2 Corintios 7:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

Nuevo Testamento Uwotjüja

¹ Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

2 Corintios 7:1 ပူးပေါင်းရင်းမြစ်များ

San Mateo 12:33

Juhua'a yabonö fariseos huotörö pä'inödo Jesús: —Koro dau, adihuä juäi dau, u̧huä̧ju̧mä̧ adihuä juäitä huȩjö̧do. Ja̧'hua̧ta̧nö̧ suräjuäi dau, u̧huä̧ju̧mä̧ suräjuäitä huȩjö̧do. Ja̧'hua̧nö̧ ja̧'a̧ttö̧ dau u̧huä̧ju̧ koro adihuä juäi pä'ö huo̧juä̧tö̧jä̧.

San Mateo 5:48

Yoröiso adihuä juäitä jȩpä̧tu̧cui, Cuä'o mo̧ro̧jä̧ra̧'a̧ kö̧ jȩö̧'a̧nö̧, —pä'ö huo̧juȩti̧nö̧do Jesúsmä.

San Mateo 5:8

“Tta̧'cua̧nä̧ adiunä amöcuädätömä, eseunu ttö̧ja̧cuä̧cuo̧tö̧. Jahuätötä Diosrö tottäcuotö.

Hechos 9:31

Ja̧'hua̧nö̧ ja̧'a̧ Jesucristorö esetätömä Judea rȩjȩnä̧'i̧nä̧, Galilea rȩjȩnä̧'i̧nä̧, Samaria rȩjȩnä̧'i̧nä̧ o'ca juiyönä eseunu kä̧nö̧, juhua'a yabonö rö̧ä̧chö̧nä̧ esetinätödo. Diosrö ye'ecunänö ucuotönö amöcuädö kä̧nö̧, Espíritu Santo ppädomenä recuächinätödo.

Romanos 5:20

Moisés hueähuä huȩnȩ ichina'a, suronä jȩä̧cuä̧huä̧ rö̧ä̧cha̧ pä'ö. Ja̧'hua̧nö̧ ja̧'a̧nä̧ suronä jȩä̧cuä̧huä̧ rö̧ä̧cha̧'a̧nä̧, Dios ppädäcuähuä suronä jȩä̧cuä̧huä̧ttö̧'i̧nä̧ abonänö rö̧ä̧chi̧na̧'a̧.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

2 Corintios 1:20

Chutä o'ca juiyönä Dios päömä jȩpö̧. Ja̧'hua̧nö̧ ja̧'a̧ttö̧ Diosrö eseunu tucuocuomenä, Cristo Jesús i̧mi̧nä̧ “Amén” pä'ätöjä.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

1 Tesalonicenses 3:13

Cuami iso'quitucunä cuami 'qui'ächi'ö esetö, Tä'o Dios ä'ca jo̧mȩttö̧ Tu̧ru̧hua̧ Jesús chutä ahuaruhuäcu ichomenä, Tu̧ru̧hua̧ ppäda'attö, adiunä jȩpö̧ surojö juiyönä cu̧ja̧cuä̧tu̧cua̧ pä'ätöjä.

1 Tesalonicenses 4:7

Dios ujuturu ȩmo̧cö̧ pi̧nö̧ suronä jȩpö̧ kä̧nö̧ tö̧ja̧cua̧ pä'ö. Pärocua'acu churutä adiu amöcuädö, surojö juiyönä adiu jȩta̧ pä'ö pä̧huä̧ rö̧jä̧cu̧.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

Hebreos 12:28

Ujutu hueta pä'ö Dios ujuturu iyä̧cuȩ yoröiso ttö̧ȩpo̧cö̧do. Ja̧'hua̧nö̧ amöcuädö tesehuätucuaja. Ja̧'hua̧ta̧nö̧ churutä pä̧huä̧ rö̧jo̧mȩnä̧, adiunä amöcuädö, eseunu tucuocuätucuaja ja̧u̧ru̧, Diosrötä.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

Hebreos 6:9

Ja̧'hua̧nö̧ ja̧'a̧nä̧ adihuä chö̧jä̧huä̧tö̧, ja̧'hua̧nö̧ tucuocuomenä, ucuturu pä'ocotöjä iso päi'önä huo̧juä̧tö̧jä̧ ucutu cuesetätucuomenä, Dios rö̧ȩnä̧ ppädinä̧u̧jä̧.

Santiago 4:8

Diosrö tö'cöpächätucui. Ja̧u̧ru̧ cutö'cöhuächätucuomenä, ja̧u̧'i̧nä̧ ucuturu ö̧tö̧'cö̧huä̧chä̧cua̧. Ucutu suronä jȩpä̧tö̧mä̧, cu̧mö̧pi̧yä̧ töcähuätucui. Ucutu Diosrö'inä, pi̧jä̧ jähuä'inä amöcuädätö ttö̧ja̧mä̧, Diosrötä amöcuädätucui cuami iso'quitucunä.

1 Pedro 1:15

Pärocua'acu, adiunätä jȩpö̧ ka̧cuä̧tu̧cui̧. Dios, ucuturu ȩmi̧nö̧mä̧, yoröiso adiunätä jȩpö̧.

1 Pedro 1:17

Diosrö, “Chä'o Dios” päcuhuätucuttumä, pi̧jä̧nä̧ cu̧ja̧cuä̧tu̧cuo̧mȩnä̧, ye'ecunänö amöcuädätucui Diosrö. Ja̧u̧tä̧ o'ca toi'önärö yoräteunä pä'ö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

1 Juan 1:9

Suronä jȩtö̧ jitäuttumä, Dios päinö ta'anö adiu jȩpö̧, suronä jȩtö̧ jȩpö̧ i̧cuä̧cua̧. O'ca juiyönä jarode'ö jȩtö̧ töcö i̧cuä̧cua̧ ujuturu.

1 Juan 3:3

O'ca toi'önä Jesucristo jö̧ ta'anö pätti'a pä'ö esetö tta̧'ä̧rä̧tö̧mä̧, iso päi'önä suronä jȩä̧cuä̧huä̧ jaropi'ö ka̧cuä̧tö̧, Jesucristo suronä jȩä̧cuä̧huä̧ juiyönä ö̧jö̧ ta'anö.