2 Corintios 5:13 - TÄ̧DO Ä̧CUÄ̧ I̧HUȨNȨ

¹³ Iso päi'önä ujutu ttu̧'ȩpä̧ro̧co̧tö̧ ttö̧jö̧'a̧nö̧ tö̧jö̧ttö̧mä̧, Diosrö pä̧huä̧ rö̧jö̧ jȩta̧ pä'ö jȩpä̧tö̧jä̧. Ja̧'hua̧ta̧nö̧ ujutumä ttu̧'ȩpä̧rä̧tö̧ ttö̧jö̧'a̧nö̧ tö̧jö̧ttö̧mä̧, ucuturu ppätäda pä'ö jȩpä̧tö̧jä̧.

Nuevo Testamento Uwotjüja

¹³ Isopäi'ünä̧ ttu̧'ȩpä̧ro̧ko̧tü̧ 'kua̧rü̧nä̧ jȩtü̧ttü̧mä̧ Dio-rü ukuotü jȩpä̧tü̧jä̧; ja̧'wa̧nü̧ ja̧'a̧nä̧ ttu̧'ȩpä̧rü̧ jȩtü̧ttü̧mä̧ ukuturu ppä'ädü jȩpä̧tü̧jä̧.

2 Corintios 5:13 ပူးပေါင်းရင်းမြစ်များ

San Marcos 3:21

Ttö̧ja̧ “Ja̧u̧mä̧ suripächöto” pätta'a ä̧ju̧cu̧, Jesús ahuaruhuä isotö otticharö pä'ö ichinätödo.

Romanos 12:3

Dios ttörö ppädina'attö, o'ca toi'önä ucuturu ji'äusä, ttömä korotöttö'inä abonänö huo̧jua̧sä̧ pä'ö cuamöcuädätucuä'. Ucututä cuamönätucu adiu cua̧'cua̧ ku̧nu̧ amöcuädätucui esetäcuähuä Dios iyinömä.

2 Corintios 11:1

Ja̧'hua̧ta̧nö̧ ja̧'a̧tä̧ra̧'a̧ chucuocuttumä, cuami 'qui'ächi'önö tocu'ätucuattö pä'ösä. Iso päi'önä cuami 'qui'ächi'ätucui ttörö.

2 Corintios 12:11

Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

2 Corintios 12:6

Juhuorö'inä ttötä chamönä chucuocuäcuähua pädöttömä, suripächö ttucuocu'a̧nö̧ ucuocuocö pajisä. Iso päi'önä huȩnȩtä̧ ji'ähuajisä. Ja̧'hua̧ta̧nö̧ ja̧'a̧nä̧ ttötä ucuocuäcuähuocösä, korotö ja̧'hua̧nö̧ chucuocuomenä ä̧ju̧cu̧, i̧mi̧cu̧nä̧ ttamöcuäda pä'ö. Ttörö tottomenä'inä, chi̧huȩnȩ ttä̧ju̧cuo̧mȩnä̧'i̧nä̧ ttamöcuädattö pä'ösä.

2 Corintios 7:12

Ja̧'hua̧nö̧ ja̧'a̧nä̧ ja̧u̧ cuyäru chi̧huȩyu̧to̧mȩnä̧, churutä, suronä jȩpi̧nö̧rö̧tä̧, amöcuädocö pi̧nö̧sä̧. Ja̧'hua̧ta̧nö̧ suronä jȩo̧mȩnä̧, ubara ttu'inörötä amöcuädocö pi̧nö̧sä̧. Ucutu Dios ä'ca jo̧mȩttö̧ ujuturu cuamöcuädätucumä, pä'äji ta'anö cuamöcuädätucua pä'ö huȩyu̧ti̧nö̧sä̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

1 Tesalonicenses 1:5

Ujutumä pi̧yȩ adihuä huȩnȩ, ttö̧ja̧ suronä jȩttö̧ jȩpö̧ icu huȩnȩ, ucuturu jitähuomenä, ujututä ti̧huȩnȩnä̧mä̧ ji'ähuocotö pi̧nä̧tö̧jä̧. Pi̧yȩ huȩnȩ, iso päi'önä huȩnȩ, tu̧huo̧jua̧'a̧ttö̧, Espíritu Santo ujurunä ji'ähuinätöjä. Ucuturu ppä'ädö tö̧ja̧cui̧nö̧mä̧ topinätöjä.

2 Timoteo 2:10

Ja̧'hua̧nö̧ ja̧'a̧ttö̧ Dios ȩmi̧nä̧u̧ru̧ amöcuädö, o'ca juiyönä ubara ttu'usä. Ja̧'hua̧nö̧ ubara ttu'usä jahuätö'inä Cristo Jesúsru esetö adihuä kä̧cuä̧huä̧ huȩnȩ ttö̧ja̧ suronä jȩttö̧ jȩpö̧ icu huȩnȩ, ttu̧ju̧nä̧ra̧ pä'ö.