2 Corintios 2:17 - TÄ̧DO Ä̧CUÄ̧ I̧HUȨNȨ

¹⁷ Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

Nuevo Testamento Uwotjüja

¹⁷ Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

2 Corintios 2:17 ပူးပေါင်းရင်းမြစ်များ

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

Hechos 20:20

Ucuturu adiu ppä'ädö o'ca juiyönä ji'ähuinösä, ku̧ni̧cuä̧ juiyönä. Ucuturu huo̧juȩti̧nö̧sä̧ o'ca toi'önä ttä'ca jo̧mȩttö̧'i̧nä̧, cuojuodehuiyätucunä'inä.

Hechos 20:27

Ttö ucuturu o'ca juiyönä Dios chu̧huo̧juȩta̧ pä'ö hueinömä ji'ähuinösä ku̧ni̧cuä̧ juiyönä.

1 Corintios 5:8

Ja̧'hua̧nö̧ ja̧'a̧ttö̧ iso päi'önä adiunätä amöcuädö, pascua fiesta adiu jȩtta̧'a̧ jä̧'i̧nö̧'a̧nö̧ tö̧ja̧cuä̧tu̧cua̧ja̧. Pan pä'äji jähuä ppö̧ä̧mö̧cu̧ surojö jä̧'i̧nö̧'a̧nö̧, surojö jȩä̧cuä̧huä̧ juiyönä tö̧ja̧cuä̧tu̧cua̧ja̧.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

2 Corintios 1:18

Diosmä ujuturu huo̧jua̧. Ja̧'hua̧nö̧mä̧ todärenä pä'ocotöjä ucuturu.

2 Corintios 11:11

¿Dä̧bö̧ chucuocua'attö ja̧'hua̧nö̧mä̧? ¿Ucuturu repedoca'a chucuocua'a tä̧ji̧? Diostä huo̧jua̧ ucuturu rö̧ȩnä̧ repeda'amä.

2 Corintios 12:19

Ja̧'hua̧nö̧ tucuocuomenä, ucutu amöcuädätöjä a̧'cua̧ra̧'a̧: “Jahuätö ttamönä jȩtti̧nö̧ adiunä ucuocuätö ujutu tä'ca jo̧mȩttö̧.” Ja̧'hua̧nö̧mä̧cö̧. Pärocua'acu Dios ä'ca jo̧mȩttö̧ ucuocuätöjä Cristo i̧mi̧nä̧. Adihuä chö̧jä̧hua̧tö̧, o'ca juiyönä ucuocu jȩpä̧tö̧jä̧, juhua'a yabonö rö̧ä̧chö̧nä̧ cuesetätucua pä'ö.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

2 Corintios 6:7

Ja̧'hua̧ta̧nö̧ iso päi'önä huȩnȩ jitähua'attö'inä, Dios ujuru tu̧ju̧nä̧ra̧'a̧ttö̧'i̧nä̧, Dios umöhuäyotö ta'a topö ttu̧huo̧juä̧cuo̧tö̧. Adihuä juäi jȩä̧cuä̧huä̧nä̧tä̧ rohuähuätöjä.

Gálatas 1:6

Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.

1 Tesalonicenses 2:4

Pärocua'acu Dios ujuturu ka̧cuä̧mö̧ topö hue'inö ttö̧ja̧ suronä jȩttö̧ jȩpö̧ icu huȩnȩ jitähua pä'ö. Ja̧u̧tä̧ huȩnȩ ji'ähuätöjä. Pi̧jä̧ ttö̧ja̧ ttesehuatö pä'ömä ji'ähuocotöjä. Diostä, tami iso'quinä topö huo̧jua̧tä̧, esehuatö pä'ö ji'ähuätöjä.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

Hebreos 11:27

Diosrö esetö, Egipto ru̧hua̧rö̧ ö̧ra̧huä̧ra̧'a̧ yecuoca'a, Moisés Egipto rȩjȩttö̧ rä'opinödo. Chutä, Diosrö uhuäpocörö, topö cuettächö jä̧'i̧nö̧'a̧nö̧, adiunätä jȩpö̧ 'chi̧nö̧do.

1 Pedro 4:11

Ya̧tȩ ucuocuttumä, Dios i̧huȩnȩ päö ta'anö ucuocu'a̧nö̧ ja̧'a̧. Ya̧tȩ ka̧ra̧rö̧ ppädöttömä, Dios ujuru iyömä ppä'ädö aditö'a̧nö̧ ja̧'a̧. O'ca juiyönä jȩcu̧'ä̧tu̧cuo̧mȩnä̧, Jesucristo i̧mi̧nä̧ jȩpö̧, Diosrö esehuäcuähuätucui. 'Cuäopönä Diosrö ttesehuäcuähuäcua'a̧nö̧. Ja̧'hua̧ta̧nö̧ 'cuäopönä Dios ujuruhuäcua'a̧nö̧. Amén.

1 Juan 4:1

Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

Apocalipsis 19:20

Ja̧u̧ pä̧i̧cua̧ i̧sa̧cu̧, ja̧u̧ ä'canä rö̧ȩnä̧ ttö̧ja̧ ttieru juäi yapareu jȩpi̧nö̧cu̧ cärenä rötinätö. Ja̧u̧ juäi ttö̧ja̧ ttieru juäi yapareu jȩo̧mȩnä̧, jitöja ttö̧ja̧, ja̧u̧ pä̧i̧cua̧ i̧sa̧ sello ttö'änä ta'ähuinätörö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätörö'inä yapareu jȩpö̧ ucuocuinö. Ja̧'hua̧ ja̧'a̧ttö̧ ja̧u̧ pä̧i̧cua̧ i̧sa̧rö̧'i̧nä̧, yapareu jȩpö̧ ji'ähuinörö'inä ji̧nä̧ tta̧'cua̧ra̧'a̧nä̧, do'opö tticuinä̧u̧ ocurä rö̧arära̧'a̧, azufrenä cuoarära̧'a̧.

Apocalipsis 2:20

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Ucumä cuami 'qui'ächi'ö topöjä jahuäju isaju Jezabelrö, “Dios i̧huȩnȩ ucuocuäjusä” pä'äjuru. Ja̧'hua̧nö̧ päjomenä, ji̧nä̧ isocu yapareutä huo̧juȩtä̧ju̧ chumöhuäyotörö, u̧mä̧tö̧ nä̧tö̧rö̧ suronä jȩpö̧ ttö̧ja̧cua̧ pä'ö. Ja̧'hua̧ta̧nö̧ koro juäi cuäcuähuä, ttu̧mö̧nä̧ adicuä juäi iyähuä ttucua pä'ö huo̧juȩtä̧ju̧.