2 Corintios 7:3 - TÄ̧DO Ä̧CUÄ̧ I̧HUȨNȨ

³ Ja̧'hua̧nö̧mä̧ ji'ähuocösä ucuturu ro̧dȩpa̧ pä'ö. Pä'äji jidähuinö ta'anö, ucuturu chami iso'quinä eseunu amöcuädösä tö̧jo̧mȩnä̧'i̧nä̧, 'corupäti'omenä'inä.

Nuevo Testamento Uwotjüja

³ Pi̧yȩmä̧, ukuturu suronä̧ pä'ümä̧ pädokü; täkü ä'kanä̧ jidäwinä̧u̧jä̧, ukuturu ta̧mi̧'iso'kinä̧ repeta'a chukuokuinä̧u̧jä̧, wa'are'i̧nä̧ ja̧'wa̧ta̧nü̧ a̧'kua̧rä̧kuä̧wä̧'i̧nä̧ ttoepoka'a jä̧kua̧'a̧ ukuturu eseu repetümä̧.

2 Corintios 7:3 ပူးပေါင်းရင်းမြစ်များ

2 Corintios 11:11

¿Dä̧bö̧ chucuocua'attö ja̧'hua̧nö̧mä̧? ¿Ucuturu repedoca'a chucuocua'a tä̧ji̧? Diostä huo̧jua̧ ucuturu rö̧ȩnä̧ repeda'amä.

2 Corintios 12:15

O'ca juiyönä chu̧ju̧nä̧rö̧ eseunu chiyäcua'a̧nö̧. Ttötä chamönä cha̧'cua̧rö̧'i̧nä̧ eseunu iyajisä ucuturu cua̧'cua̧ru̧hua̧tu̧cu̧nä̧ ppä'ädö. Juhuorö'inä ttötä pa̧'a̧nö̧ amöcuädösä, ucuturu juhua'a yabonö rö̧ȩnä̧ repeda'anä, ucututä yoyonö jaropi'ätöjä ttörö.

2 Corintios 13:10

Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

2 Corintios 3:2

Ja̧'hua̧nö̧mä̧cö̧. Ucuturu topö, yoröiso cuyäru pä'ocotöjä ujutumä. Ucutumä cuyäru tti̧huȩyu̧ta̧'a̧ jä̧'i̧nö̧'a̧nö̧ huotöjä ujuturu tami iso'quinä. O'ca toi'önä topö ttu̧huo̧jui̧'ä̧cua̧'a̧nö̧ ucuturu.

2 Corintios 7:12

Ja̧'hua̧nö̧ ja̧'a̧nä̧ ja̧u̧ cuyäru chi̧huȩyu̧to̧mȩnä̧, churutä, suronä jȩpi̧nö̧rö̧tä̧, amöcuädocö pi̧nö̧sä̧. Ja̧'hua̧ta̧nö̧ suronä jȩo̧mȩnä̧, ubara ttu'inörötä amöcuädocö pi̧nö̧sä̧. Ucutu Dios ä'ca jo̧mȩttö̧ ujuturu cuamöcuädätucumä, pä'äji ta'anö cuamöcuädätucua pä'ö huȩyu̧ti̧nö̧sä̧.

Filipenses 1:7

Ucuturu ja̧'hua̧nö̧ pä'ö chamöcuädöttömä, adihua'ado. Ucuturu chami iso'quinä eseunu amöcuädösä. Ujutumä ji̧nä̧ yo̧mȩtȩ adihuä juäi ȩmi̧nä̧tö̧jä̧, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ji'äu cärenä chö̧'a̧'a̧nä̧'i̧nä̧, ja̧u̧ huȩnȩ cheseta'attö ttörö jä'epö ttä̧ju̧cua̧'a̧nä̧'i̧nä̧.

1 Tesalonicenses 2:8

Ucuturu rö̧ȩnä̧ repeta'attö, Dios i̧huȩnȩ ji'äu 'corupä'i'ätöjä ucuturu ppä'ädö. Iso päi'önä rö̧ȩnä̧ repe'ätöjä ucuturu.