2 Corintios 2:12 - TÄ̧DO Ä̧CUÄ̧ I̧HUȨNȨ

¹² Troas ötahuiyära̧'a̧ 'chä̧hui̧'ö̧, Cristo i̧huȩnȩ jidähua pä'ö, rö̧ȩnä̧ Tu̧ru̧hua̧ i̧huȩnȩ adicuä ji̧na̧'a̧do. Recuätö ttä̧ju̧cua̧ pä'inätödo.

Nuevo Testamento Uwotjüja

¹² Ja̧'wa̧nü̧ ja̧'a̧ Tróade ütawiyättümä̧, jareü wȩnȩ Crito i̧wȩnȩ jidäwa pä'ü bawekuächäja'anä̧,

2 Corintios 2:12 ပူးပေါင်းရင်းမြစ်များ

Hechos 14:27

Antioquía ötahuiyära̧'a̧ 'chä̧hui̧'ö̧, iglesia ruhuärö ji̧nä̧ yo̧mȩtȩ ca̧ca̧tö̧ ji'ähuinätödo o'ca juiyönä Dios jahuätöcu jȩi̧nö̧mä̧. Dios jähuä ba'epö i̧jȩpi̧nö̧ judíos huocotö'inä ttesetarö pä'ö ji'ähuinätödo.

Hechos 16:11

Troas ötahuiyättö huoi'canä rä'opö, Samotracia kä'co i̧sä̧sa̧ra̧'a̧ jueönä 'chä̧hui̧'i̧nä̧tö̧jä̧. Samotracia kä'co i̧sä̧sa̧ra̧'a̧ ti̧'chi̧'ä̧ji̧ koro mo̧ro̧ päi'omenä, Neápolis ötahuiyära̧'a̧ 'chä̧hui̧'i̧nä̧tö̧jä̧.

Hechos 16:8

Ja̧'hua̧nö̧ ja̧'a̧ Misia rȩjȩ 'cuä'opö, Troas ötahuiyära̧'a̧ rȩbȩhui̧nä̧tö̧do.

Hechos 20:8

Ju'toju i̧so̧ca̧ tö̧ca̧ca̧cui̧'o̧ca̧nä̧ rö̧ȩnä̧ lámparas cuoina'a.

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

1 Corintios 16:9

Pȩnȩmä̧ recuätö ka̧cuä̧tö̧mä̧ ttä̧ju̧cu̧'a̧nö̧ ja̧'a̧ Tu̧ru̧hua̧ i̧huȩnȩ. Ja̧'hua̧ta̧nö̧ recuätö ttä̧ju̧cua̧ pä'ocotö'inä ka̧cuä̧tö̧.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

1 Corintios 9:14

Ja̧'hua̧ta̧nö̧ Tu̧ru̧hua̧ hue'inödo ttö̧ja̧ suronä jȩttö̧ jȩpö̧ icu huȩnȩ ji'ähuätörö'inä, i̧huȩnȩ ji'äu ttaditomenä, ja̧u̧ aditö ttö̧ja̧cuä̧cua̧'a̧nö̧.

1 Corintios 9:16

Ttömä a'cuoyäunu ji'ähuocösä ttö̧ja̧ suronä jȩttö̧ jȩpö̧ icu huȩnȩ. Iso päi'önä ja̧u̧ huȩnȩ chesetina'attö, jidäu'a̧nö̧ ja̧'a̧. Ja̧'hua̧nö̧ jidäu juiyöttömä, suronä 'cuäopäcua'a ttörö.

2 Corintios 10:14

Ja̧'hua̧nö̧ ja̧'a̧ttö̧ ujuturu hueinöttö'inä i̧mi̧cu̧nä̧ jȩpo̧co̧tö̧ pi̧nä̧tö̧jä̧, ucuturu ji'äu ti̧'cho̧mȩnä̧. Ujutumä korotö tti̧'chä̧cua̧'a̧ ä'canä, ji'äu 'chi̧nä̧tö̧jä̧ adihuä Cristo i̧huȩnȩ ucuturu.

2 Corintios 11:4

Korotö ichö Jesús i̧huȩnȩ ji'äu, ujutu jitähuinöttö'inä i̧mi̧cu̧nä̧ jittähuomenä, adiu ä̧ju̧cuä̧tö̧jä̧. Ja̧'hua̧ta̧nö̧ ka̧ra̧ espírituru'inä, Espíritu Santottö cuȩmi̧nä̧tu̧cuä̧cu̧ttu̧'i̧nä̧ i̧mi̧cu̧nä̧ hua̧rö̧ eseunu ȩmä̧tö̧jä̧. Koro huȩnȩ, ttö̧ja̧ suronä jȩttö̧ jȩpö̧ icu pättö huȩnȩ'i̧nä̧, ujututtu cuä̧ju̧cui̧nä̧tu̧cu̧ttu̧'i̧nä̧ i̧mi̧cu̧nä̧ jö̧ esetätöjä.

2 Corintios 11:7

Ucuturu ttö̧ja̧ suronä jȩttö̧ jȩpö̧ icu huȩnȩ jidähuomenä, micuä yoröiso jä'epocö pi̧nö̧sä̧. Usurä i̧sa̧ ta'anö ki̧nö̧sä̧, ucutu rö̧ä̧chi̧'ö̧nä̧ cuesetätucua pä'ö. Ja̧'hua̧nö̧ jȩpö̧ kä̧nö̧, ¿suronä jȩpi̧nö̧sä̧ tä̧ji̧?

2 Corintios 4:3

Ja̧'hua̧ta̧nö̧ korotömä, ttö̧ja̧ suronä jȩttö̧ jȩpö̧ icu huȩnȩ jitähuomenä, ttä̧ju̧cu̧ juiyöttömä, jahuätömä tottei'äcuotö.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

2 Corintios 8:18

Ja̧'hua̧ta̧nö̧ Titocu hue'ätöjä ka̧ra̧ tö̧jä̧hua̧rö̧, adiu ttucuocuäcuru iglesias ruhuämä. Ja̧u̧'i̧nä̧ ttö̧ja̧ suronä jȩttö̧ jȩpö̧ icu huȩnȩ ji'äu adiu aditinödo.

2 Corintios 9:13

Jahuätö ttesehuäcuähuäcuotö Diosrö. Ja̧u̧ ppä'ädö huecuhuätucuomenä, topö ttu̧huo̧juä̧cuo̧tö̧ iso päi'önä ucutumä Cristo i̧huȩnȩ päö ta'anö jȩpä̧tö̧jä̧. Ja̧'hua̧ta̧nö̧ jahuätörö'inä, o'ca toi'önärö'inä eseunu ppä'ädö cuiyätucuomenä topö, Diosrö adiu ttucuotäcuotö.

Colosenses 4:3

Ujuturu'inä Diosrö ucuocuätucui, Tu̧ru̧hua̧ ppäda pä'ö adiu jitähuäcua'a̧nö̧ i̧huȩnȩ, Cristorö ttieru huȩnȩ. Ja̧u̧ huȩnȩ jidähua'attö, cärenä pö̧sä̧ jitämä.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.