2 Corintios 7:11 - TÄ̧DO Ä̧CUÄ̧ I̧HUȨNȨ

¹¹ Ucutumä Diosrö pä̧huä̧ rö̧jo̧mȩnä̧, cuami 'qui'ächi'inätöjä ja̧u̧nu̧mä̧. Jitä 'cuäopäjimä topätucui. Jitämä cua̧'cua̧ pö̧nö̧ jö̧ ji'ähuinätöjä 'cuäopinö huȩnȩ. Ja̧'hua̧ta̧nö̧ ja̧'hua̧nö̧ 'cuäopa'anä ra̧huä̧rö̧nä̧nö̧'i̧nä̧, ye'ecunänö'inä amöcuädinätöjä. Ttörö'inä tocu'ätucua pä'inätöjä. Ja̧'hua̧ta̧nö̧ suronä jȩpi̧nö̧rö̧ ro̧cu̧huȩpä̧tu̧cua̧ pä'ö amöcuädinätöjä. Ja̧'hua̧ta̧nö̧ ja̧'hua̧nö̧ 'cuäopa'anä, ucutu suronä jȩcu̧'ä̧tu̧cuo̧ca̧'a̧ ji̧na̧'a̧ topö huo̧juä̧tö̧ ucuturu.

Nuevo Testamento Uwotjüja

¹¹ Kua̧'kua̧ tta̧kuȩkui̧nä̧tu̧ku̧, Dio-rü pä̧wä̧rü̧jo̧mȩnä̧ ji̧na̧'a̧mä̧, ¡topätüjä̧ttü̧, kui̧rȩbȩwi̧nä̧tu̧ku̧mä̧! adiu amükuädü topü, ttürü ppä'ädinä̧tü̧jä̧; jua'akumä̧ kua̧mi̧surächi'inä̧tu̧kua̧'a̧nä̧'i̧nä̧, yekuekui'inä̧tu̧kua̧'a̧nä̧'i̧nä̧; jua̧u̧nü̧ o'ka'amä̧ ttürü to'kuätukua pä'inä̧tü̧jä̧, ttürü ppä'ädümä̧, suronä̧ jȩpä̧ji̧rü̧mä̧ ro̧'ȩpi̧nä̧tü̧jä̧. Ja̧'wa̧nü̧ ji̧na̧'a̧nä̧'i̧nä̧, o'kajuiyünä̧tä̧ i̧jȩkui̧nä̧tü̧jä̧, pi̧yȩ mȩkuä̧tu̧kuo̧kü̧ ji̧nü̧mä̧.

2 Corintios 7:11 ပူးပေါင်းရင်းမြစ်များ

San Marcos 3:5

Ja̧'hua̧ ja̧'a̧ttö̧ jahuätö ttu̧huo̧jua̧ pättoca'attö, ra̧huä̧rö̧nä̧nö̧ a̧'cua̧ tta̧'ȩcu̧nu̧ toinä̧u̧do. Ja̧u̧ u̧mö̧ joi'inäcuru pä'inödo: —Cu̧mö̧ te'ädi. U̧mö̧ te'ädinödo. Ja̧'hua̧nö̧ teädomenä, adiu päi'inäcudo.

San Juan 2:17

Ja̧'hua̧nö̧ ja̧'a̧ttö̧ u̧huo̧juȩtä̧u̧ Huȩyu̧cuä̧ Huȩnȩ päö'a̧nö̧ amöcuädinätödo. Ja̧u̧ Huȩnȩ päa'a: “Cuojusode rö̧ȩnä̧ re rö̧jö̧nä̧ amöcuädö, cha̧'cua̧ tta̧'ȩcu̧nu̧ barahuäcusä.”

Hechos 17:16

Pablomä Atenas ötahuiyänä Silasrö, Timoteorö tta̧'ä̧rö̧ kä̧nö̧ rö̧ȩnä̧ tta̧'u̧cuä̧ adicuä tomenä, rö̧ȩnä̧ a̧'cua̧ tta̧'ȩcui̧nö̧do.

Romanos 11:20

Ja̧'hua̧nö̧ päcuhuomenä, adihua'a. Ja̧'hua̧nö̧ ja̧'a̧nä̧ jitötä ttesetö juiya'attö, 'quȩ'ȩpi̧nö̧ Dios. Ucu cueseta'attö, kö̧jä̧. Ja̧'hua̧ ja̧'a̧ttö̧ “Adiunä hua̧sä̧” pä'ömä, cuamöcuädäcuähuä'. Ttu̧ȩcuä̧nä̧tä̧ kä̧hui̧.

Romanos 14:18

Ja̧'hua̧nö̧ ja̧'a̧ttö̧ Cristo korotörö amöcuädö jȩi̧nö̧'a̧nö̧ jȩpä̧tö̧mä̧, Dios öjö'cö jȩpä̧tö̧. Ttö̧ja̧rö̧'i̧nä̧ adiunä jȩpä̧tö̧.

Romanos 3:5

Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä.

1 Corintios 12:25

O'ca juiyönä jättäpäyotö jähuä yoräteunä tta̧tä̧rä̧cuä̧hua̧ pä'ö aditinödo. O'ca juiyönä jättäpäyotö jähuä ji̧nä̧ yo̧mȩtȩnä̧ adiu jȩpö̧ ttö̧ja̧cua̧ pä'ö aditinödo.

1 Corintios 5:13

Churutä esetocotörö, chutä Diostä pä̧cua̧. Ja̧'hua̧nö̧ ja̧'a̧ttö̧ chutä ucututtu suronä jȩpö̧rö̧ 'quȩ'ȩpö̧ icuätucui ucututtu.

1 Corintios 5:2

Ja̧'hua̧nö̧ ja̧'a̧nä̧ ji̧nä̧ isocu a'cuoyäunu amöcuädätöjä ucutumä. Isocö̧. Cua̧'cua̧ tta̧'ȩcu̧ cuamöcuädätucu'a̧nö̧ ja̧'a̧to. Ja̧u̧ru̧mä̧, ja̧u̧ surojö jȩpö̧rö̧mä̧, ucututtu 'quȩ'ȩpö̧ cuicuätucu'a̧nö̧ ja̧'a̧.

2 Corintios 13:7

Diosrö ucuocuätöjä ucuturu, suronä jȩcu̧'ä̧tu̧cu̧ juiya pä'ö. “Ujutu adiu jȩpi̧nä̧tö̧jä̧” pä'ömä pä'ocotöjä. Ucututä adiunä jȩcu̧'ä̧tu̧cua̧ pä'ätöjä, ujuturu tamöcuädoca'anä.

2 Corintios 2:6

Ucutu ji̧nä̧ yo̧mȩtȩnä̧ ucuocu ja̧u̧ru̧, suronä jȩpi̧nö̧rö̧, täcö ro̧'ȩpi̧nä̧tö̧jä̧ adiunä.

2 Corintios 6:4

Pärocua'acu ujutu Dios umöhuäyotö ta'a totta pä'ö ka̧cuä̧tö̧jä̧. Ja̧'hua̧ta̧nö̧ ubara ttutinö topö ttu̧huo̧juä̧cuo̧tö̧. Ja̧'hua̧ta̧nö̧ koronö jui'ö'inä, koro surojö rö̧ȩnä̧ 'cuäopa'anä, tami 'qui'ächi'ö ka̧cuä̧tö̧jä̧.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

2 Corintios 7:7

Titorö topötä esehuocotö pi̧nä̧tö̧jä̧. Ja̧u̧ru̧ rö̧ȩnä̧ ppäcuhuädätucua'attö esehua'a totomenä, ujutu'inä esehuinätöjä. Ja̧u̧ ujuturu ji'ähuinödo: “Jahuätö rö̧ȩnä̧ totta pä'ätö ucuturu. Ja̧'hua̧ta̧nö̧ tta̧'cua̧ tta̧'ȩcu̧ ka̧cuä̧tö̧. Ucuturu'inä rö̧ȩnä̧ amöcuädätö,” ji'ähuinödo. Ja̧'hua̧nö̧ ä̧ju̧cu̧, ji̧nä̧ isocu esehuinösä.

2 Corintios 7:9

Ja̧'hua̧nö̧ ja̧'a̧nä̧ ja̧'hua̧nö̧mä̧ amöcuädocösä. Eseutä eseusä. Juhuorö'inä ja̧'a̧tä̧ra̧'a̧mä̧ cua̧'cua̧ tta̧cu̧huȩcuä̧tu̧cuo̧mȩnä̧, pärocuäcutä amöcuädinätöjä. Ja̧'hua̧ta̧nö̧ cua̧'cua̧ tta̧cu̧huȩcuä̧tu̧cuo̧mȩnä̧, Dios esehua pä'ö ucuturu suronämä jȩpo̧co̧tö̧ pi̧nä̧tö̧jä̧ ujutumä.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

Efesios 4:26

Korotörö ra̧huä̧rö̧mä̧, suronämä jȩcu̧'ä̧tu̧cuä̧'. Mo̧ro̧ 'cuäopächönämä cu̧ra̧huä̧rä̧tu̧cuä̧'.

Efesios 5:11

Yo̧ö̧cu̧ cue'ächätö micuähuocö juäi jȩttö̧mä̧, jȩcu̧'ä̧tu̧cuä̧'. Pärocua'acu ji'ähuätucuitö tȩa̧u̧nä̧ esetö cuettächäcua'a̧nö̧.

Filipenses 2:12

Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

1 Tesalonicenses 4:6

Ja̧u̧ huȩnȩ amöcuädö, ya̧tȩmä̧ ö̧jä̧hua̧rö̧ yapareu jȩpö̧, suronä jȩö̧ juiyö'a̧nö̧ ja̧'a̧ ö̧jä̧hua̧ irecuarö. Ya̧tȩ ja̧'hua̧nö̧ jȩpö̧rö̧, Tu̧ru̧hua̧ ö̧tä̧bo̧tä̧cua̧, ucuturu jitähuinö ta'anö.

1 Timoteo 5:20

Ja̧'hua̧nö̧ ja̧'a̧nä̧ korotö ancianos huotö suronä jȩpä̧tö̧rö̧ o'ca toi'önä ttä'ca jo̧mȩttö̧ tä̧bo̧ti̧, korotö'inä topö yettecuäcua'a̧nö̧.

2 Timoteo 2:15

Ucu Dios ä'ca jo̧mȩttö̧ ya̧tȩ adicuä i̧sa̧ adiu aditö jä̧'i̧nö̧'a̧nö̧, adiu jȩpi̧ cudäpecuoca'a, o'ca juiyönä iso päi'önä huȩnȩ päö ta'anö jȩpö̧'i̧nä̧, huo̧juȩtö̧'i̧nä̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

1 Pedro 1:17

Diosrö, “Chä'o Dios” päcuhuätucuttumä, pi̧jä̧nä̧ cu̧ja̧cuä̧tu̧cuo̧mȩnä̧, ye'ecunänö amöcuädätucui Diosrö. Ja̧u̧tä̧ o'ca toi'önärö yoräteunä pä'ö.

1 Pedro 2:2

Ya̧tȩ ji̧'qui̧cha̧hua̧ ttatate isoya ahua pä'ö usu'a̧nö̧, usätucui ucutu'inä adihuä juäi huȩnȩ, juhua'a yabonö cujuruhuätucua pä'ö, ja̧'hua̧ta̧nö̧ Dios ucutu suronä jȩcu̧'ä̧tu̧cu̧ jȩpö̧ icua pä'ö.

Judas 1:23

Ppä'ädätucuitö. Ocurättö ȩmo̧po̧'ä̧tu̧cui̧tö̧. Korotörö cua̧'cua̧ tta̧nö̧ topätucui. Ttu̧ȩcuä̧nä̧ ppä'ädätucuitö. Ttö̧'ca̧tä̧huä̧ta̧'i̧nä̧ jitötä ttidepättö i̧di̧cuä̧ta̧ 'ca̧tä̧huä̧tö̧ kö'cönänö tocu'ätucuä'.

Apocalipsis 3:19

Ttömä o'ca toi'önärö repedä̧u̧ru̧ ro̧'ȩpö̧ tä̧bo̧tö̧sä̧. Ja̧'hua̧nö̧ ja̧'a̧ttö̧ adiunä amöcuädö jȩpö̧, pärocuäcutä amöcuädi.