2 Corintios 5:10 - TÄ̧DO Ä̧CUÄ̧ I̧HUȨNȨ

¹⁰ O'ca toi'önä pi̧jä̧nä̧ ka̧cuä̧tö̧, Cristo ö̧'o̧mȩ ä'ca jo̧mȩ tö̧jä̧mä̧dä̧cuo̧tö̧jä̧, pi̧jä̧ jähuä tidepänä kä̧nö̧, tö̧ji̧nö̧ ta'anö tȩma̧ pä'ö, koro adiu'inä, koro suronä'inä jȩti̧nö̧ micuä päi'önä.

Nuevo Testamento Uwotjüja

¹⁰ Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

2 Corintios 5:10 ပူးပေါင်းရင်းမြစ်များ

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

Hechos 10:42

Chutä Jesús ujuturu hue'inö ttö̧ja̧rö̧ jitähua pä'ö ja̧u̧ ttoächinö huȩnȩ. Ja̧'hua̧ta̧nö̧ hue'inö jitähua pä'ö: Diosmä Jesúsru pätetö hue'inö a̧dȩcuä̧tö̧rö̧'i̧nä̧, 'corupä'i'inätörö'inä tä̧bo̧cuä̧ ru̧hua̧ päi'önä ö̧ja̧ pä'ö.

Hechos 17:31

Ji̧yȩnö̧ mo̧ro̧ tä̧bo̧cuä̧ mo̧ro̧mä̧ chutä amöcuädinö. Ja̧u̧ mo̧ro̧ chutä pätetö hueinäcumä jueönä pä̧cua̧. Ka̧ra̧rö̧: “Ucumä adiu jȩpö̧jä̧”, ka̧ra̧rö̧: “Ucumä suronä jȩpö̧jä̧” pä̧cua̧. Iso päi'önä ja̧'hua̧nö̧ jȩä̧cua̧ ttu̧huo̧jua̧ pä'ö, ja̧u̧ hueinäcuru 'corupäi'äji o'ca'a tto'ädinö Diosmä, —pä'inödo Pablo.

Romanos 2:16

Adihuä huȩnȩ ttö jidäumä päa'a, ji̧yȩnö̧ mo̧ro̧, Dios Jesucristonä ttö̧ja̧ yä̧huä̧i̧nä̧ jȩttö̧ ro̧ȩpä̧cuȩ mo̧ro̧, ja̧'hua̧nö̧ 'cuäopäcua'a.

Romanos 6:19

Ja̧'hua̧nö̧ chucuocuomenä, pi̧jä̧ ttö̧ja̧ ttamöcuädö'a̧nö̧ ucuocusä, adiu cuä̧ju̧cuä̧tu̧cuo̧ca̧'a̧ttö̧. Ä'coji cuamönä iyäcuähuinätöjä suronä jȩä̧cuä̧huä̧nä̧, pi̧jä̧ttö̧ surojö jȩcu̧'ä̧tu̧cua̧ pä'ö. Ja̧'hua̧nö̧ ja̧'a̧nä̧ ucutu cuamönä iyäcuähuätucui cua̧'cua̧ adiu jȩpö̧ cu̧ja̧cuä̧tu̧cua̧ pä'ö, Diosrö pä̧huä̧ rö̧jö̧nä̧tä̧ cu̧ja̧cuä̧tu̧cuä̧cua̧'a̧nö̧.

1 Corintios 4:5

Ja̧'hua̧ ji̧yä̧cu̧ ä'canä päcuhuätucuä' ucutumä. Tta̧'ä̧rä̧tu̧cui̧ Tu̧ru̧hua̧ ichäcua'a. Ja̧u̧ o'ca juiyönä yo̧ö̧mä̧ i̧jȩpä̧cua̧ tȩa̧u̧nä̧. Ja̧'hua̧ta̧nö̧ o'ca juiyönä pi̧jä̧ ttö̧ja̧ ttami iso'quinä ttamöcuädömä i̧jȩpä̧cua̧. Ja̧u̧nu̧tä̧ Dios i̧yä̧cua̧ eseäcuähuä o'ca toi'önä adiu jȩpä̧tö̧rö̧.

2 Corintios 7:3

Ja̧'hua̧nö̧mä̧ ji'ähuocösä ucuturu ro̧dȩpa̧ pä'ö. Pä'äji jidähuinö ta'anö, ucuturu chami iso'quinä eseunu amöcuädösä tö̧jo̧mȩnä̧'i̧nä̧, 'corupäti'omenä'inä.

Efesios 6:8

Täcö huo̧juä̧tö̧jä̧ ucutumä, ttu̧ru̧hua̧cu̧ aditätö'inä, ttu̧ru̧hua̧ to'ätö'inä Tu̧ru̧hua̧ Jesucristo iyä̧cuȩ ttȩmä̧cuo̧tö̧do adiu ttaditinö micuä.

Hebreos 9:27

Ja̧'hua̧ ja̧'a̧ttö̧ o'ca toi'önä ya'utenä 'corupätti'äcuotödo. Ja̧u̧nu̧ o'ca'a: “Ucu adiu jȩpi̧nö̧jä̧”, “Ucu suronä jȩpi̧nö̧jä̧” pä̧cua̧ Dios o'ca toi'önärö.

1 Pedro 4:5

Yodoji Dios ttö̧ja̧rö̧ pojocuä mo̧ro̧ päi'omenä, ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” pä̧cua̧rö̧ jȩtti̧nö̧mä̧ jittähuäcuotö jahuätö'inä.

Apocalipsis 2:23

Ki̧tti̧mö̧rö̧'i̧nä̧ cuä'ö chi̧cuä̧cua̧sä̧. Ja̧'hua̧nö̧ jȩcho̧mȩnä̧, o'ca toi'önä iglesias ruhuämä, iso päi'önä o'ca juiyönä ttamöcuädönä'inä, ttami iso'quinä'inä topö huo̧jua̧sä̧ pä'ö ttu̧huo̧juä̧cuo̧tö̧. Ucutu'inä jȩcu̧'ä̧tu̧cu̧ topö chi̧yä̧cua̧sä̧ ka̧ra̧rö̧'i̧nä̧, ka̧ra̧rö̧'i̧nä̧.

Apocalipsis 22:12

—Iso päi'önä jurunänö ichösä. O'ca toi'önä jȩtti̧nö̧ topö, adihuä juäi chiyä̧cuȩmä̧, chi̧'cä̧chä̧cua̧sä̧.