2 Corintios 5:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ pä'ö, pä'äji ta'anö ujutu tamönä huȩnȩcuo̧co̧tö̧jä̧. Ucututä adiu cu̧huo̧juä̧tu̧cua̧ pä'ätöjä ujuturu. Ja̧'hua̧nö̧ ja̧'a̧ korotö uhuäunä jȩttö̧ adihua'a pä'ö, ttami iso'quittö rä'opocö juäi ttucuocuomenä, adiu cuädätätucua pä'ätöjä ujutumä.

Nuevo Testamento Uwotjüja

¹² Pä'äjita'anü̧ ujutu ta̧mü̧nä̧ pa̧ja̧tü̧ adiu kuesewätukuatü pä'ümä̧ pätoka'anä̧, jueünä̧ amükuädütä kuesewätukuatü pä'ätüjä̧. Ja̧'wa̧nü̧ kuädätätukuomȩnä̧ päwächa'a tta̧mi̧ iso'kittümä̧ otó tta'anä̧, ukuo te'äkuäwätürü.

2 Corintios 5:12 ပူးပေါင်းရင်းမြစ်များ

2 Corintios 1:14

Iso päi'önä täcö koromä huo̧juä̧tö̧jä̧. Tu̧ru̧hua̧ Jesucristo ichomenä, ujuturu eseunu tocu'ätucuäcua'a̧nö̧. Ja̧'hua̧ta̧nö̧ ujutu'inä eseunu totäcua'a̧nö̧ ucuturu.

2 Corintios 10:12

Ujutumä korotö jitötä ttamönä adiu ucuocuätöcu yorätehuocotöjä. Jahuätömä “Korotöttö'inä abonänö adihuä isotöjä” pätta'anä, suripächätö ttucuocua'a jä̧'i̧nö̧'a̧nö̧ ucuocuätö. Ja̧'hua̧ta̧nö̧ “Korotöcu korotöcu'inä yorätehuätöjä” pätta'anä, yoröiso suripächätö ttucuocua'a jä̧'i̧nö̧'a̧nö̧ ucuocuätö.

2 Corintios 10:18

Ya̧tȩ o'ca toi'önä adiu ttucuocuäcumä, chutä amönä a'cuoyäunu ucuocuäcuähuocö. Iso päi'önä o'ca toi'önä adiu ttucuocuäcumä, Tu̧ru̧hua̧tä̧ adiu ucuocu ja̧u̧ru̧.

2 Corintios 10:7

Ucutu huämenätä topätöjä. Iso päi'önä ya̧tȩ “Cristo a̧hua̧ru̧hua̧sä̧” päöttömä, ujutu'inä chutä ta'anö Cristo ahuaruhuäjä pä'ö u̧huo̧juä̧cua̧'a̧nö̧.

2 Corintios 10:8

Ja̧'hua̧ta̧nö̧ Cristo ujuturu hueinö huȩnȩ rö̧ȩnä̧ chucuocuttumä, yoröiso dä'äcuocösä. Tu̧ru̧hua̧ ja̧'hua̧nö̧ hue'inö ujuturu, ppätäda pä'ö ucuturu, juhua'a yabonö rö̧ä̧chö̧nä̧ cuesetätucua pä'ö be'epäjipö ticua pä'ömäcö̧.

2 Corintios 12:11

Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

2 Corintios 3:1

Ja̧'hua̧nö̧ pätomenä: “Pä'äji ta'anö jitötä ttamönä adiu ucuocuätö” ¿ucutu pä'ätöjä tä̧ji̧? ¿Ujutumä cuyäru ujuturu adiu huȩyu̧cua̧'a̧ i'cächö tiyö'a̧nö̧ tä̧ji̧, ucuturu? Ja̧'hua̧ta̧nö̧ ¿ucutu'inä cuyäru ujuturu adiu huȩyu̧cua̧'a̧ cuiyätucu'a̧nö̧ tä̧ji̧, korotö jȩttö̧'a̧nö̧?

2 Corintios 6:4

Pärocua'acu ujutu Dios umöhuäyotö ta'a totta pä'ö ka̧cuä̧tö̧jä̧. Ja̧'hua̧ta̧nö̧ ubara ttutinö topö ttu̧huo̧juä̧cuo̧tö̧. Ja̧'hua̧ta̧nö̧ koronö jui'ö'inä, koro surojö rö̧ȩnä̧ 'cuäopa'anä, tami 'qui'ächi'ö ka̧cuä̧tö̧jä̧.

Filipenses 1:26

Ja̧'hua̧ ja̧'a̧ttö̧ cu̧ja̧cuä̧tu̧cuo̧mȩ ppa̧dä̧cho̧mȩnä̧, Cristo Jesúsnä cuesehuätucuaja ttörö.