2 Corintios 6:10 - TÄ̧DO Ä̧CUÄ̧ I̧HUȨNȨ

¹⁰ Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

Nuevo Testamento Uwotjüja

¹⁰ Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.

2 Corintios 6:10 ပူးပေါင်းရင်းမြစ်များ

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

San Mateo 5:4

“Tta̧'cua̧ tta̧'ȩcuä̧tö̧mä̧ eseunu ttö̧ja̧cuä̧cuo̧tö̧. Diostä jahuätörötä ppä̧dä̧cuä̧u̧.

San Lucas 6:21

“Ucutu Diosrö adiunätä pä̧huä̧ rö̧jä̧chi̧'ö̧nä̧ amöcuädätömä, sucuhuädi'önä cu̧ja̧cuä̧cuo̧tö̧jä̧. “Ucutu jitä cua̧'cua̧ tta̧'ȩcu̧nu̧ ajuähuätömä, eseunu ya̧cu̧huä̧huä̧cuo̧tö̧jä̧.

San Juan 16:22

Ja̧'hua̧ta̧nö̧ ja̧'a̧ ucuturu'inä. Jitä cua̧'cua̧ tta̧'ȩcuä̧tö̧jä̧. Ja̧'hua̧nö̧ ja̧'a̧nä̧ ucuturu pä'äji ta'anö to̧chä̧cua̧sä̧. Ja̧u̧nu̧mä̧ ttörö tocu'ätucuomenä, cuami iso'quitucunä suhuädi'önä cuesehuäcuotöjä. Ja̧u̧ eseäcuähuä pi̧jä̧ ttö̧ja̧ yoröiso jȩpö̧ icuocotö.

Hechos 16:25

Yodo kä'co Pablocu, Silascu Diosrö ucuocuinätödo. Ja̧'hua̧ta̧nö̧ ra̧'i̧nä̧tö̧do. Korotö cärenä pȩjä̧tö̧mä̧ jahuätörö ä̧ju̧cui̧nä̧tö̧do.

Hechos 3:6

Ja̧'hua̧ ja̧'a̧ Pedro pä'inödo: —Pärätä'inä, oro'inä jui̧'a̧sä̧. Chu̧ju̧nä̧rö̧mä̧ chiyäcujä. Ä̧rä̧mi̧'ö̧ cue'ächi Jesucristo Nazaret i̧sa̧ i̧mi̧nä̧.

Hechos 5:41

Ja̧'hua̧nö̧ ja̧'a̧ Jesús hue'ähuotö ji̧nä̧ iso ruhuotö ttä'ca jo̧mȩttö̧ rä'opinätödo. Jesús i̧mi̧nä̧ tteseta'attö, ubara ttuttäja'a esehuinätödo.

Romanos 11:12

Judíos ttö̧ja̧ ttöarodömä adiu ji̧na̧'a̧ korotö pi̧jä̧ ttö̧ja̧rö̧. Ja̧'hua̧ta̧nö̧ judíos ttö̧ja̧ totte'i'ömä adiu ji̧na̧'a̧ korotö judíos huocotörö. Ja̧'hua̧ ja̧'a̧ttö̧ ja̧u̧ttu̧'i̧nä̧ abonänö adihuäcua'a, o'ca toi'önä judíos ttö̧ja̧ ttesetomenä.

Romanos 12:15

Esehuätörö, eseunu topätucui. Ajuähuätörö, ajuäunu topätucui.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

Romanos 8:32

Dios chutä amönä I̧tti̧ pi̧jä̧ra̧'a̧ icha pä'ö pä̧huä̧ rö̧ji̧nä̧cu̧. Ja̧'hua̧nö̧mä̧ jarodocö pi̧nö̧ Dios. Hue'inö 'corupäi'a pä'ö, ujutu suronä jȩtö̧ imitähua pä'ö. I̧tti̧rö̧ ja̧'hua̧nö̧ huea'anä'inä, ¿ja̧u̧cu̧ yo̧mȩtȩnä̧ o'ca juiyönä mippoönä iyocö tä̧ji̧ ujuturu?

Romanos 9:2

Cha̧'cua̧ tta̧'ȩcu̧sä̧. 'Cuäopönä chami iso'quinä barau jö̧nä̧ jä̧cu̧sä̧ cheseu juiyönä, Cristorö ttieruhuomenä ttötä chahuaruhuä isotö. Ja̧'hua̧ta̧nö̧ Dios ttörö ro̧ȩpo̧mȩnä̧, chahuaruhuä ttesetöttömä esehuajisä. Ja̧'hua̧ta̧nö̧ Cristottö 'quȩ'ȩcu̧ chicuomenä, chahuaruhuä ttesetöttömä, Cristottö 'quȩ'ȩcu̧ icuajisä ttötä.

1 Corintios 1:5

Cristorö cuesetätucuomenä, Dios rö̧ȩnä̧ ppä'ädinö ucuturu o'ca juiyönä cucuocuätucu'inä, cu̧huo̧juä̧tu̧cu̧'i̧nä̧.

2 Corintios 2:4

Ucuturu ja̧'hua̧nö̧ chi̧huȩyu̧to̧mȩnä̧, rö̧ȩnä̧ cha̧'cua̧ tta̧'ȩcu̧ a̧mö̧cuä̧ri̧nö̧sä̧ chajuähuipönä. Ucutu cua̧'cua̧ tta̧cu̧huȩcuä̧tu̧cua̧ pä'ö huȩyu̧to̧cö̧ pi̧nö̧sä̧. Iso päi'önä ucuturu rö̧ȩnä̧ repeda'a cu̧huo̧juä̧tu̧cua̧ pä'ö huȩyu̧ti̧nö̧sä̧.

2 Corintios 4:15

Pi̧yȩ o'ca juiyönä 'cuäopa'ado, adiu cuesehuätucuäcua'a̧nö̧. Iso päi'önä recuätö Diosrö ttesetomenä, ja̧'hua̧ta̧nö̧ recuätö eseunu ttucuocuäcuotö Diosrö, chutä rö̧ȩnä̧ esehuäcua'a̧nö̧.

2 Corintios 4:7

Ujutumä, Dios iyö ku̧nä̧rä̧tö̧mä̧, redä'ca i̧sa̧ppȩttö̧ adicuotöjä. Ja̧'hua̧nö̧ ja̧'a̧ttö̧ topö huo̧juä̧tö̧jä̧ iso päi'önä Diosttö ujurunä ȩmä̧huä̧. Ujutumä tamönä ja̧'hua̧nö̧ jui'ätöjä.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

Efesios 3:16

Tä'o Diosrö jä'epösä adihuä juäi u̧ju̧nä̧rö̧ iyatö pä'ö cujuruhuätucua pä'ö cuami iso'quitucunä Espíritu Santonä.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Filipenses 2:17

Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

Filipenses 4:4

Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

1 Tesalonicenses 1:6

Ujutu jȩti̧nö̧'i̧nä̧, Tu̧ru̧hua̧ jȩi̧nö̧'i̧nä̧, adihuä huȩnȩ'i̧nä̧ esetö jȩpi̧nä̧tö̧jä̧ ucutumä. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ ubara ttu'u, Espíritu Santorö eseu, jȩpi̧nä̧tö̧jä̧.

1 Tesalonicenses 5:16

'Cuäopönä esehuätucui.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Hebreos 10:34

Ja̧'hua̧ta̧nö̧ cärenä pȩjä̧tö̧rö̧ re rö̧jö̧nä̧ topö amöcuädinätöjä. Cuhuäretucu 'chottipomenä, ja̧'a̧tä̧ eseunu to̧pä̧ri̧nä̧tö̧jä̧. Ja̧'hua̧nö̧ jȩtta̧'a̧ ja̧u̧ juäittö'inä abonänö adihuä juäi, yoröiso beipocö juäi, mo̧ro̧jä̧ra̧'a̧ cu̧ju̧nä̧rä̧tu̧cua̧'a̧ huo̧jui̧nä̧tö̧jä̧.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

1 Pedro 4:13

Pärocua'acu, Cristo ubara ttuhuinö'a̧nö̧ ubara ttu'u, cua̧'cua̧ tta̧cu̧huȩcuä̧tu̧cuo̧mȩnä̧, Cristo ichö mo̧ro̧ rö̧ȩnä̧ cuesehuätucuäcua'a amöcuädö esehuäcuähuätucui.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.

Apocalipsis 21:7

Pi̧jä̧ttö̧'i̧nä̧ abonänö ju̧ru̧hua̧mä̧, pi̧yȩ o'ca juiyönä ȩmä̧cua̧. Ttö Jä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ ja̧u̧ ttö chi̧tti̧ päi'önä ö̧jä̧cua̧.