2 Corintios 7:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ttö̧ iso päi'önä esehuätöjä jitämä. Ja̧'hua̧ta̧nö̧ ja̧'hua̧nö̧ topö tesehuomenä, ji̧nä̧ isocu rö̧ȩnä̧ esehuätöjä Titorö topö. Ja̧u̧mä̧ rö̧ȩnä̧ eseunu kö̧ jitämä. Ucutu ja̧'hua̧nö̧ adiunä ö̧ja̧ pä'ö ppä'ädinätöjä.

Nuevo Testamento Uwotjüja

¹³ Ja̧'wa̧nü̧ ja̧'a̧ttü̧, teseunä̧ päi'inä̧u̧jä̧; ja̧'wa̧nü̧ ja̧'a̧nä̧ yabonä̧nü̧ esewätüjä̧, Tito-rü yaboku i̧'chü̧nä̧ ppäkuädinä̧tu̧kuä̧ku̧ esewiyä̧u̧. Jua̧u̧ ja̧'a̧ yaboku teseumä̧.

2 Corintios 7:13 ပူးပေါင်းရင်းမြစ်များ

Romanos 12:15

Esehuätörö, eseunu topätucui. Ajuähuätörö, ajuäunu topätucui.

Romanos 15:32

Ja̧'hua̧ta̧nö̧ eseunu chichäcua'a̧nö̧ ucuturu Diosrö pä̧huä̧ rö̧jo̧mȩnä̧ ucuturu chesehuäcua'a̧nö̧ ucuocuätucuittö.

1 Corintios 12:26

Ja̧'hua̧ta̧nö̧ korottö jättäpäyotöttö barauttumä, o'ca juiyönä barahua'a. Ja̧'hua̧ta̧nö̧ korottö jättäpäyotöttö adiu jȩttö̧ttö̧mä̧, o'ca juiyönä esehua'a.

1 Corintios 16:13

Adiunä tta̧'ä̧rö̧ kä̧nö̧, cuami 'qui'ächi'ö ka̧cuä̧tu̧cui̧ Tu̧ru̧hua̧rö̧ cuesetätucua'attö. U̧mä̧tö̧ jȩttö̧ ta'anö jȩpä̧tu̧cui̧. Ja̧'hua̧ta̧nö̧ juruhuätucui.

1 Corintios 16:18

Cha̧'cua̧ esehuächi'önä ppättädäjäcusä. Ttörö'inä, ucuturu'inä ppä'ädinätö. Iso päi'önä jahuätö ta'anö huotörö adiu cucuotätucuaja.

2 Corintios 2:13

Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

2 Corintios 2:3

Ja̧'hua̧nö̧ ja̧'a̧ttö̧ chi̧huȩyu̧ti̧nö̧ ta'anö, huȩyu̧ti̧nö̧sä̧ ucuturu. Cha̧'cua̧ tta̧dȩcua̧ pä'ö jidähua pä'ocö pi̧nö̧sä̧. Ucuturu amöcuädö cheseu'a̧nö̧ ja̧'a̧ pä'inösä. Ja̧'hua̧ta̧nö̧ huo̧jua̧sä̧, ttö chesehuomenä, ucutu'inä o'ca toi'önä cuesehuäcuotöjäcö̧ pä'inösä.

2 Corintios 7:14

Ucuturu eseunu amöcuädösä pä'ö jidähuomenä Titorö, iso päi'önä adiu ji'ähuinösä. Ucuturu o'ca juiyönä jitähuinömä, iso päi'önä huȩnȩ ji̧nö̧ ji'ähuinätöjä. Ja̧'hua̧ta̧nö̧ ucuturu tesehua'a Titorö jitähuomenä, iso päi'önätä ji'ähuinätöjä.

2 Corintios 7:15

Ja̧u̧'i̧nä̧ ucuturu repe'ö ucuturu jiähuomenä jȩcu̧'i̧nä̧tu̧cu̧ ta'anö amöcuädö. Ja̧'hua̧ta̧nö̧ ye'ecunänö usurä isotö ta'anö kä̧nö̧, ja̧u̧ru̧ ä̧ju̧cu̧ ppäcuhuädinätucu ta'anö eseunu amöcuädö ja̧u̧mä̧.

2 Corintios 7:6

Ja̧'hua̧nö̧ ja̧'a̧nä̧ Dios, rö̧ȩnä̧ tta̧'cua̧ tta̧'ȩcuä̧tö̧rö̧ ppä'ädömä, ujuturu'inä ppä'ädinö Tito i̧rȩbȩhuo̧mȩnä̧.

Filipenses 2:28

Ja̧'hua̧nö̧ ja̧'a̧ttö̧ iso päi'önä ja̧u̧ru̧ hueda pä'ösä ucuturu, pä'äji ta'anö tocu'ätucuomenä cuesehuätucuarö pä'ö, ja̧'hua̧ta̧nö̧ cha̧'cua̧ tta̧dȩcu̧ juiyönä chö̧ja̧ pä'ö.

2 Timoteo 1:16

Onesíforo pä'ö mi̧cua̧ ahuaruhuärö Tu̧ru̧hua̧ adiu re rö̧jö̧nä̧ toö'a̧nö̧ ja̧'a̧. Ja̧u̧ ttörö rö̧ȩnä̧ ppä'ädinö. Cärenä chö̧'a̧'a̧ topö ichäji'ca̧, ttörö dä'äcuocö pi̧nö̧.

Filemón 1:20

Iso päi'önä tö̧jä̧hua̧, Tu̧ru̧hua̧rö̧ cueseta'attö, ttörö ppä'ädi. Cristonä chö̧jä̧hua̧ cu'a'attö, chami iso'quinä eseunu chö̧ja̧ pä'ö ppä'ädittö.

Filemón 1:7

Ucu korotörö repecuhua'a ä̧ju̧cu̧, rö̧ȩnä̧ eseunu amöcuädösä. Ucu, chö̧jä̧hua̧, Jesucristorö esetätörö ttami iso'quinä eseunu ttamöcuäda pä'ö ppä'ädinöjä.

1 Pedro 3:8

Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.