17

Dios ucuturu huomenä, cu̧ji̧nä̧tu̧cu̧ ta'anö, adiu ka̧cuä̧tu̧cui̧. Ja̧'hua̧ta̧nö̧ Tu̧ru̧hua̧ ucuturu iyinö ta'anö, ka̧cuä̧tu̧cui̧. Pa̧'a̧nö̧ hue'ösä o'ca toi'önä iglesia ruhuärö̧.

2 Corintios 12:18

Titorö ucuocuinösä ucuturu do'ächö i̧'cha̧ pä'ö. Ja̧'hua̧ta̧nö̧ ja̧u̧cu̧ ka̧ra̧ tö̧jä̧hua̧rö̧ hue'inösä. Titomä, ¿ucuturu yapareu ji'ähuinö tä̧ji̧? Titocu, ttöcu yoräteunä ji̧nä̧ ji̧yȩtȩ espíritunä, ¿cue'ächocotöjä tä̧ji̧?

2 Corintios 2:12

Troas ötahuiyära̧'a̧ 'chä̧hui̧'ö̧, Cristo i̧huȩnȩ jidähua pä'ö, rö̧ȩnä̧ Tu̧ru̧hua̧ i̧huȩnȩ adicuä ji̧na̧'a̧do. Recuätö ttä̧ju̧cua̧ pä'inätödo.

2 Corintios 8:19

Ja̧'hua̧ta̧nö̧ pottö, iglesias ruhuä ja̧u̧ru̧ o'ipö hue'inätödo ujuturu ppä'ädö cueächa pä'ö pi̧yȩ eseunu iyähuä ȩpö̧, Tu̧ru̧hua̧rö̧ ttucuota pä'ö. Ja̧'hua̧ta̧nö̧ ucutu eseunu cuiyätucua'a totta pä'ö ppä'ädätöjä.